`ಪ್ರಕೃತಿ ಮತ್ತು ಪ್ರೀತಿ’ ಕೃತಿಯು ಅನಸೂಯಾದೇವಿ ಅವರ ವೈಚಾರಿಕ ಲೇಖನಗಳ ಸಂಕಲನವಾಗಿದೆ. ಈ ಕೃತಿಯಲ್ಲಿ ವೈಚಾರಿಕಾಂಶಗಳುಳ್ಳ 65 ಬಿಡಿಲೇಖನಗಳು ಹಾಗೂ ಆಧ್ಯಾತ್ಮಿಕ ಚಿಂತನೆ, ಭಕ್ತಿ-ಭಾವ, ವಿಚಾರಗಳುಳ್ಳ 17 ಮಹತ್ವದ ಬಿಡಿಲೇಖನಗಳಿವೆ. ಇಲ್ಲಿನ ಅನೇಕ ಲೇಖನಗಳು ಈಗಾಗಲೇ ವಿಜಯ ಕರ್ನಾಟಕ ಪತ್ರಿಕೆ ಸೇರಿದಂತೆ ನಾಡಿನ ಇತರೆ ದಿನಪತ್ರಿಕೆಗಳು, ವಾರಪತ್ರಿಕೆಗಳು, ಮಾಸಿಕಪತ್ರಿಕೆಗಳಲ್ಲಿ ಪ್ರಕಟಗೊಂಡಿರುವಂಥವು ಆಗಿದ್ದು, ಅವೆಲ್ಲವನ್ನೂ ಈ ಕೃತಿಯಲ್ಲಿ ಓದುಗರಿಗೆ ಒಟ್ಟಾಗಿ ನೀಡುವ ಪ್ರಯತ್ನವನ್ನು ಮಾಡಿರುವುದು ಕೃತಿಯ ಒಟ್ಟಂದವನ್ನು ಹೆಚ್ಚಿಸಿದೆ. ಲೇಖಕಿಯ ಕಾಲಕ್ಕೆ ತಕ್ಕಂತೆ ಬದಲಾದ ಚಿಂತನಾ ಕ್ರಮ, ಗ್ರಹಿಕೆಯ ದೃಷ್ಟಿಕೋನವನ್ನು ಓದುಗರಿಗೆ ತಿಳಿಸಿಕೊಡುತ್ತದೆ; ಅಷ್ಟೆ ಅಲ್ಲದೆ, ಲೇಖಕಿಯ ಬಾಲ್ಯಜೀವನ, ಆಟೋಟ, ಆದ ಅನುಭವ, ಕಂಡುಂಡ ನೋವು-ನಲಿವು, ಯೌವನದಲ್ಲಾದ ಅನುಭವ, ತಮ್ಮ ಶಿಕ್ಷಣದ ಸಂದರ್ಭದಲ್ಲಾದ ಅರಿವು, ಬದಲಾವಣೆಯ ಜೀವನಕ್ರಮವನ್ನು ತಿಳಿಸಿಕೊಡುವಲ್ಲಿ ಸಫಲವಾಗುತ್ತವೆ. ಮಹಿಳಾಪರವಾದ ದನಿ, ಸಾಮಾಜಿಕ ಬದಲಾವಣೆಯ ತಹತಹಿಕೆ, ತಮ್ಮವರೆಂದೆನಿಸಿಕೊಂಡವರ ನಿಜಬಣ್ಣ, ಖ್ಯಾತನಾಮರ ಗೋಸುಂಬೆತನ, ಒಳ್ಳೆಯತನವೆಂಬ ಸೋಗಲಾಡಿ ಬುದ್ಧಿ, ಮಹಿಳೆಗೂ ಕಾವ್ಯದ ಅಭಿವ್ಯಕ್ತಿಗೂ ಇರುವ ನಂಟು, ಜೀವನವೆಂಬುದು ಅರಿವು ಮತ್ತು ಹೊಂದಿಕೆಯೆಂಬ ಸಮಭಾಜಕ ನೆಲೆ ಎಂಬ ವಿಚಾರಗಳು, ಈ ವಿಚಾರದಲ್ಲಿ ಲೇಖಕಿಯ ಮನೋಭಾವ ಎಂಬಿತ್ಯಾದಿ ಅಂಶಗಳು ಈ ಕೃತಿಯಲ್ಲಿ ಮೇಳೈಸಿರುವುದನ್ನು ಕಾಣಬಹುದು.
ಕಥೆಗಾರ್ತಿ, ಕಾದಂಬರಿಗಾರ್ತಿ ಅನಸೂಯಾದೇವಿ ಅವರು ಸಂಗೀತ ವಿದುಷಿ. ಅವರು 1949 ಅಕ್ಟೋಬರ್‌ 31 ರಂದು ಜನಿಸಿದರು. ಇವರು ಮೂಲತಃ ಬೆಂಗಳೂರಿನ ಬನಶಂಕರಿಯವರು. ತಂದೆ ತಿಮ್ಮಯ್ಯ ಅಡಿಗ, ತಾಯಿ ಕಾವೇರಮ್ಮ. ನಾಡಿನ ಪ್ರಮುಖ ಪತ್ರಿಕೆಗಳಲ್ಲಿ ಇವರ ಬರಹಗಳು ಪ್ರಕಟಗೊಂಡಿವೆ. ಎಲ್ಲಾ ಪ್ರಕಾರದ ಬರಹಗಳು ಸುಮಾರು 430 ಕ್ಕೂ ಹೆಚ್ಚು ಪ್ರಕಟಗೊಂಡಿವೆ. ಕಾವ್ಯ : ’ಪ್ರಕೃತಿ ಪುರುಷ, ಕೇಶವ ನಮನ, ಅಮ್ಮ ನಿನ್ನ ನೆನಪಿಗೆ, ಅನನ್ಯ’ ಅವರ ಕಾವ್ಯ ಕೃತಿಗಳು. ’ಡಾ. ಅನಸೂಯಾದೇವಿಯವರ ಸಮಗ್ರ ಕತೆಗಳು, ದೀಪದ ಕೆಳಗೆ, ಉರಿಯ ಬೇಲಿ, ಅನಸೂಯ ಕತೆಗಳು’ ಅವರ ಕಥಾ ಸಂಕಲನ. ’ಆಕಾಶದ ಹಾಡು, ...
READ MORE
Concept & Creation 
©2024 Book Brahma Private Limited.
.jpg)
.jpg)
