ತ್ರಿವೇಣಿ ಅವರ ಕಾದಂಬರಿ-ಹಣ್ಣೆಲೆ ಚಿಗುರಿದಾಗ. ವಿಧವೆಯರಲ್ಲೂ ಪ್ರೇಮದ ಹಂಬಲವಿರುತ್ತದೆ. ತಾವೂ ಮರುಮದುವೆಯಾಗಿ ಬಾಳಬೇಕು ಎಂಬ ತುಡಿತವಿರುತ್ತದೆ. ಅದಕ್ಕೆ ಸಮಾಜ ಅವಕಾಶ ನೀಡಬೇಕು ಎಂಬ ಒತ್ತಾಸೆಯ ಕಥೆಯೇ -ಹಣ್ಣೆಲೆ ಚಿಗುರಿದಾಗ.
ಈ ರೀತಿಯ ಬಯಕೆಯು ಹೆಣ್ಣಿನ ಲೈಂಗಿಕ ಸ್ವೆಚ್ಛಾಚಾರಕ್ಕೆ ಇಂಬು ನೀಡುತ್ತದೆ ಎಂದು ವಾದಿಸುವುದು ಸರಿಯಲ್ಲ. ಆಕೆಯ ಮಾನವ ಸಹಜ ಹಂಬಲಗಳಿಗೆ ಸಮಾಜ ನೀಡುವ ಮಾನವೀಯ ಅವಕಾಶ ಎಂಬ ಸಂದೇಶ ಈ ಕಾದಂಬರಿಯಲ್ಲಿದೆ. ಆದ್ದರಿಂದ, ಕಥಾನಾಯಕಿ ವಿಧವೆಯು ಮತ್ತೊರ್ವ ವಿಧುರನೊಂದಿಗೆ ಮದುವೆಯಾಗಿ ಬಾಳುತ್ತಾಳೆ ಎನ್ನುವುದು ಕಥೆಯ ಮುಕ್ತಾಯವೂ ಆಗಿದೆ.
ತ್ರಿವೇಣಿ ಎಂಬ ಬರಹನಾಮದಿಂದ ಪ್ರಸಿದ್ದರಾದ ಅನುಸೂಯ ಶಂಕರ್ ರವರು ಕನ್ನಡದ ಪ್ರಮುಖ ಲೇಖಕಿಯರಲ್ಲಿ ಒಬ್ಬರು. ತಂದೆ ಬಿ.ಎಮ್. ಕೃಷ್ಣಸ್ವಾಮಿ, ತಾಯಿ ತಂಗಮ್ಮ ಇವರ ಮಗಳಾಗಿ 1928 ರ ಸೆಪ್ಟಂಬರ್ 1 ರಂದು ಮೈಸೂರಿನಲ್ಲಿ ಇವರು ಜನಿಸಿದರು. ಹೈಸ್ಕೂಲ್ ವರೆಗಿನ ಶಿಕ್ಷಣ ಮಂಡ್ಯದಲ್ಲಿ ಹಾಗೂ ಕಾಲೇಜು ಶಿಕ್ಷಣ ಮೈಸೂರಿನಲ್ಲಿ ಆಯಿತು. 1947ರಲ್ಲಿ ಮಹಾರಾಜಾ ಕಾಲೇಜಿನಿಂದ ಮನ:ಶಾಸ್ತ್ರದಲ್ಲಿ ಚಿನ್ನದ ಪದಕದೊಂದಿಗೆ ಬಿ.ಎ.ಪದವಿ ಪಡೆದರು. ಕನ್ನಡದ ಕಣ್ವ ಬಿ.ಎಂ.ಶ್ರೀಯವರ ಸೋದರನ ಪುತ್ರಿಯಾಗಿದ್ದ ತ್ರಿವೇಣಿಯವರು ಸ್ತ್ರೀಯರು ಹೆಚ್ಚಾಗಿ ಬರೆಯದೇ ಇದ್ದ ಕಾಲದಲ್ಲಿ ಬರವಣಿಗೆ ಪ್ರಾರಂಬಿಸಿ ಕೆಲವೇ ವರ್ಷಗಳಲ್ಲಿ ಅಸಾಧಾರಣ ಜನಪ್ರಿಯತೆಯನ್ನು ಗಳಿಸಿದರು. 1953 ರಲ್ಲಿ ತ್ರಿವೇಣಿಯವರ ಮೊದಲನೆಯ ಕಾದಂಬರಿ ಪ್ರಕಟವಾಯಿತು. ಹತ್ತು ವರ್ಷಗಳಲ್ಲಿ ...
READ MORE
Concept & Creation 
©2024 Book Brahma Private Limited.
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
