ರಾಷ್ಟ್ರಕವಿ ಕುವೆಂಪು ಅವರ ೪೫ ಕವಿತೆಗಳನ್ನು ಒಳಗೊಂಡ ಸಂಕಲನ. ೧೯೪೬ರಲ್ಲಿ ಈ ಸಂಕಲನ ಮೊದಲ ಬಾರಿಗೆ ಪ್ರಕಟವಾಗಿತ್ತು. ನಂತರ ಹಲವಾರು ಮುದ್ರಣಗಳನ್ನು ಕಂಡಿದೆ. ಅಗ್ನಿಹಂಸ’ದಲ್ಲಿ ಇರುವ ಕವಿತೆಗಳಲ್ಲಿ ಬಹುತೇಕ ಆಧ್ಯಾತ್ಮಿಕತೆಗೆ ಸಂಬಂಧಿಸಿದವುಗಳು. ಈ ಸಂಕಲನದಲ್ಲಿ ಮುನ್ನುಡಿ, ಬೆನ್ನುಡಿ ಅಥವಾ ಲೇಖಕರು ಮಾತು ಇಲ್ಲ. ಈ ಸಂಕಲನವನ್ನು ಕುವೆಂಪು ಅವರು ಶ್ರೀ ಸ್ವಾಮಿ ಸಿದ್ಧೇಶ್ವರಾನಂದರಿಗೆ ಅರ್ಪಿಸಿದ್ದಾರೆ. ರಾಮಕೃಷ್ಣ ಪರಮಹಂಸ ಅವರನ್ನು ಕುರಿತ ರವೀಂದ್ರನಾಥ ಠಾಕೂರ್‍ ಅವರ ಶ್ರೀರಾಮಕೃಷ್ಣ ಪರಮಹಂಸ ದೇವನಿಗೆ ಎಂಬ ಶೀರ್ಷಿಕೆಯ ಅಡಿಯಲ್ಲಿ ಕನ್ನಡೀಕರಿಸಿದ್ದಾರೆ. ’ಅಗ್ನಿಹಂಸ’ ಈ ಸಂಕಲನ ಮೊದಲ ಕವಿತೆ. ಸ್ವಾಮಿ ವಿವೇಕಾನಂದರ ಕವಿತೆ ’ಸಂನ್ಯಾಸಿ ಗೀತೆ’ಯ ಕನ್ನಡೀಕರಣ ಇದರಲ್ಲಿ ಸೇರಿದೆ. ಫ್ರಾನ್ಸಿಸ್ ಥಾಮ್ಸನ್ ಕವಿಯ ’ದ ಹೌಂಡ್ ಆಫ್ ಹೆವನ್’ ಕವಿತೆಯ ಕನ್ನಡ ರೂಪಾಂತರ ಸೊಗಸಾಗಿದೆ. ನಿನ್ನೆಡೆಗೆ ಬರುವಾಗ, ತೇನ ವಿನಾ, ಅಂತರತಮ ನೀ ಗುರು, ಮುಚ್ಚು ಮರೆಯಿಲ್ಲದೆಯೆ, ಋತಚಿನ್ಮಯಿ ಅಂತಹ ಜನಪ್ರಿಯ ಗೀತೆಗಳು ಈ ಸಂಕಲನದಲ್ಲಿವೆ. ರಾಮಕೃಷ್ಣ ಪರಮಹಂಸ, ಶಾರದಾದೇವಿ, ವಿವೇಕಾನಂದ, ಅರವಿಂದರು, ಪರಮಹಂಸರ ಶಿಷ್ಯ ಸ್ವಾಮಿ ಶಿವಾನಂದರು ಕುರಿತ ಕವಿತೆಗಳಿವೆ. ಹಾಗೆಯೇ ಖ್ಯಾತ ಚಿತ್ರ ಕಲಾವಿದ ರೋರಿಚ್ ಚಿತ್ರಶಾಲೆ ಯನ್ನು ಕುರಿತ ಮತ್ತು ಶ್ರವಣ ಬೆಳಗೊಳದ ಗೊಮ್ಮಟನನ್ನು ಕುರಿತ ಕವಿತೆಗಳು ಈ ಸಂಕಲನದ ವಿಶೇಷ.
ಕುವೆಂಪು ಎಂಬ ಕಾವ್ಯನಾಮದಿಂದ ಸಾಹಿತ್ಯ ರಚನೆ ಮಾಡಿದ ಕವಿ, ಪ್ರಖರ ವಿಚಾರವಾದಿ-ಚಿಂತಕ ಕುಪ್ಪಳ್ಳಿ ವೆಂಕಟಪ್ಪ ಪುಟ್ಟಪ್ಪ ಅವರು ಕನ್ನಡ ಸಾಹಿತ್ಯದ ಮೇರೆಗಳನ್ನು ವಿಸ್ತರಿಸಿದವರು. ತಂದೆ ವೆಂಕಟಪ್ಪಗೌಡ ತಾಯಿ ಸೀತಮ್ಮ. ತೀರ್ಥಹಳ್ಳಿ ತಾಲ್ಲೂಕಿನ ಕುಪ್ಪಳ್ಳಿಯವರಾದ ಪುಟ್ಟಪ್ಪ ಜನಿಸಿದ್ದು ಚಿಕ್ಕಮಗಳೂರು ಜಿಲ್ಲೆಯ ಹಿರೇಕೂಡಿಗೆಯಲ್ಲಿ 1904ರ ಡಿಸೆಂಬರ್ 29ರಂದು. ಮನೆಯಲ್ಲೇ ಖಾಸಗಿ ಮೇಷ್ಟರ ಮೂಲಕ ಪ್ರಾರಂಭಿಕ ವಿದ್ಯಾಭ್ಯಾಸದ ನಂತರ ತೀರ್ಥಹಳ್ಳಿಯಲ್ಲಿ ವಿದ್ಯಾಭ್ಯಾಸ ಮುಗಿಸಿ ಮೈಸೂರಿನಲ್ಲಿ ವೆಸ್ಲಿಯನ್ ಮಿಷನ್ ಹೈಸ್ಕೂಲ್, ಮಹಾರಾಜ ಕಾಲೇಜುಗಳಲ್ಲಿ ಓದಿ ಎಂ.ಎ. ಪದವಿ (1929) ಪಡೆದರು. ಮೈಸೂರು ಮಹಾರಾಜ ಕಾಲೇಜಿನಲ್ಲಿ ಅಧ್ಯಾಪಕ (1929) ಆಗಿ ಅನಂತರ ಕ್ರಮೇಣ ಉಪಪ್ರಾಧ್ಯಾಪಕ, ...
READ MORE
Concept & Creation 
©2024 Book Brahma Private Limited.
2.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
