‘ಗಂಧ ಮತ್ತು ಕಲ್ಲು’ ಲೇಖಕ ಶ್ರೀನಿವಾಸ ಹಾವನೂರ ಅವರು ಬರೆದಿರುವ ಹೆಣ್ಣಿನ ಜೀವನದ ಏಳು ಬೀಳುಗಳನ್ನು ವಯೋನುಕ್ರಮದಲ್ಲಿ ಚಿತ್ರಿಸುವ ಆಯ್ದ ಕತೆಗಳ ಸಂಗ್ರಹ. ಲೇಪಾಕ್ಷಿಯೂ ಲೇಡೀಸ್ ಹಾಸ್ಟೆಲೂ (ಹದಿಹರಯದಲ್ಲಿ), ಅವರು(ವಿವಾಹ ಪೂರ್ವದಲ್ಲಿ), ಸ್ವಪ್ನ ಮುರಲಿ (ವೈವಾಹಿಕ ಸ್ವಪ್ನಲೋಕ), ವಾತ್ಸಲ್ಯ ಪರೀಕ್ಷೆ(ತಾಯ್ತನ ಸಂಭ್ರಮ), ಸಂಭಾವಿತ (ಗಂಡನ ಚಿತ್ತಚಾಂಚಲ್ಯ, ಗಂಧ ಮತ್ತು ಕಲ್ಲು (ಸಂಸಾರದ ವಿರಸ), ಕಾಗೆಗೆ ಹೇಳಿದ ಕಥೆ(ಸ್ತ್ರೀ ಜಾರಿದಾಗ), ಇಂತೀ ನಮಸ್ಕಾರ(ಸಂಸಾರದ ಕೊನೆಯ ಘಟ್ಟದಲ್ಲಿ), ಮಾನವರು (ಮಾನಸಿಕ ವಿಚ್ಛೇದ) ಕತೆಗಳು ಸಂಕಲನಗೊಂಡಿವೆ.
ಕನ್ನಡ ಸಾಹಿತ್ಯಸಂಶೋಧನೆ ಮಾಡಲು ಮೊತ್ತಮೊದಲು ಕಂಪ್ಯೂಟರ್‌ ಬಳಸಿದವರು ಡಾ. ಶ್ರೀನಿವಾಸ ಹಾವನೂರರು (1928-2010). ಕನ್ನಡ ಸಾಹಿತ್ಯಕ್ಕೆ ಅವರ ಕೊಡುಗೆ ಅಪಾರವಾದುದು, ವೈವಿಧ್ಯಮಯವಾದುದು. ಸಣ್ಣ ಕಥೆ, ಲಲಿತ ಪ್ರಬಂಧ, ಜೀವನ ಚರಿತ್ರೆ, ಸಾಹಿತ್ಯ, ಸಂಸ್ಕೃತಿ, ಇತಿಹಾಸ ವಿಮರ್ಶೆ ಮೊದಲಾದ ಪ್ರಕಾರಗಳಲ್ಲಿ 60ಕ್ಕೂ ಮಿಕ್ಕಿ ಕೃತಿಗಳನ್ನು ಹೊರತಂದರು. ವಿದೇಶದಲ್ಲಿದ್ದ ಕನ್ನಡ ಸಾಹಿತ್ಯವನ್ನು ಮರಳಿ ತಾಯ್ನಾಡಿಗೆ ಕರೆತಂದರು. ಹೊಸಗನ್ನಡ ಅರುಣೋದಯದ ಸಾಹಿತ್ಯವನ್ನು ಮತ್ತೆ ತೆರೆದು ತೋರಿಸಿದರು, ಹಿಂದೆ ಮುಂಬಯಿಯ ಟಾಟಾ ಮೂಲಭೂತ ವಿಜ್ಞಾನ ಸಂಸ್ಥೆಯ ಗ್ರಂಥಪಾಲಕರಾಗಿದ್ದರು. ಮುಂದೆ ಮಂಗಳೂರು ಮತ್ತು ಮುಂಬಯಿ ವಿ.ವಿ.ಯ ಕನ್ನಡ ಅಧ್ಯಯನ ಸಂಸ್ಥೆಯ ಮುಖ್ಯಸ್ಥರಾದರು. ಆಮೇಲೆ ಪುಣೆಯಲ್ಲಿ ಮರಾಠಿ ಕನ್ನಡ ಸ್ನೇಹ ಸಂವರ್ಧನೆಯಲ್ಲಿ ಪಾತ್ರವಹಿಸಿದರು.. ಕೊನೆಗೆ ಕರ್ನಾಟಕ ಸರಕಾರದ ಸಮಗ್ರ ದಾಸ ಸಾಹಿತ್ಯ ಸಂಪಾದಕರಾಗಿ ೫೦ ಸಂಪುಟಗಳ ಪ್ರಕಟಣೆಯ ನೇತೃತ್ವ ವಹಿಸಿದರು. ಕನ್ನಡದ ನಾಡೋಜರೆಂದು ಹೆಸರಾದರು. ...
READ MORE
Concept & Creation 
©2024 Book Brahma Private Limited.
.jpg)
.jpg)
.jpg)
.jpg)
.jpg)
