‘ಝೆನ್ ಬೆರಗು’ ಕೃತಿಯು ಜಿ. ಆರ್. ಪರಿಮಳಾರಾವ್ ಅವರ ಕನ್ನಡದ ಝೆನ್ ಕತಾಸಂಕಲನವಾಗಿದೆ. ಕೃತಿಗೆ ಮುನ್ನುಡಿ ಬರೆದಿರುವ ಪ್ರೊ. ಮಲ್ಲೇಪುರಂ ಜಿ. ವೆಂಕಟೇಶ ಅವರು, ‘ಝೆನ್ ಎಂದರೆ ‘ಧ್ಯಾನ’ ಎಂದೇ ಅರ್ಥ. ಇದು ಬೌದ್ಧ ಪರಂಪರೆಯ ಮಾತು. ಜಪಾನಿನಲ್ಲಿ ‘ಝೆನ್ ಬುದ್ಧಿ ಸಂ’ ಒಂದುಂಟು. ನಾವು ಮಾಡುವ ‘ಝೆನ್ ಮಂತ್ರ’ ಕತೆಯ ಆಕಾರ ತಾಳಿದಾಗ ಎಷ್ಟೆಷ್ಟು ಬಗೆಯ ವೈವಿಧ್ಯತೆಗೆ ಅವಕಾಶ ಕೊಡುಹುದೆಂಬುನ್ನು ಜಿ. ಆರ್. ಪರಿಮಳಾರಾವ್ ತಮ್ಮ ‘ಝೆನ್ ಬೆರಗು’ ಕತೆಗಳ ಮಾಲೆಯಲ್ಲಿ ತೋರಿಸಿಕೊಟ್ಟಿದ್ದಾರೆ. ಇವು ಅಪ್ಪಟ ಕನ್ನಡದ ಝೆನ್ ಕತೆಗಳು. ಕನ್ನಡದ ಮೊತ್ತ ಮೊದಲ ಝೆನ್ ಕತೆಗಳೆಂದರೆ ತಪ್ಪಾಗಲಾರದು. ಇಲ್ಲಿಯ ಕತೆಗಳು ವಿಸ್ಮಯ, ಕೌಶಲ್ಯ, ಒಳವರ್ಮ, ರಹಸ್ಯ ಬಗೆಯ ಆಶಯಗಳನ್ನು ಒಳಗೊಂಡಿದೆ. ಇಲ್ಲಿ ಕನ್ನಡ ಕಥನವು ಹೂವಿನ ಪರಿಮಳದಂತೆ ಪರಮಲೀನವೇ ಹೌದು! ಪ್ರತಿಯೊಬ್ಬ ಓದುಗನೂ ಝೆನ್ ಗೆ ಬೆರಗಾಗುವುದು ಅನಿವಾರ್ಯ ಎನಿಸುತ್ತದೆ. ಇದು ಜಪಾನಿ ಝೆನ್ ಕತೆಗಳ ನಕಲುಗಳಲ್ಲ. ಆದರೆ ಅವುಗಳ ಬೆಳಕಿನಲ್ಲಿ ಅರಳಿರುವ ಕುಸುಮಗಳು. ಇವು ಕನ್ನಡದ ಸಹಜತೆಯಲ್ಲಿ ಅರಳಿರುವ ಹೂಗಳಾಗಿದ್ದು, ಈ ಕೃತಿಯು ಅಪೂರ್ವ ಕಥನವನ್ನು, ಭಾಷೆಯನ್ನು, ನುಡಿತನವನ್ನು, ಮತ್ತು ಸ್ವರವನ್ನು ಮೀರಿದೆ’ ಎಂದು ಪ್ರಶಂಸಿಸಿದ್ದಾರೆ.
ಹನಿಗವನಗಳ ರಚನೆಯಲ್ಲಿ ಆಸಕ್ತಿಯುಳ್ಳ ಪರಿಮಳಾರಾವ್ ಜಿ. ಆರ್. ತಮ್ಮ ದಿನನಿತ್ಯದ ಅನುಭವಗಳ ಮನಸ್ಸಿನ ಮಾತುಗಳನ್ನು ಹನಿಗವನಗಳಿಗೆ ಇಳಿಸುತ್ತಾರೆ. 1941 ಜನವರಿ 06 ರಂದು ಆಂಧ್ರ ಪ್ರದೇಶದ ಕರ್ನೂಲ್‌ನಲ್ಲಿ ಜನಿಸಿದರು. ’ಮಂದಾರ ಮಾಲಿನಿ’ ಅವರ ಕವನ ಸಂಕಲನ. ’ಬರ್ಥ್ ಆಫ್ ಹೋಪ್, ಅಲೆಯ ಆಲಾಪ, ಅಂತರಂಗಯಾನ, ಸ್ವರ್ಣ ಸಂಪಿಗೆ’ ಹೈಕುಗಳ ಕೃತಿ. ’ಮಿನುಗು ದೀಪ ಹನಿಗವನಗಳು, ಋತುಗಾನ’ ಅವರ ಮತ್ತಿತರ ಕೃತಿಗಳು. ‘ಸ್ಪಿಂಗ್ ಅವಾರ್ಡ್, ಸರ್ ಎಮ್. ವಿಶ್ವೇಶ್ವರಯ್ಯ ಪ್ರತಿಷ್ಠಾನದಿಂದ ಕಾವ್ಯಶ್ರೀ ಪ್ರಶಸ್ತಿ, ಕುವೆಂಪು ಪ್ರಶಸ್ತಿ, ಗಾರ್ಡನ್ ಆಫ್ ಪೊಯಟ್’ ಮುಂತಾದ ಗೌರವ ಪುರಸ್ಕಾರಗಳು ಸಂದಿವೆ. ...
READ MORE
Concept & Creation 
©2024 Book Brahma Private Limited.
.jpg)
.jpg)
.jpg)
.jpg)
.jpg)
