‘ತುಂಗಭದ್ರೆ ನಾಡಿಗೆ ವರವೊ, ಶಾಪವೊ’ ಹಾಗೂ ಇತರ ಐತಿಹಾಸಿಕ ಸಮೀಕ್ಷೆಗಳು ಲೇಖಕ ಡಾ. ಶ್ರೀನಿವಾಸ ಹಾವನೂರರು ಸಂಪಾದಿಸಿರುವ ಕೃತಿ. ಈ ಕೃತಿಯಲ್ಲಿ ತುಂಗಭದ್ರೆ- ನಾಡಿಗೆ ವರವೋ, ಶಾಪವೋ, ಆನಂದನಿಧಿ-ವಿಜಯನಗರ ಕಾಲದ ಬ್ಯಾಂಕ್, ಶ್ರೀ ವಿಜಯೀಂದ್ರರ ನಿಶ್ಚಿತ ಕಾಲ ಯಾವುದು, ಆದಿಲ್ ಶಾಹಿಗಳ ಗ್ರಂಥಸಂಪದ, ಕೆಳದಿ ಅರಸರ ವಿದೇಶೀ ಸಂಬಂಧ, ಮೆಕೆನ್ಸಿಯ ಒಂದು ಅಜ್ಞಾನ ಸಂಗ್ರಹ, ಹೈದರಾಲಿಯೊಡನೆ ದೌತ್ಯ ಸಂಭಾಷಣೆ, ಟೀಪೂ ಸುಲ್ತಾನನ ಬಗ್ಗೆ ಬ್ರಿಟಿಶ್ ಆಕರಗಳು, ಟೀಪೂವಿನ ಹುಲಿ, ಪರ್ಶಿಯನ್ ರಾಯಭಾರಿ ಹಾಗೂ ದಿವಾನ ಪೂರ್ಣಯ್ಯ, ಸುರಪುರ ದುರಂತದ ನಿಜಸಂಗತಿ, ಉತ್ತರ ಕನ್ನಡ ಜಿಲ್ಲೆ ನಿರ್ಮಾಣವಾದದ್ದು ಹೇಗೆ, ತಾತ ವೆಂಕಟಕೃಷ್ಣಯ್ಯರ ಪೆನ್ಶನ್ ವಿಚಾರ, ಶಿಕ್ಷಣತಜ್ಞ ಎಚ್.ಜೆ. ಭಾಭಾ, ಕನಕಗೋಪುರ ಉಡುಪಿ(ಎರಡು ಟಿಪ್ಪಣಿಗಳು), ಕರ್ನಾಟಕ ಇತಿಹಾಸ ಅಕಾಡೆಮಿಯ 13ನೆಯ ಸಮ್ಮೇಳನದ ಅಧ್ಯಕ್ಷ ಭಾಷಣಗಳು ಸಂಕಲನಗೊಂಡಿವೆ.
ಕನ್ನಡ ಸಾಹಿತ್ಯಸಂಶೋಧನೆ ಮಾಡಲು ಮೊತ್ತಮೊದಲು ಕಂಪ್ಯೂಟರ್‌ ಬಳಸಿದವರು ಡಾ. ಶ್ರೀನಿವಾಸ ಹಾವನೂರರು (1928-2010). ಕನ್ನಡ ಸಾಹಿತ್ಯಕ್ಕೆ ಅವರ ಕೊಡುಗೆ ಅಪಾರವಾದುದು, ವೈವಿಧ್ಯಮಯವಾದುದು. ಸಣ್ಣ ಕಥೆ, ಲಲಿತ ಪ್ರಬಂಧ, ಜೀವನ ಚರಿತ್ರೆ, ಸಾಹಿತ್ಯ, ಸಂಸ್ಕೃತಿ, ಇತಿಹಾಸ ವಿಮರ್ಶೆ ಮೊದಲಾದ ಪ್ರಕಾರಗಳಲ್ಲಿ 60ಕ್ಕೂ ಮಿಕ್ಕಿ ಕೃತಿಗಳನ್ನು ಹೊರತಂದರು. ವಿದೇಶದಲ್ಲಿದ್ದ ಕನ್ನಡ ಸಾಹಿತ್ಯವನ್ನು ಮರಳಿ ತಾಯ್ನಾಡಿಗೆ ಕರೆತಂದರು. ಹೊಸಗನ್ನಡ ಅರುಣೋದಯದ ಸಾಹಿತ್ಯವನ್ನು ಮತ್ತೆ ತೆರೆದು ತೋರಿಸಿದರು, ಹಿಂದೆ ಮುಂಬಯಿಯ ಟಾಟಾ ಮೂಲಭೂತ ವಿಜ್ಞಾನ ಸಂಸ್ಥೆಯ ಗ್ರಂಥಪಾಲಕರಾಗಿದ್ದರು. ಮುಂದೆ ಮಂಗಳೂರು ಮತ್ತು ಮುಂಬಯಿ ವಿ.ವಿ.ಯ ಕನ್ನಡ ಅಧ್ಯಯನ ಸಂಸ್ಥೆಯ ಮುಖ್ಯಸ್ಥರಾದರು. ಆಮೇಲೆ ಪುಣೆಯಲ್ಲಿ ಮರಾಠಿ ಕನ್ನಡ ಸ್ನೇಹ ಸಂವರ್ಧನೆಯಲ್ಲಿ ಪಾತ್ರವಹಿಸಿದರು.. ಕೊನೆಗೆ ಕರ್ನಾಟಕ ಸರಕಾರದ ಸಮಗ್ರ ದಾಸ ಸಾಹಿತ್ಯ ಸಂಪಾದಕರಾಗಿ ೫೦ ಸಂಪುಟಗಳ ಪ್ರಕಟಣೆಯ ನೇತೃತ್ವ ವಹಿಸಿದರು. ಕನ್ನಡದ ನಾಡೋಜರೆಂದು ಹೆಸರಾದರು. ...
READ MORE
Concept & Creation 
©2024 Book Brahma Private Limited.
