ಹೂವಿನಹಳ್ಳಿ ನಾಗರಾಜ ಅವರ ಎರಡನೆಯ ಕಥಾ ಸಂಕಲನ. "ಬಿರುಕು" ಕಥಾ ಸಂಕಲನದಲ್ಲಿ ಇಪ್ಪತ್ತು ಕಥೆಗಳಿವೆ. ಇವುಗಳಲ್ಲಿ ಕೆಲವು ಕಿರು ಕಥೆಗಳೂ ಸೇರಿಕೊಂಡಿವೆ. ಈ ಸಂಕಲನದಲ್ಲಿ ರೇನ್ ಕೋಟ್, ಬಂಜೆ ಮತ್ತು ಬಾಬಾ, ಕಥೆಗಾರ, ದುರ್ಗಪ್ಪ ಮತ್ತು ದೇವಿಯ ಕೋಣ, ನಿಶಬ್ಧ ಮತ್ತು ಗುಡ್ಡದೊಳಗಿನ ಗುಹೆ, ಇವು ತೀರ ಚಿಕ್ಕ ಅಂದರೆ ಕೇವಲ ಒಂದು ಪುಟದಲ್ಲಿ ಮುಕ್ತವಾಯವಾಗುವ ಕಥೆಗಳಾಗಿವೆ. ಇಲ್ಲಿನ ಕಥೆಗಳು ಸರಳ ನಿರೂಪಣೆ, ಸುಗಮ ತೀರ್ಮಾನ, ಸರಳ ಭಾಷಿಕ ಶೈಲಿಯಲ್ಲಿ ರಚನೆಗೊಂಡಿವೆ.
ಹೂವಿನಹಳ್ಳಿ ನಾಗರಾಜ ಅವರು ಕಲಬುರಗಿ ಜಿಲ್ಲೆಯ ಅಫಜಲಪುರ ತಾಲ್ಲೂಕಿನ ಹೂವಿನಹಳ್ಳಿ ಗ್ರಾಮದಲ್ಲಿದಲ್ಲಿ ಜನಿಸಿದರು. ತಮ್ಮ ಪ್ರಾಥಮಿಕ ಶಿಕ್ಷಣವನ್ನು ಸ್ವಗ್ರಾಮದಲ್ಲಿ, ಪ್ರೌಢ ಶಾಲಾ ಶಿಕ್ಷಣವನ್ನು ಬಂದರವಾಡ ಗ್ರಾಮದಲ್ಲಿ, ಪಿಯುಸಿ ಶಿಕ್ಷಣವನ್ನು ಕಲಬುರಗಿಯಲ್ಲಿ ಪೂರೈಸಿ ಮೈಸೂರು ಮುಕ್ಕ ವಿಶ್ವವಿದ್ಯಾಲಯದಲ್ಲಿ ಪತ್ರಿಕೋದ್ಯಮದಲ್ಲಿ ಡಿಪ್ಲೋಮಾ ಪದವಿ ಪಡೆದು ಪತ್ರಕರ್ತರಾಗಿ ವೃತ್ತಿ ಜೀವನ ಆರಂಭಿಸಿದರು. ಹಲಿಗೆ ದ್ಯಾವಪ್ಪ ಮತ್ತು ಇತರ ಕಥೆಗಳು’ ‘ಬಿರುಕು’ಎಂಬ ಎರಡು ಕಥಾಸಂಕಲನಗಳನ್ನು ಹೊರತಂದಿದ್ದಾರೆ. ಕರ್ನಾಟಕ ಸಂಧ್ಯಾಕಾಲ ಹಾಗೂ ಸಂಜೆವಾಣಿ ಸಂಜೆ ದಿನಪತ್ರಿಕೆಗಳಲ್ಲಿ ಮೂರು ವರ್ಷ ಸೇವೆ ಸಲ್ಲಿಸಿದ್ದಾರೆ. ಸುಧಾ, ಕರ್ಮವೀರ, ಅಗ್ನಿ, ಸುದ್ದಿಮೂಲ, ಜನವಾಣಿ, ಸಂಜೆವಾಣಿ ಸೇರಿದಂತೆ ನಾಡಿನ ಅನೇಕ ಪತ್ರಿಕೆಗಳಲ್ಲಿ ಅವರ ಕಥೆ, ಕವಿತೆ ...
READ MORE
Concept & Creation 
©2024 Book Brahma Private Limited.
.jpg)
.jpg)
.jpg)
.jpg)
.jpg)
