ಮುಸ್ಲಿಂ, ಇದು ದೈವ ಸೈನಿಕರ ಲೋಕ ಪುಸ್ತಕವು ಜಿಹಾದ್ ಕುರಿತಾಗಿನ ಅಚ್ಚರಿಯ ಸಂಗತಿಗಳನ್ನು ಅನಾವರಣಗೊಳಿಸುತ್ತದೆ. ದೈವ ಸೈನಿಕರು ಯಾವ ರೀತಿ ಧರ್ಮದ ಹೆಸರಿನಲ್ಲಿ ಈ ಪ್ರಪಂಚದಲ್ಲಿ ಭಯೋತ್ಪಾದನೆಯನ್ನು ಮಾಡುತ್ತಿದ್ದಾರೆ ಎಂಬ ಕುರಿತಾಗಿ ಈ ಪುಸ್ತಕದಲ್ಲಿ ಬರೆಯಲಾಗಿದೆ. ಅಮೇರಿಕಾದಂತಹ ಬಲಿಷ್ಟ ರಾಷ್ಟ್ರವನ್ನು ಎದುರು ಹಾಕಿಕೊಳ್ಳುವಂತಹ ಧೈರ್ಯವನ್ನು ತೋರುವಷ್ಟು ಹುಂಬತನ ಬೆಳೆದುದರ ಕುರಿತು ಲೇಖಕರಾದ ರವಿ ಬೆಳಗೆರೆಯವರು ಈ ಪುಸ್ತಕದಲ್ಲಿ ಬರೆಯುತ್ತಾರೆ. ತಾವು ಖುದ್ದು ಭೇಟಿ ಕೊಟ್ಟು ನೋಡಿದಂತಹ ಮತ್ತು ತಿಳಿದುಕೊಂಡಂತಹ ವಿಷಯಗಳ ಕುರಿತು ಈ ಪುಸ್ತಕದಲ್ಲಿ ಬೆಳಗೆರೆಯವರು ಬರೆಯುತ್ತಾರೆ. ಯಾವ ರೀತಿ ಉಗ್ರರ ಪಡೆಯನ್ನು ಮಾರಣ ಹೋಮಕ್ಕೆ ಸಿದ್ದಪಡಿಸಲಾಗುತ್ತದೆ, ಸಣ್ಣ ಪುಟ್ಟ ಮಕ್ಕಳಿಂದ ಹಿಡಿದು ಬಿಸಿ ರಕ್ತದ ತರುಣರವರೆಗೂ ಎಲ್ಲರೂ ಯಾವ ರೀತಿ ಭಯೋತ್ಪಾದನೆಯ ಮೋಹಕ್ಕೆ ಒಳಗಾಗುತ್ತಾರೆ, ಅವರ ಮನಸ್ಥಿತಿಯನ್ನು ಯಾವ ರೀತಿ ನಿಯಂತ್ರಿಸಲಾಗುತ್ತದೆ ಎಂಬುದರ ವರ್ಣನೆ ಈ ಪುಸ್ತಕದಲ್ಲಿ ಓದಬಹುದು. ಭಯೋತ್ಪಾದಕರ ತರಭೇತಿ ಶಿಬಿರಗಳ ಕುರಿತು, ಅಲ್ಲಿ ಹದಿ ಹರೆಯದ ತರುಣರು ಪಡೆಯುವ ಶಸ್ತ್ರಾಸ್ತ ತರಭೇತಿಯ ಬಗ್ಗೆ ವಿಸ್ತೃತವಾಗಿ ಮಾಹಿತಿಯನ್ನು ರವಿ ಬೆಳಗೆರೆಯವರು ನೀಡಿದ್ದಾರೆ. ಭಯೋತ್ಪಾದನೆಯ ಒಳ ಹೊರಗಿನ ವಿಷಯಗಳನ್ನು ಸರಳವಾಗಿ ಅರ್ಥೈಸುವ ರೀತಿಯಲ್ಲಿ ವಿವರಿಸಿದ್ದಾರೆ ಲೇಖಕರು.
ಕನ್ನಡದ ಪ್ರಮುಖ ಪತ್ರಕರ್ತರಲ್ಲಿ ಒಬ್ಬರಾದ ರವಿ ಬೆಳಗೆರೆ ಅವರು 15 ಮಾರ್ಚ್ 1958 ಬಳ್ಳಾರಿಯಲ್ಲಿ ಜನಿಸಿದರು. ಇತಿಹಾಸ ಮತ್ತು ಪ್ರಾಚ್ಯಶಾಸ್ತ್ರದಲ್ಲಿ ಎಂ.ಎ., ಮಾಡಿದ್ದ ಇವರು ಮೊದಲು ಪ್ರಧ್ಯಾಪಕರಾಗಿ ವೃತ್ತಿಜೀವನ ಆರಂಭಿಸಿದರು. ನಂತರ ಸಂಯುಕ್ತ ಕರ್ನಾಟಕ, ಕರ್ಮವೀರ ಪತ್ರಿಕೆಗಳಲ್ಲಿ ಪತ್ರಕರ್ತರಾಗಿ ಕಾರ್ಯ ನಿರ್ವಹಿಸಿದರು. ಲಂಕೇಶ್ ಪತ್ರಿಕೆಯಲ್ಲಿ ನಿಯಮಿತವಾಗಿ ಬರೆಯುತ್ತಿದ್ದ ಅವರು ಆಮೇಲೆ ತಾವೇ ಸ್ವತಃ ಹಾಯ್ ಬೆಂಗಳೂರು ಪತ್ರಿಕೆಯನ್ನು ಆರಂಭಿಸಿದರು. ಹಾಯ್ ಬೆಂಗಳೂರ್ ವಾರಪತ್ರಿಕೆಯು ಓದುಗರ ಮನಗೆದ್ದು ಕನ್ನಡ ಪತ್ರಿಕೋದ್ಯಮದಲ್ಲಿ ಹೊಸ ಸಂಚಲನ ಮೂಡಿಸಿತು. ಹಾಯ್ ಬೆಂಗಳೂರು ಪತ್ರಿಕೆಯ ಜೊತೆಗೆ ಓ ಮನಸೇ ಪಾಕ್ಷಿಕ ಪ್ರಾರಂಭಿಸಿದರು. ಶಿವರಾಮ ಕಾರಂತ ...
READ MORE
Concept & Creation 
©2024 Book Brahma Private Limited.
.jpg)
