‘ಜಪಾನಿನ ಕಾಲ್ಪನಿಕ ಕಥೆಗಳು’ -ಯೈ ಥಿಯೋಡೋರಾ ಓಜಾಕಿ ಅವರ ಕತೆಗಳ ಕನ್ನಡಾನುವಾದ. ವಿಜಯ್ ನಾಗ್ ಜಿ ಅವರು ಜಪಾನಿನ ಪ್ರಸಿದ್ಧ ಕತೆಗಳನ್ನು ಕನ್ನಡಕ್ಕೆ ಅನುವಾದಿಸಿದ್ದಾರೆ. ಈ ಕೃತಿಯಲ್ಲಿ ಇಪ್ಪತ್ತೆರಡು ಕತೆಗಳಿದ್ದು, ಅಷ್ಟೂ ಕತೆಗಳನ್ನು ಬಲು ಪ್ರೀತಿ ಮತ್ತು ಆಸ್ತೆಯಿಂದ ಅನುವಾದಿಸಿದ್ದಾರೆ.
ಒಂದರ್ಥದಲ್ಲಿ ಜೆನ್ ತತ್ವಜ್ಞಾನವನ್ನು,ಗುರುಗಳ ಜೀವನವನ್ನು ಚಿತ್ರಿಸುವ ಮೂಲಕ ಲೇಖಕರು ಈಗಾಗಲೇ ಆ ವಲಯವನ್ನು ಪ್ರವೇಶಿಸಿದ್ದಾರೆ. ಹಾಗಾಗಿ, ಜಪಾನಿನ ಕತೆಗಳನ್ನು ಅನುವಾದ ಮಾಡುವ ಕಾಲಕ್ಕೆ ಆ ಅನುಭವ ಇವರ ಪ್ರಜ್ಞೆಯಲ್ಲಿ ಅಗೋಚರವಾಗಿ ಕೆಲಸ ಮಾಡಿರುವುದು ವೇದ್ಯವಾಗುತ್ತದೆ. ಮೂಲ ಕತೆಗಳ ಕರ್ತೃ ಯೈ ಥಿಯೋಡೋರಾ ಓಜಾಕಿ ಅವರು. ಆಕೆಯ ತಂದೆ ಜಪಾನಿಯರು, ತಾಯಿ ಇಂಗ್ಲೆಂಡಿನವರು. ಲೇಖಕಿಯ ಪರಿಚಯದಲ್ಲಿ ನಾಗ್ ಅವರು ತಿಳಿಸಿರುವಂತೆ-ಆಕೆಯ ತಂದೆ ಸಬುರು ಓಜಾಕಿ ಇಂಗ್ಲೆಂಡಿನಲ್ಲಿ ವಿದ್ಯಾಭ್ಯಾಸ ಮಾಡಿದರು. ಹಾಗಾಗಿ ಥಿಯೋಡೋರಾ ಆರಂಭದಲ್ಲಿ ಇಂಗ್ಲೆಂಡಿನಲ್ಲಿ ಬೆಳೆದು ತರುವಾಯ ತಮ್ಮ ಹದಿನಾರನೆಯ ವಯಸ್ಸಿನಿಂದ ಜಪಾನಿನಲ್ಲಿ ಬೆಳೆಯುತ್ತಾರೆ. ಹಳೆಯ ಜಪಾನಿನ ವೀರಗಾಥೆಗಳನ್ನು ಇಷ್ಟಪಟ್ಟು ಅವುಗಳನ್ನು ಬರವಣಿಗೆಗೆ ಇಳಿಸಲು ಥಿಯೋಡೋರಾ ಮುಂದಾದರು. ಅದರ ಫಲವೇ ಈ ಸಂಕಲನದಲ್ಲಿರುವ ಇಪ್ಪತ್ತೆರಡು ಕತೆಗಳು.
ಈ ಕತೆಗಳು ಪ್ರಕಟವಾದದ್ದು 1903ನೆಯ ಇಸವಿಯಲ್ಲಿ. ಅಂದರೆ ಮಹಾಯುದ್ಧಗಳಿಗೂ ಮೊದಲು. ಅದೊಂದು ಪ್ರಪಂಚ. ಯುದ್ಧಗಳ ನಂತರ ಸಂಭವಿಸಿದ್ದು ಇನ್ನೊಂದು ಪ್ರಪಂಚ. ಆದಾಗ್ಯೂ ಮಾನವನ ಮೂಲ ಸ್ವಭಾವಗಳಲ್ಲಿ ಅಷ್ಟೇನೂ ಬದಲಾವಣೆಗಳು ಉಂಟಾಗಿಲ್ಲ. ಒಳ್ಳೆಯವರು ಯಾವುದೇ ಸಮಯದಲ್ಲಿ ತಮ್ಮ ಒಳ್ಳೆಯತನವನ್ನು ಕಡೆಯವರೆಗೂ ಕಾಪಾಡಿಕೊಳ್ಳುತ್ತಾರೆ; ಇವರ ಪ್ರಭಾವದಿಂದ ಕೆಟ್ಟವರೂ ಒಳ್ಳೆಯವರಾಗಿ ಪರಿವರ್ತಿತರಾಗುತ್ತಾರೆ. ಒಂದು ವೇಳೆ ಅವರು ದಾರಿಗೆ ಬಾರದೆ ತಮ್ಮ ಕೆಟ್ಟ ನಡವಳಿಕೆಯನ್ನೇ ಮುಂದುವರಿಸುವುದಾದರೆ, ಅದು ಅವರ ವಿಧಿ, ಅಷ್ಟೆ. ಆದರೆ ಬದಲಾಗುವವರ ಪ್ರಮಾಣವೇ ಹೆಚ್ಚು. ಉತ್ತಮರ ಸಂಪರ್ಕದಿಂದ ದುಷ್ಟರೂ ಸರಿದಾರಿಗೆ ಬರುತ್ತಾರೆ; ಇಂಥ ಸಾಧ್ಯತೆಯನ್ನು ಸಾಬೀತು ಪಡಿಸುವ ಹಲವು ಕತೆಗಳು ಈ ಸಂಕಲನದಲ್ಲಿವೆ.
ಜೊತೆಗೆ, ಈ ಕತೆಗಳ ವೈಶಿಷ್ಟ್ಯವೇನೆಂದರೆ ಇವು ಹೆಚ್ಚು ಕಡಿಮೆ “ ಫೇರಿ ಕತೆ”ಗಳೇ ಆಗಿವೆ. ಇಲ್ಲಿ ಮನುಷ್ಯರೊಡನೆ ಮೃಗ ಪಕ್ಷಿಗಳು ಮಾತನಾಡುತ್ತವೆ. ಮೃಗ ಪಕ್ಷಿಗಳಿಗೂ ಮಾನವರಿಗಿರುವಂತೆಯೇ ಒಳ್ಳೆಯದಾವುದು ಕೆಟ್ಟದಾವುದು ಎಂಬುದರ ಬಗ್ಗೆ ಅರಿವಿರುತ್ತದೆ. ಕೆಟ್ಟವರಿಗೆ ಒಳಿಗಾಲವಿಲ್ಲ ಒಳ್ಳೆಯವರು ಕೊನೆಗೆ ಗೆದ್ದೇ ಗೆಲ್ಲುತ್ತಾರೆಂಬ ತತ್ವ ಇಲ್ಲಿ ಅನೇಕ ಕತೆಗಳಲ್ಲಿ ಸಾಬೀತಾಗಿದೆ.
ಮೈಸೂರಿನ ಸಿಟಿ ಸೆಂಟ್ರಲ್ ಲೈಬ್ರರಿಯಲ್ಲಿ ಗ್ರಂಥಾಲಯ ಸಹಾಯಕರಾಗಿರುವ ವಿಜಯ್ ನಾಗ್ ಜಿ ಅವರು ವಿಶೇಷವಾಗಿ ಅನುವಾದ ಕ್ಷೇತ್ರದಲ್ಲಿ ಪುಸ್ತಕಗಳನ್ನು ರಚಿಸಿದ್ದಾರೆ. ಅವರ ಕೃತಿಗಳೆಂದರೆ ಜಿಮ್ ಗ್ರೀನ್ ಅವರ ಆಂಗ್ಲ ಕೃತಿ-“ ಆಲ್ಬರ್ಟ್ ಐನ್‍ಸ್ಟೀನ್: ಆಯ್ದ ಬರಹಗಳು”; “ಜೆನ್ ಅನುಭವ”.ಥಾಮಸ್ ಹೂವರ್ ರಚಿಸಿರುವ “ ದಿ. ಝೆನ್ ಎಕ್ಸ್ಪಿರೀಯನ್ಸ್’ ಎಂಬ ಕೃತಿಯ ಅನುವಾದ. “ ಜಪಾನಿನ ಕಥೆಗಳು” ಕೃತಿಗಳನ್ನು ಪ್ರಕಟಿಸಿದ್ದಾರೆ. ಹಾಗೆಯೇ “ ಮಹಾ ವಿಜ್ಞಾನಿ ನಿಕೋಲಾ ಟೆಸ್ಲಾ ಜೀವನ ಚರಿತ್ರೆ” ಹಾಗೂ “ಅವಿಪ್ಸ” ಎಂಬ ಕೃತಿಗಳೂ ಸಹ ಪ್ರಕಟಣೆಯ ಹಂತದಲ್ಲಿವೆ. ಸಾಹಿತ್ಯ ಮತ್ತು ಅನುವಾದ ಕ್ಷೇತ್ರದ ಕಾರ್ಯಗಳಿಗಾಗಿ ಕುವೆಂಪು ...
READ MORE
Concept & Creation 
©2024 Book Brahma Private Limited.
2.jpg)
.jpg)
.jpg)
.jpg)
