ಒಂದು ಜಾತಿಯ ಉಪಪಂಗಡಗಳ ಬಗ್ಗೆ ಬರೆಯುವುದು ಸವಾಲಿನ ಕೆಲಸ ಮತ್ತು ಸೂಕ್ಷ್ಮ ವಿಚಾರ. ಹಾಗಾಗಿ
ಗ್ರಂಥದ ಪ್ರಧಾನ ಸಂಪಾದಕ ಡಾ.ಎಂ.ಎಂ. ಕಲಬುರ್ಗಿ ಅವರು ಕೃತಿ ರಚನೆ ವೇಳೆ ಜಾಣ್ಮೆಯೊಂದನ್ನು ಮೆರೆದಿದ್ದಾರೆ. ಆಯಾ ಉಪಪಂಗಡಗಳಿಂದ ಬಂದ ವಿದ್ವಾಂಸರೇ ತಮ್ಮ ತಮ್ಮ ಜಾತಿಗಳ ಬಗ್ಗೆ ಬರೆಯುವಂತೆ ಪ್ರೇರೇಪಿಸಿದ್ದಾರೆ. ಸುಮಾರು ೨೫ ಉಪಪಂಗಡಗಳ ಚರಿತ್ರೆ ಮತ್ತು ಲಿಂಗಾಯತದೊಂದಿಗೆ ಅವು ತಮ್ಮನ್ನು ಗುರುತಿಸಿಕೊಂಡಿರುವ ಬಗೆಯನ್ನು ಕೃತಿ ಬಿಚ್ಚಿಡುತ್ತದೆ.
ಹೊರಸುತ್ತಿನ ಲಿಂಗಾಯತರು, ಇನ್ನೂ ಹೊರಸುತ್ತಿನ ಲಿಂಗಾಯತರು, ಒಳಸುತ್ತಿನ ಲಿಂಗಾಯತರು, ಒಳಸುತ್ತಿನ ಲಿಂಗಾಯತರು ಎಂದು ಅಧ್ಯಯನಕ್ಕಾಗಿ ವಿಂಗಡಣೆ ಮಾಡಿಕೊಳ್ಳಲಾಗಿದೆ. ಉಪಪಂಗಡಗಳ ದಾಖಲೀಕರಣದ ಇತಿಹಾಸ, ಅದರ ಮಹತ್ವವನ್ನೂ ಕೃತಿಯಲ್ಲಿ ವಿವರಿಸಲಾಗಿದೆ.
©2025 Book Brahma Private Limited.