ಹುಟ್ಟಿನಿಂದಲೇ ಕಿವುಡಾಗಿರುವ ಮಗುವಿಗೆ ಮುಂದೆ ಮಾತು ಬರಲಾರದೆಂಬುದು ಇದುವರೆಗಿನ ವೈದ್ಯಕೀಯ ಇತಿಹಾಸ. ಆದರೆ ಇದನ್ನು ಸವಾಲೆಂಬಂತೆ ತೆಗೆದುಕೊಂಡು ನಿರಂಜನ ಎಂಬ ಮಗುವಿಗೆ ಸರಾಗವಾಗಿ ಮಾತಾಡಲು ಕಲಿಸಿದ ರೋಚಕ ಕಥೆಯೊಂದು ಈ ಕೃತಿಯ ಉದ್ದಕ್ಕೂ ನಿರೂಪಣೆಗೊಂಡಿದೆ. ಮಗು ಕಿವುಡೆಂದು ತಿಳಿದ ತಕ್ಷಣ ತಡಮಾಡದೆ, ತಾಳ್ಮೆಯಿಂದ ವ್ಯವಹರಿಸಿ ಸರಿಯಾದ ಸಮಯದಲ್ಲಿ ಸರಿಯಾದ ಮಾತಿನ ಚಿಕಿತ್ಸೆ ನೀಡಿ ಆತನನ್ನು ಮಾತು ಕಲಿಯುವಂತೆ ಮಾಡಿದ ಸಂಭ್ರಮವನ್ನು ಇಲ್ಲಿ ಓದಿಯೇ ತಿಳಿಯಬೇಕು. ಇಲ್ಲಿನ ಹೆಚ್ಚಿನ ಪರಿಶ್ರಮ ತಾಯಿಯದೇ ಆಗಿದ್ದು ಮಾರ್ಗದರ್ಶನ ಮಾತ್ರ ಆತ ಕಲಿತ ಶಾಲೆಯ ಅಧ್ಯಾಪಕರದ್ದು ಹಾಗೂ ಕಿವುಡು ಮಕ್ಕಳಿಗಾಗಿ ಒಂದು ಶಾಲೆಯನ್ನೇ ಮೈಸೂರಿನಲ್ಲಿ ಪ್ರಾರಂಭಿಸಿದ ಪ್ರಾಥಃಸ್ಮರಣೀಯರೊಬ್ಬರದು. ಛಲವಿದ್ದರೆ ಹೀಗಿರಬೇಕೆಂದು ಇತರ ಕಿವುಡು-ಮೂಗ ಮಕ್ಕಳ ತಾಯಿ-ತಂದೆ-ಪೋಷಕರಿಗೆ ಒಂದು ಮಾದರಿಯಾಗಬಹುದಾದ ಕೃತಿಯಿದು.
ಹಿರಿಯ ಪತ್ರಕರ್ತ, ಲೇಖಕ ರವೀಂದ್ರ ಭಟ್ಟ ಅವರು ಶಿರಸಿಯ ಎಂ.ಎಂ. ಕಲಾ ಮತ್ತು ವಿಜ್ಞಾನ ಕಾಲೇಜಿನಲ್ಲಿ ಬಿ.ಎಸ್.ಸಿ. ಪದವಿ ಪಡೆದಿದ್ದಾರೆ. ಜೊತೆಗೆ ಕರ್ನಾಟಕ ವಿಶ್ವವಿದ್ಯಾಲಯದಿಂದ ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನದಲ್ಲಿ ಎಂ.ಎ. ಪದವಿ ಪಡೆದಿದ್ದಾರೆ. 1990ರಲ್ಲಿ ಸಂಯುಕ್ತ ಕರ್ನಾಟಕದಿಂದ ವೃತ್ತಿ ಆರಂಭಿಸಿದ ಅವರು ನಂತರ ಕನ್ನಡಮ್ಮ, ಅಭಿಮಾನಿ, ಅರಗಿಣಿ, ಈ ಸಂಜೆ, ಉದಯವಾಣಿಗಳಲ್ಲಿ ಸೇವೆ ಸಲ್ಲಿಸಿದ್ದು, 1995ರಿಂದ ಪ್ರಜಾವಾಣಿಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ. ‘ಇವರೇ ಬರಮಾಡಿಕೊಂಡ ಬರ’, ‘ಹೆಜ್ಜೇನು’ (ಆದಿವಾಸಿ ನಾಯಕಿ ಜಾಜಿ ತಿಮ್ಮಯ್ಯ ಅವರ ಜೀವನ ಚರಿತ್ರೆ), ‘ಬದುಕು ಮರದ ಮೇಲೆ’, ‘ಮೂರನೇ ಕಿವಿ’, ‘ಸಂಪನ್ನರು’, ‘ಅಕ್ಷಯ ನೇತ್ರ’, ...
READ MORE
Concept & Creation 
©2024 Book Brahma Private Limited.
.jpg)
