‘ದೇಗುಲಗಳ ದಾರಿ’ ಸಂಪುಟ-5 ಕೆಂಗೇರಿ ಚಕ್ರಪಾಣಿಯವ ಪ್ರವಾಸ ಕಥನವಾಗಿದೆ. ಇದಕ್ಕೆ ಚಿಂತಾಮಣಿ ಕೊಡ್ಲೆಕೆರೆ ನಾಗೇಂದ್ರ ಅವರ ಮುನ್ನುಡಿ ಬರಹವಿದೆ. "ದೇಗುಲಗಳ ದಾರಿ"ಯ ಈ ಐದನೇ ಸಂಪುಟವು ಸ್ವಲ್ಪ ತಡವಾಗಿ ಬೆಳಕು ಕಾಣುತ್ತಿದೆ - ನಮ್ಮ ಹಿಂದಿನ ಸಂಪುಟ ಪ್ರಕಟವಾಗಿ ನಾಲ್ಕು ವರ್ಷಗಳೇ ಕಳೆದು ಹೋದವು, ವಿಶ್ವವನ್ನೇ ವಿಹ್ವಲಗೊಳಿಸಿದ ವೈರಾಣು ನಮಗೂ 'ದಾರಿ'ಗಾಣದಂತೆ ಮಾಡಿತು.
ಇದೀಗ ಮತ್ತೆ ನಮ್ಮ ಪ್ರವಾಸಗಳು ಆರಂಭಗೊಂಡಿವೆ. ಮೂಲತಃ ಈ ಪ್ರವಾಸಗಳ ವಿವಿಗಳಿಗಾಗಿ ನಮ್ಮ ಇತಿಹಾಸತಜ್ಞ, ಛಾಯಾಚಿತ್ರಗ್ರಾಹಕ ಮಿತ್ರ ಶ್ರೀ ಚಕ್ರಪಾಣೆಯರ ಬೀಖನ ಕಾರ್ಯವು ಆರಂಭಗೊಳ್ಳುತ್ತದೆ. ಇವೇ ಕೈಹೊತ್ತಗೆಗಳು ಮುಂದಿನ ದಿನಗಳಲ್ಲಿ ಪ್ರವಾಸ ಕೈಕೊಳ್ಳುವವರಿಗೆ ತೋರು ಗಂಬಗಳಾಗಿ, ಅಭ್ಯಾಸಿ ಗಳಿಗೆ ನಮ್ಮ ಕನ್ನಡ ನಾಡಿನ ಹಳ್ಳಿ, ಹಳ್ಳಿಗಳಲ್ಲಿರುವ ಹಳೆಯ ದೇವಾಲಯಗಳ ಮಹಿಮೆ. ಮಾತ್ರ ಐತಿಹಾಸಿಕ ಹಿನ್ನೆಲೆ, ಕಲಾ ಸೌಂದರ್ಯದ ಕಿರುಮಾಹಿತಿ ಮತ್ತು ಸುಂದರ ಚಿತ್ರಗಳನ್ನೊಳಗೊಂಡ ಆಕರಗ್ರಂಥಗಳಾಗಿ ರೂಪುಗೊಳ್ಳುತ್ತವೆ.
ಇದು ನಮ್ಮ ಈ ಸಂಪುಟಗಳು ಆಕೃತಿ ಪಡೆಯುವ ವಿಧಾನ. ಇಂಥ ಪುಸ್ತಕಗಳಿಂದ ಸಿಗುವ ಮಾಹಿತಿಯ ಕುರಿತು ಓದುಗ ವರ್ಗದಲ್ಲಿ ಎಷ್ಟು ದೊಡ್ಡ ಕುತೂಹಲ ಇದೆ ಎಂಬುದು ನಿತ್ಯವೂ ನಮ್ಮ ಅನುಭವಕ್ಕೆ ಬರುತ್ತಲೇ ಇರುತ್ತದೆ. ತಮ್ಮ ಊರಿನ ಮತ್ತು ಆಸುಪಾಸಿನ ಊರುಗಳ ದೇವಾಲಯಗಳ ಕುರಿತು ತಮಗೆ ಈ ಪುಸ್ತಕ ಓದುವ ಮೊದಲು ಏನೇನೂ ತಿಳಿದಿರಲಿಲ್ಲ ಎಂಬಂಥ ಅಚ್ಚರಿಯ ಉದ್ಧಾರಗಳನ್ನು ಅನೇಕ ಸಲ ಕೇಳಿದ್ದೇವೆ.
ಇದುವರೆಗೂ ಯಾರೂ ಗಂಭೀರವಾಗಿ ಪ್ರವೇಶಿಸಿರದ ಒಂದು ದೊಡ್ಡ 'ಸಾಂಸ್ಕೃತಿಕ ಅಗತ್ಯ'ವನ್ನು ಈ ಸಂಪುಟಗಳು ತಮ್ಮದೇ ರೀತಿಯಲ್ಲಿ ಪೂರೈಸುತ್ತಿವೆ ಎಂಬುವುದನ್ನು ಈ ಪುಸ್ತಕದಲ್ಲಿ ನೋಡಬಹುದು.
Concept & Creation 
©2024 Book Brahma Private Limited.
