‘ಸಬರದ ನಾಟಕಗಳು’ ಕೃತಿಯಲ್ಲಿ ಲೇಖಕ ಬಸವರಾಜ ಸಬರದ ಅವರ ಏಳು ನಾಟಕಗಳು ಸಂಕಲನಗೊಂಡಿವೆ. 1977ರಿಂದ 2005ರ ವರೆಗೆ ಸಬರದ ಅವರು ಬರೆದ ಹದಿನೇಳು ನಾಟಕಗಳು ಪ್ರಕಟವಾಗಿದ್ದವು. ಅವುಗಳಲ್ಲಿ ಏಳು ಪ್ರಮುಖ ನಾಟಕಗಳ ಈ ಕೃತಿಯಲ್ಲಿ ಸಂಕಲನಗೊಂಡಿವೆ. ಈ ಏಳು ನಾಟಕಗಳು ಬೇರೆ ಬೇರೆ ಸಂದರ್ಭಗಳಲ್ಲಿ ಪ್ರಕಟವಾಗಿರುವ ಕೃತಿಗಳಾಗಿವೆ. ಇವುಗಳಲ್ಲಿ ಮೂರು ಪೂರ್ಣಾವಧಿ ನಾಟಕಗಳು ಹಾಗೂ ನಾಲ್ಕು ಬೀದಿ ನಾಟಕಗಳು ಸೇರಿಕೊಂಡಿವೆ. ರೆಕ್ಕೆ ಮೂಡಿದಾಗ ಸಾಮಾಜಿಕ ನಾಟಕವಾದರೆ ನರಬಲಿ ಜಾನಪದ ಶೈಲಿಯ ನಾಟಕವಾಗಿದೆ. ಬೆಳ್ಳಕ್ಕಿ ಸಾಲು ಗೀತನಾಟಕವಾಗಿದೆ. ನಾಟಕ ಕ್ಷೇತ್ರಕ್ಕೆ ಸೇರಿದ ವಿವಿಧ ಪ್ರಕಾರಗಳ ನಾಟಕಗಳು ಒಟ್ಟಿಗೇ ಇಲ್ಲಿ ಓದುಗರಿಗೆ ಸಿಗುತ್ತವೆ. ಮೂರು ದಶಕಗಳ ಹಿಂದೆ ಪ್ರಕಟವಾದ ಆ ನಾಟಕಗಳ ಪ್ರತಿಗಳೂ ಈಗ ಲಭ್ಯವಿಲ್ಲ. ಹೀಗಾಗಿ ಈ ಕೃತಿ ಬಸವರಾಜ ಸಬರದ ನಾಟಕ ಕ್ಷೇತ್ರದ ಕೊಡುಗೆಯನ್ನು ಕಟ್ಟಿಕೊಡುವಲ್ಲಿ ಸಹಾಯಕವಾಗಿದೆ.
ಬಸವರಾಜ ಸಬರದ ಅವರು ಮೂಲತಃ ಕೊಪ್ಪಳ ಜಿಲ್ಲೆ ಯಲಬುರ್ಗ ತಾಲ್ಲೂಕಿನ ಕುಕನೂರಿನವರು. ಹುಟ್ಟಿದ್ದು 1954 ಜೂನ್‌ 20ರಂದು. ತಾಯಿ ಬಸಮ್ಮ, ತಂದೆ ಬಸಪ್ಪ ಸಬರದ. ಹುಟ್ಟೂರು ಕುಕನೂರಿನಲ್ಲಿಯೇ ಪ್ರಾಥಮಿಕ ಶಿಕ್ಷಣ ಪಡೆದ ಇವರು ಕರ್ನಾಟಕ ವಿಶ್ವವಿದ್ಯಾಲಯದಿಂದ ಕನ್ನಡ ಭಾಷೆಯಲ್ಲಿ ಸ್ನಾತಕೋತ್ತರ ಪದವಿ ಹಾಗೂ ಪಿಎಚ್‌ಡಿ ಪದವಿ ಪಡೆದರು. ಉಪನ್ಯಾಸಕರಾಗಿ ವೃತ್ತಿ ಆರಂಭಿಸಿದ ಇವರು ಹಲವಾರು ಕಾಲೇಜುಗಳಲ್ಲಿ ಸೇವೆ ಸಲ್ಲಿಸಿದ್ದಾರೆ. ಶೈಕ್ಷಣಿಕವಾಗಿ ಮಾತ್ರವಲ್ಲದೇ ದೇವದಾಸಿ ವಿಮೋಚನಾ ಹೋರಾಟ, ಅಂತರ್ಜಾತಿ ವಿವಾಹಗಳಿಗೆ ಪ್ರೋತ್ಸಾಹ, ಅಸ್ಪೃಶ್ಯತಾ ನಿವಾರಣೆ, ದಲಿತ-ಬಂಡಾಯ ಚಳವಳಿ ಮುಂತಾದ ಸಾಮಾಜಿಕ ಹೋರಾಟಗಳಲ್ಲಿಯೂ ತೊಡಗಿಸಿಕೊಂಡಿದ್ದಾರೆ. ನನ್ನವರ ಹಾಡು, ಹೋರಾಟ, ...
READ MORE
Concept & Creation 
©2024 Book Brahma Private Limited.
.jpg)
.jpg)
.jpg)
1.jpg)
.jpg)
.jpg)
.jpg)
.jpg)
.jpg)
.jpg)
.jpg)
