‘ಹೆರೊಡೊಟಸನನ್ನು ’ ಜಾಗತಿಕ ಚರಿತ್ರೆಯ ಜನಕ’ ಎಂದು ಕರೆಯಲಾಗುತ್ತದೆ. ಅವರ The Histories Of Herodtus ಕೃತಿಯ ಕನ್ನಡಾನುವಾದ. ಡಾ.ಎಚ್.ವಿ. ರಂಗಾಚಾರ್ ಮಾಡಿದ್ದಾರೆ. ಪ್ರೊ. ಶಿವರಾಮಯ್ಯ ಸಂಗ್ರಹ ರೂಪದಲ್ಲಿ ಪ್ರಕಟಿಸಿದ್ದಾರೆ. ಹೆರೊಡೊಟಸ್ (ಕ್ರಿ.ಪೂ. ಸು. 484-420) ನ ಬಗ್ಗೆ ಹೆಚ್ಚು ಮಾಹಿತಿ ದೊರೆತಿಲ್ಲ. ಏಷ್ಯಾ ಮೈನರಿನ ಹರಿಕರ್ಣಾಸ್ ಎಂಬಲ್ಲಿ ತಂದೆ ಲಿಕ್ಸ, ತಾಯಿ ದ್ರಿಯೋ ದಂಪತಿಯ ಪುತ್ರನೀತ. ಕಾಲಲ್ಲಿ ಚಕ್ರ ಇದ್ದವನಂತೆ ಈತ ದೇಶ ಪರ್ಯಟನೆ ಮಾಡಿದವನು. ಪ್ರಾಚೀನ ಗ್ರೀಕ್ ನ ಕಲೆ ಸಾಹಿತ್ಯ, ಸಂಸ್ಕೃತಿಯ ಕೇಂದ್ರ ಅಥೆನ್ಸ್ ನಲ್ಲಿ ವಾಸವಿದ್ದನು. ಗ್ರೀಕರಿಗೂ, ಪರ್ಸಿಯನ್ ರಿಗೂ ಹೆಣ್ಣು-ಹೊನ್ನು-ಮಣ್ಣಿಗಾಗಿ ನಡೆದ ಮಹಾ ಯುದ್ಧದ ಕಥೆಗಳನ್ನು ಹಲವಾರು ಯುದ್ಧವೀರರ ಬಾಯಿಂದ ನೇರವಾಗಿ ಕೇಳಿದವನು. ಹಲವಾರು ಯುದ್ಧಗಳಲ್ಲಿ ತಾನೂ ಭಾಗವಹಿಸಿದ್ದ. ಗ್ರೀಸ್, ಪರ್ಸಿಯನ್ ಹಾಗೂ ಭೂಮಧ್ಯೆ ಸಾಗರ ದ್ವೀಪಾಂತರಗಳಲ್ಲಿ ಅಲೆದಾಡಿ ಅಲ್ಲಿ ತಾನು ಕಂಡು ಕೇಳಿದ ಜನರ ನಡೆ-ನುಡಿ, ಬಣ್ಣ- ಬೆಡಗು, ಶ್ರದ್ಧೆ, ಸಾಂಪ್ರದಾಯಗಳು, ದೈವಾರಾಧನೆಗಳು ಇತ್ಯಾದಿ ಈ ಅವನ ಸಮರ ಕಥೆಗಳು. ಕಣ್ಣಿಗೆ ಕಟ್ಟುತ್ತವೆ. ಇವನು ಜಾನಪದ ವಿಶ್ವಕೋಶ, ಏಕಕಾಲಕ್ಕೆ ಭೌಗೋಳಿಕ ಶಾಸ್ತ್ರಜ್ಞನು, ಜನಾಂಗೀಯ ಮಾನವ ಶಾಸ್ತ್ರಜ್ಞನು, ಸಾಂಸ್ಕೃತಿಕ ಸಂಶೋಧಕನು, ಕವಿ ಹೃದಯದ ಮನಃಶಾಸ್ತ್ರಜ್ಞನು ಆಗಿ ಜಗತ್ತಿನ ಚರಿತ್ರೆಕಾರರ ಸಾಲಿನಲ್ಲಿ ಮೊದಲ ಸ್ಥಾನದಲ್ಲಿ ನಿಲ್ಲುತ್ತಾನೆ.
ಪ್ರೊ. ಶಿವರಾಮಯ್ಯ ನವರು ತುಮಕೂರು ಜಿಲ್ಲೆಯ ಮಧುಗಿರಿ ತಾಲ್ಲೂಕ್ ಅವಿನಮಡು ಗ್ರಾಮದಲ್ಲಿ 1940 ರ ಆಗಸ್ಟ್‌ 10ರಂದು ಜನಿಸಿದರು. ತಂದೆ ಕಂಪಲಪ್ಪ, ತಾಯಿ ಬೋರಮ್ಮ, ಮೈಸೂರು ವಿಶ್ವವಿದ್ಯಾಲಯದಿಂದ ಎಂ.ಎ ಪದವಿ ಪಡೆದ ಅವರು ಕನ್ನಡ ಅಧ್ಯಾಪಕರಾಗಿ ಕಾರ್ಯ ನಿರ್ವಹಿಸಿ ನಿವೃತ್ತರಾಗಿದ್ದಾರೆ. ಅಧ್ಯಾಪನ ಹಾಗೂ ಸಂಶೋಧನ ವೃತ್ತಿಯ ಜೊತೆಯಲ್ಲಿಯೇ ಜನಪರ ಸಂಘಟನೆಗಳೊಂದಿಗೆ ಗುರುತಿಸಿಕೊಂಡರು. ಸಕ್ರಿಯ ಹೋರಾಟಗಳಲ್ಲಿ ಭಾಗವಹಿಸುತ್ತಾ ಬಂದಿದ್ದಾರೆ. ಸ್ವಪ್ನ ಸಂಚಯ (ಕವನ ಸಂಕಲನ), ಬೌದ್ಧ ಭಿಕ್ಷಣಿ (ಮಕ್ಕಳ ಪುಸ್ತಕ ), ಸಾಹಿತ್ಯ ಪರಿಸರ, ಉರಿಯ ಉಯಾಲೆ (ವಿಮರ್ಶೆ), ಹರಿಹರ-ರಾಘವಾಂಕ (ಜಾನಪದ ಅಧ್ಯಯನ), ದನಿ ಇಲ್ಲದವರ ದನಿ, ಕುದುರೆಮುಖ (ವೈಚಾರಿಕ), ಇವರ ಕೆಲವು ಪ್ರಕಟಿತ ಕೃತಿಗಳು. ''ನಾಡೋಜ ...
READ MORE
Concept & Creation 
©2025 Book Brahma Private Limited.
2.jpg)
.jpg)
.jpg)
.jpg)
