`ಶ್ಲೋಕಾರವಿಂದ' ವ್ಯಕ್ತಿತ್ವ ವಿಕಾಸ ಬರಹಗಳನ್ನು ರಾಷ್ಟ್ರೋತ್ಥಾನ ಸಾಹಿತ್ಯ ಪ್ರಕಾಶನವು ವಿವಿಧ ಲೇಖಕರ ಬರಹಗಳಿಂದ ಆಯ್ದು ಪ್ರಕಟಿಸಿದೆ. ಭಾರತೀಯ ಸಂಸ್ಕೃತಿ, ಸಾಹಿತ್ಯಗಳ ಸರಸ್ಸಿನ ಆಳದಿಂದ ಅರಳಿ ಬಂದಿದೆ ಶ್ಲೋಕಾರವಿಂದ. ಪ್ರಾತಃಸ್ಮರಣೆಯಿಂದ ಅರಳುವ ಈ ಹೊತ್ತಿಗೆಯಲ್ಲಿ ಭಾರತೀಯ ಸಾಧುಪುರುಷ, ವೀರಪುರುಷರ (ಮಹರ್ಷಿ ವೇದವ್ಯಾಸರು, ಶ್ರೀ ಶಂಕರಾಚಾರ್ಯರು, ಸಮರ್ಥ ರಾಮದಾಸರು, ಸ್ವಾತಂತ್ರ್ಯವೀರ ಸಾವರಕರ ಮುಂತಾದವರು) ನಾಮಾವಳಿಗಳು ಇವೆ. ಅವರು ತೋರಿದ ತ್ಯಾಗ-ಪೌರುಷಗಳ ನೆನಪಿನಲ್ಲಿ ಬೆಳಗಿನಾಗಸದ ಅಂಗಣದಲ್ಲಾಡುವ ಹೊಂಗಿರಣ, ಕೆಂಗಿರಣಗಳ ಸುಂದರ ವರ್ಣಸಂಯೋಜನೆ ಇದು. ಇಲ್ಲಿರುವುದು ಪರಿಶುದ್ದ ಮಕರಂದ. ಅದರ ಸವಿ ತನುಶುದ್ಧಿಗೆ ಪೋಷಕ; ಸದ್ಬುದ್ಧಿಗೆ ಪೂರಕ; ಮನುಷ್ಯನ ಮೇಲ್ಮುಖ ಯಾನಕ್ಕೆ ಸಹಾಯಕ ಎಂದು ಕೃತಿಯ ಕುರಿತು ವಿವರಿಸಲಾಗಿದೆ.
Concept & Creation 
©2024 Book Brahma Private Limited.
