ಅಕ್ಕಯ್

Author : ಬೇಲೂರು ರಘುನಂದನ್

Pages 80

₹ 100.00




Year of Publication: 2022
Published by: ಶಾರದಾ ಪ್ರತಿಷ್ಠಾನ
Address: ನಂ.249/ ಆರ್, 2ನೇ ಸಿ ಕ್ರಾಸ್, ಗಿರಿನಗರ ಅಡಿಸನಲ್ ಎಕ್ಸ್ ಟೆಷನ್, ಬೆಂಗಳೂರು- 560 085\n
Phone: 9606883158

Synopsys

ಸಾಮಾಜಿಕ ಕಾರ್ಯಕರ್ತೆ, ಲೈಂಗಿಕ ಅಲ್ಪಸಂಖ್ಯಾತೆ ಅಕ್ಕಯ್ ಪದ್ಮಶಾಲಿ ಅವರ ಆತ್ಮಕತೆಯನ್ನು ಆಧರಿಸಿದ ಏಕವ್ಯಕ್ತಿ ನಾಟಕ ಕೃತಿ ಬೇಲೂರು ರಘುನಂದನ್ ರಚನೆಯ ‘ಅಕ್ಕಯ್’. ಲೈಂಗಿಕ ಅಲ್ಪಸಂಖ್ಯಾತ ಸಮುದಾಯಗಳ ಬದುಕಿನ ಸಂಕಷ್ಟಗಳು, ಲೈಂಗಿಕ ಅತ್ಯಾಚಾರ ದೌರ್ಜನ್ಯಗಳು ಹಾಗೂ ಸಮಾಜವು ಅವರನ್ನು ಕಾಣುವ ಬಗೆಯ ಅರಿವನ್ನು ನಾವು ಇಲ್ಲಿ ಕಾಣಬಹುದು. ಸಾರ್ವಜನಿಕ ಬದುಕಿನ ಸಾಮಾಜಿಕ ಕಾರ್ಯಕರ್ತಳಾಗಿ, ಪ್ರೀತಿಸುವ ಪ್ರೇಮಿ, ಲಗ್ನ, ದತ್ತು ಪುತ್ರ- ಹೀಗೆ ಬದುಕಿನ ಬಂಡಿಯ ಚಕ್ರವು ಉಳಿಯುತ್ತಿರುವಾಗಲೇ ಆಕೆಯಲ್ಲಿನ ತಾಯ್ತನ, ಬಂಧುತ್ವ ಟಿಸಿಲೊಡೆಯುವ ಪರಿಯು ಭಿನ್ನವಾಗಿದೆ. ಅಕ್ಕಯ್ ಬಾಲಕನಿದ್ದಾಗ ಹೆಣ್ತನದ ತುಡಿತ ಮತ್ತದನ್ನು ಪ್ರತಿರೋಧಿಸುವ ಕುಟುಂಬ ಮತ್ತು ಸಮಾಜ-ಹೀಗೆ ನಾಟಕ ತನ್ನೊಳಗಿನ ಪಠ್ಯದ ಸುಳಿವನ್ನು ತೆರೆದು ನೀಡುತ್ತ ಸಾಗುತ್ತದೆ. ಅಕ್ಕಯ್ ಅವರ ಬದುಕಿನ ವೈಶಿಷ್ಟವನ್ನು ಈ ಕೃತಿಯೂ ತೆರೆದಿಡುತ್ತಾ, ಸಕಾರಾತ್ಮಕ ಬದುಕಿನ ನಿಲುವು ಅವರನ್ನು ಎತ್ತರಕ್ಕೆ ಕೊಂಡೊಯ್ಯುತ್ತದೆ.

About the Author

ಬೇಲೂರು ರಘುನಂದನ್
(21 May 1982)

ಬೇಲೂರು ರಘುನಂದನ್ ಹಾಸನ ಜಿಲ್ಲೆಯ ಬೇಲೂರಿನವರು. ಮೂರು ಚಿನ್ನದ ಪದಕಗಳೊಂದಿಗೆ ಕನ್ನಡದಲ್ಲಿ ಎಂ.ಎ.ಪದವೀಧರರು.ಹಂಪಿಯ ಕನ್ನಡ ವಿಶ್ವವಿದ್ಯಾಲಯದಿಂದ ‘ದೇಜಗೌ ಅವರ ಅನಲಾ ಮತ್ತು ದುಷ್ಟಬುದ್ದಿ ನಾಟಕಗಳು’ ವಿಷಯವಾಗಿ ಎಂ.ಫಿಲ್ ಮತ್ತು ಕನ್ನಡ ರಂಗಭೂಮಿ ಮತ್ತು ಸಿನಿಮಾ: ವ್ಯಕ್ತಿ ನೆಲೆಯ ತಾತ್ವಿಕ ಚಿಂತನೆಗಳು’ ವಿಷಯವಾಗಿ ಪಿಎಚ್ ಡಿ ಪದವೀಧರರು.  ಕವಿ ಹಾಗೂ ನಾಟಕಕಾರರಾಗಿ ಗುರುತಿಸಿಕೊಂಡಿರುವ ರಘುನಂದನ್ ಅವರ ಹಲವು ಕಾವ್ಯ ಸಂಕಲನ, ಕಟ್ಟುಪದಗಳ ಗುಚ್ಛ, ಮಕ್ಕಳ ಕತಾ ಸಾಹಿತ್ಯ, ಪ್ರವಾಸ ಸಾಹಿತ್ಯ ಹಾಗೂ ನಾಟಕ ಪುಸ್ತಕಗಳು ಪ್ರಕಟಗೊಂಡಿವೆ..  ಬೇಲೂರಿನ ಗಮಕ ವಿದ್ವಾನ್ ಬಿ.ಕೆ. ವನಮಾಲಾ ಅವರ ಮಾರ್ಗದರ್ಶನದಲ್ಲಿ ಪಾರೀಣ (ಸೀನಿಯರ್) ಪ್ರಥಮ ದರ್ಜೆಯಲ್ಲಿ ಗಮಕ ಪರೀಕ್ಷೆಯಲ್ಲಿ ಉತ್ತೀರ್ಣರಾದರು. ...

READ MORE

Related Books

©2024 Book Brahma Private Limited.