ಲೇಖಕ ಪ್ರಕಾಶ್ ಕೆ. ನಾಡಿಗ್ ಅವರ ಪ್ರವಾಸ ಕಥನ-ಯುರೋಪ್ ಯಾನ. ಲೇಖಕರು ಯೂರೋಪಿನಲ್ಲಿ ತಾವು ಕಳೆದ 11 ದಿನಗಳ ಅನುಭವವನ್ನು ಕಟ್ಟಿಕೊಡುವ ಕೃತಿ ಇದು. ಡೆನ್ಮಾರ್ಕ್, ಪ್ಯಾರಿಸ್, ರೋಮ್, ಇಟಲಿ ದೇಶಗಳನ್ನು ಸುತ್ತು ಹಾಕಿದ್ದಾರೆ. ಡೆನ್ಮಾರ್ಕಿನ ಜನರ ಜೀವನ ಶೈಲಿ, ಅವರ ಸಾಂಪ್ರದಾಯ, ಅವರ ರೂಪ ಮೈಕಟ್ಟು ಅಂದ ಚೆಂದಗಳ ಬಗ್ಗೆ ಕೂತುಹಲಕಾರಿಯಾಗಿ ಬರೆದಿದ್ದಾರೆ. ಪ್ಯಾರಿಸಿನಲ್ಲಿ ರಾತ್ರಿ 8:30 ಗಂಟೆಯಾದರೂ ಸೂರ್ಯ ಮುಳುಗಿರುವುದಿಲ್ಲ, ಬೆಳಗಿನ ಜಾವ 4:30ಕ್ಕೆ ಬೆಳಕಾಗಿರುತ್ತದೆ ಇದು ಆ ದೇಶದ ಅಚ್ಚರಿ ಎನ್ನುತ್ತಾರೆ. ಪ್ಯಾರಿಸಿನಲ್ಲಿ ಓಡಾಡಲು ಸಿಗುವ ಸುಲಭ ಬೆಲೆಯ ಮೆಟ್ರೋ ಪಾಸ್, ಸುರಂಗಮಾರ್ಗದ ಮೆಟ್ರೋ, ಮೆಟ್ರೋ ನಿಲ್ದಾಣಗಳಲ್ಲಿ ಅಲಲ್ಲಿ ಚಿಲ್ಲರೆ ಕೊಡುವ ಯಂತ್ರಗಳು, ಭಾರತೀಯ ಶೈಲಿಯ ಊಟ ಸಿಗುವ ಶರವಣ ಭವನ, ಚೊಕ್ಕಟವಾಗಿರುವ ಪ್ಯಾರಿಸಿನ ಬೀದಿಗಳು, ಅಲ್ಲಿಯ ಚರ್ಚುಗಳು, ವಿಶ್ವವಿಖ್ಯಾತ ಐಪೆಲ್ ಟವರ್, ಪೀಸಾ ಗೋಪರ, ಹೀಗೆ ಪ್ಯಾರಿಸಿನ ವಿವರಣೆ ಇದೆ. ದೈವತ್ವವೇ ಮೈವೆತ್ತಿದಂತಿದ್ದ ವ್ಯಾಟಿಕನ್ ಸಿಟಿ, ಅಸಂಖ್ಯಾತ ಚರ್ಚುಗಳು, ಸಂತ ಎಂಜಲೋ ಕೋಟೆ, ರೋಮನ ಪೋರಂ, ಟ್ರೇವಿ ಕಾರಂಜಿ, ಕಲೋಸಿಯಂ ಈ ಸ್ಥಳಗಳ ಪ್ರಾಮುಖ್ಯತೆಯನ್ನು ವರ್ಣಿಸಿದ್ದಾರೆ.
ಲೇಖಕ ಪ್ರಕಾಶ್ ಕೆ. ನಾಡಿಗ್ ಅವರು ಮೂಲತಃ ಶಿವಮೊಗ್ಗದವರು. ತಂದೆ ಕೇಶವ ಮೂರ್ತಿ ನಾಡಿಗ್, ತಾಯಿ ಶಾಂತಾ ನಾಡಿಗ್. ಶಿವಮೊಗ್ಗದ ದೇಶಿಯ ವಿದ್ಯಾಸಂಸ್ಥೆಯಲ್ಲಿ ಪ್ರಾಥಮಿಕ ಹಂತದಿಂದ ಪದವಿವರೆಗೂ ಶಿಕ್ಷಣ ಪೂರೈಸಿದ್ದಾರೆ. ಕುವೆಂಪು ವಿಶ್ವವಿದ್ಯಾಲಯದಿಂದ ಸೂಕ್ಷ್ಮಾಣುಜೀವ ಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವೀಧರರು. ತುಮಕೂರಿನ ಔಷಧ ತಯಾರಿಕಾ ಕಂಪನಿಯಲ್ಲಿ ಗುಣಮಟ್ಟ ಖಾತ್ರಿ ವಿಭಾಗದ ಮುಖ್ಯಸ್ಥರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಅವರು ಪ್ರವೃತ್ತಿಯಲ್ಲಿ ಲೇಖಕರು, ಅಂಕಣಕಾರರು ಆಗಿದ್ದಾರೆ. ಗುಬ್ಬಚ್ಚಿ ಸಂತತಿಯನ್ನು ಉಳಿಸಿ ಬೆಳೆಸಲು " ಗುಬ್ಬಚ್ಚಿ ಸಂಘ" ಸ್ಥಾಪಿಸಿ, ಮಕ್ಕಳಲ್ಲಿ ಪರಿಸರ ಹಾಗೂ ಪಕ್ಷಿಗಳ ಬಗ್ಗೆ ಅರಿವು ಮೂಡಿಸುತ್ತಿದ್ದು, ಮಕ್ಕಳನ್ನು ಸೇರಿಸಿಕೊಂಡು ತುಮಕೂರಿನಲ್ಲಿ ಸುಮಾರು ಸಾವಿರಕ್ಕಿಂತ ಹೆಚ್ಚು ಮರಗಳನ್ನು ಬೆಳೆಸಿದ್ದಾರೆ. ಕೃತಿಗಳು: ಗಣೇಶನ ಬೆಂಗ್ಳೂರ್ ಯಾತ್ರೆ, ಪುಟಾಣಿಗಳಿಗಾಗಿ ...
READ MORE
Concept & Creation 
©2025 Book Brahma Private Limited.
