‘ನಾಮವರ್ ಸಿಂಹ್’- ಆಯ್ದ ಲೇಖನಗಳು, ಕುವೆಂಪು ಭಾಷಾ ಭಾರತೀಯ ವಿಚಾರ ಸಾಹಿತ್ಯ ಮಾಲಿಕೆಯಲ್ಲಿ ಪ್ರಕಟವಾದ ಕೃತಿ. ಈ ಮಾಲಿಕೆಯ ಪ್ರಧಾನ ಸಂಪಾದಕರು ಡಾ.ಎಂ.ಜಿ. ಹೆಗಡೆ. ನಾಮವರ್ ಸಿಂಹ್ ಅವರ ಆಯ್ದ ಲೇಖನಗಳನ್ನು ಸಂಗ್ರಹಾನುವಾದ ಮಾಡಿದವರು ಲೇಖಕ ಡಾ.ಜಿ. ಭಾಸ್ಕರ ಮಯ್ಯ. ಭಾರತದ ಖ್ಯಾತ ಸಾಹಿತ್ಯ ವಿಮರ್ಶಕರಲ್ಲಿ ಒಬ್ಬರಾದ ನಾಮವರ್ ಸಿಂಹ್ ಅವರ ಪ್ರಮುಖ ಲೇಖನಗಳನ್ನು ಅರ್ಥಪೂರ್ಣವಾಗಿ ಅನುವಾದಿಸಿದ್ದು, ಕನ್ನಡ ಓದುಗರಿಗೆ ಭಾರತೀಯ ಸಾಹಿತ್ಯ ವಿಮರ್ಶೆಯ ಮಹತ್ವದ ಲೇಖಕರನ್ನು ಪರಿಚಯಿಸಲಾಗಿದೆ.
ಡಾ.ಜಿ. ಭಾಸ್ಕರಮಯ್ಯ ರವರು ಕುಂದಾಪುರದ ಭಂಡಾರಕರ ಕಾಲೇಜು ಮತ್ತು ಮುಲ್ಕಿ ಕಾಲೇಜುಗಳಲ್ಲಿ ಒಟ್ಟು ನಾಲ್ಕು ದಶಕಗಳಿಗೂ ಮೀರಿ ಸಂಸ್ಕೃತ, ಹಿಂದಿ, ಮತ್ತು ಇಂಗ್ಲಿಷ್ ಭಾಷೆಗಳನ್ನೂ, ತತ್ವಶಾಸ್ತ್ರ, ಪ್ರಾಕ್ತನಶಾಸ್ತ್ರಗಳನ್ನು ಬೋಧಿಸಿ, ಹಿಂದಿ ಪ್ರಾಧ್ಯಾಪಕರಾಗಿದ್ದು ಈಗ ನೀವೃತ್ತರಾಗಿದ್ದಾರೆ. ಡಾ.ಮಯ್ಯರವರು ಬಹುಭಾಷಾ ವಿಶಾರದರು. ಹಿಂದಿ, ಸಂಸ್ಕೃತ, ಪಾಲಿ, ಕನ್ನಡ, ಇಂಗ್ಲಿಷ್ ಮತ್ತಿತರ ಭಾಷೆಗಳಲ್ಲಿ ಅವರದು ಆಳವಾದ ಪಾಂಡಿತ್ಯ. ಜೈನಧರ್ಮದಿಂದ ಮಾರ್ಕ್ಸ್ ವಾದದವರೆಗೂ ಅವರ ಆಸಕ್ತಿ ಹರಡಿದೆ. ಸತತವಾದ ಓದು. ಚಿಂತನೆ, ಪರಿಶ್ರಮಗಳಿಂದ ಹಲವಾರು ವಿಶ್ವವಿದ್ಯಾಲಯಗಳಿಂದ ಎಂ.ಎ.ಪದವಿಗಳನ್ನೂ, ಮೈಸೂರು ವಿಶ್ವವಿದ್ಯಾನಿಲಯದಿಂದ ಪಿಎಚ್ಡಿ ಪದವಿಯನ್ನೂ ಗಳಿಸಿದ್ದಾರೆ. ಅನೇಕಾನೇಕ ಸಂಶೋಧನಾತ್ಮಕ ಲೇಖನಗಳನ್ನು ಪ್ರಕಟಿಸಿದ್ದಾರೆ. ಒಂಟಿತನ, ಪರಕೀಯಪ್ರಜ್ಞೆ ...
READ MORE
Concept & Creation 
©2024 Book Brahma Private Limited.
