ಭಾರತೀ ಪ್ರಸಾದ್ ಕೊಡ್ವಕೆರೆ ಅವರ ಕತಾ ಸಂಕಲನ ಚಿಗುರಿದ ಕನಸು. ಪುಟ್ಟ ಪುಟ್ಟ ಕಥೆಗಳನ್ನು ಒಳಗೊಂಡ ಮೂವತೈದು ಕಥೆಗಳು ಈ ಪುಸ್ತಕದಲ್ಲಿದ್ದು, ಇದರ ಜೊತೆಯಲ್ಲಿ ಒಂದು ನೀಳ್ಗತೆ ಕೂಡ ಸೇರಿದೆ.ಭಾಷಾ ಶುಧ್ದತೆ, ಸರಳ ಶಬ್ದಗಳ ಬಳಕೆ, ಒಂಚೂರು ಗಂಭೀರ, ಒಂಚೂರು ಹಾಸ್ಯ ಬೆರೆತ ಕಥೆಗಳು ಇದಾಗಿದ್ದು, ಕಥೆಗಳಾವುವು ಓದುಗನಿಗೆ ಬೇಸರ ತರಿಸುವುದೇ ಇಲ್ಲ.. ಕೆಲವು ಕಥೆಗಳಲ್ಲಿ ಕಥೆ ಓದುವಾಗ ಗಂಭೀರತೆ ಕಂಡು ಬಂದರೂ, ಅದರ ಮುಕ್ತಾಯ ಓದುವಾಗ, ಓದುಗನ ಮುಖದಲ್ಲಿ ಒಂದು ಸಣ್ಣ ನಗು ಮೂಡುವುದು ನಿಶ್ಚಿತ. ಸಾಮಾನ್ಯವಾಗಿ ನಮ್ಮ ಸುತ್ತ ಮುತ್ತಲಿನಲ್ಲೇ ನಡೆಯುವಂಥ ಘಟನೆಗಳಿಗೆ ,ಕಲ್ಪನೆಯ ಗರಿ ಸೇರಿಸಿ ಬರೆದಿರುವಂತ ಕಥೆಗಳಿವು.. ಗಂಡು , ಹೆಣ್ಣು ಇಬ್ಬರಿಗೂ ಸಮಾನವಾದ ಪ್ರಾಶಸ್ತ್ಯ ಈ ಕಥೆಗಳಲ್ಲಿವೆ. ಯುವ ಜನತೆಯ ಪ್ರೀತಿಯ ಬಂಧವಿದೆ. ಸಾಂಸಾರಿಕ ಜೀವನದ ನೆಲೆಗಟ್ಟಿದೆ, ವೃದ್ಧಾಪ್ಯದ ಬದುಕಿನ ಚಿತ್ರಣವಿದೆ..ಸೂಕ್ಮಾತಿ ಸೂಕ್ಷ್ಮ ದಿಂದ ಬದುಕಿನ ಎಲ್ಲಾ ಮಜಲುಗಳಲ್ಲಿ ಕಥೆ ಕಟ್ಟಿಕೊಟ್ಟಿರುವ ಚಿಗುರಿದ ಕನಸು ಪುಸ್ತಕ ಯಾರಿಗೂ ಇಷ್ಟವಾಗದೇ ಇರಲು ಸಾಧ್ಯವಿಲ್ಲ..
ಭಾರತೀ ಪ್ರಸಾದ್ ಅವರು ಕೇರಳ ರಾಜ್ಯದ ಗಡಿನಾಡಾದ ಕಾಸರಗೋಡು ನಿವಾಸಿ..ಹುಟ್ಟೂರು ಕೊಡಗಿನ ವಿರಾಜಪೇಟೆ. ಚಿಕ್ಕಂದಿನಿಂದಲೇ ಸಾಹಿತ್ಯದಲ್ಲಿ ಆಸಕ್ತಿ. ಹತ್ತೊಂಬತ್ತನೆಯ ವಯಸ್ಸಿನಲ್ಲಿ ಬರವಣಿಗೆಯತ್ತ ಮುಖ ಮಾಡಿದವರ ಕಥೆಗಳು, ಮಡಿಕೇರಿಯ ಶಕ್ತಿ ಪತ್ರಿಕೆ, ಆಂದೋಲನ, ಗಡಿನಾಡ ಸಂಚಾರಿ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿದ್ದವು..ಮದುವೆ ನಂತರ ಕಾಸರಗೋಡಿನ ಸ್ಥಳೀಯ ಪತ್ರಿಕೆ ಕಾರವಲ್ ನಲ್ಲೂ ಒಂದೆರೆಡು ಕಥೆಗಳು ಪ್ರಕಟವಾಗಿದ್ದವು. ಕೃತಿಗಳು: ಚಿಗುರಿದ ಕನಸು ...
READ MORE
Concept & Creation 
©2024 Book Brahma Private Limited.
.jpg)
.jpg)
.jpg)
.jpg)
.jpg)
