'ದೇಶ ನೋಡೋಕಿಂತ ಕೋಶ ಓದು' ಎಂಬ ಲೋಕೋಕ್ತಿಯಂತೆ ಇಂದು ಓದುವುದರ ಮೂಲಕವೇ ಪ್ರಪಂಚ ದರ್ಶನ ಮಾಡಿಬಿಡಬಹುದು. ಅಂಥ ದರ್ಶನ ಮಾಡಿಸುವ ಶಕ್ತಿ ಇಂಥ ಮಾರ್ಗದರ್ಶಕ ಮಾಹಿತಿಗಳ ಕೈಪಿಡಿಯನ್ನು ರೂಪಿಸುವ ಕಲೆ ಡಿ.ಎಸ್. ಲಿಂಗರಾಜು ಅವರಿಗಿದೆ ಎಂಬುದನ್ನು ಈ ಕೃತಿ ಪ್ರತಿ ವಾಕ್ಯದಲ್ಲಿ ಸಾಬೀತುಪಡಿಸುತ್ತದೆ. ಹಾಗೂ ಆ ದೇಶವನ್ನು ಕಣ್ಣಾರೆ ಕಂಡ ಅನುಭವ ನೀಡುವಲ್ಲಿ ಯಶಸ್ವಿಯಾಗುತ್ತದೆ. ಪ್ರಸ್ತುತ ಪುಸ್ತಕ ಸರಿಯಾಗಿ ನಮ್ಮ ಭಾರತದ ನೆತ್ತಿಯ ಮೇಲಿರುವ 'ಚಳಿ ದೇಶಗಳಾದ ರಷ್ಯಾ, ಉಜ್ಜಿಕಿಸ್ತಾನ ಮತ್ತು ತಾಜಕಿಸ್ತಾನಗಳನ್ನು ಹೃದಯಂಗಮವಾಗಿ ಪರಿಚಯಿಸುತ್ತದೆ. ಆ ದೇಶಗಳ ಒಂದು ಸಮಗ್ರ ಚಿತ್ರಣ ಕಣ್ಣಿಗೆ ಕಟ್ಟಿದಂತೆ ನಮ್ಮೆದುರು ಬಿಚ್ಚಿಕೊಳ್ಳುತ್ತದೆ. ಆಯಾ ದೇಶಗಳ ಇತಿಹಾಸ, ಸಂಸ್ಕೃತಿ, ಸಮಾಜ ಜೀವನ, ಕಲೆಸಾಹಿತ್ಯ-ಸಂಗೀತ-ನೃತ್ಯ, ನಂಬಿಕೆ-ಸಂಪ್ರದಾಯಗಳನ್ನು ಕುರಿತ ವಿವರಗಳಿಂದ ಮಾಹಿತಿಗಳ ಗಣಿಯಾಗಿದೆ.
ಲೇಖಕ ಡಿ.ಎಸ್. ಲಿಂಗರಾಜು, ತುಮಕೂರು ಜಿಲ್ಲೆಯ ತುರುವೇಕೆರೆ ತಾಲೂಕು, ಮಾಯಸಂದ್ರದವರು. ತಂದೆ- ಡಿ.ಎಸ್. ಶಿವರಾಜೇಗೌಡ, ತಾಯಿ- ಬಿ.ಕೆ ಜಯಮ್ಮ. ಮಾಯಸಂದ್ರ, ತುರುವೇಕೆರೆ, ಕೋಲಾರ ಮತ್ತು ಚುಂಚನಗಿರಿಯಲ್ಲಿ ವಿದ್ಯಾಭ್ಯಾಸ. ಮೈಸೂರು ವಿಶ್ವವಿದ್ಯಾನಿಲಯದಿಂದ ಇಂಗ್ಲಿಷ್ ಸಾಹಿತ್ಯದಲ್ಲಿ ಎಂ ಎ ಪದವಿ (1985), ಕೆಲಕಾಲ ಕುಣಿಗಲ್ ತಾಲೂಕು ಎಡೆಯೂರಿನ ಕಾಲೇಜೊಂದರಲ್ಲಿ ಇಂಗ್ಲಿಷ್ ಉಪನ್ಯಾಸಕರಾಗಿ ಸೇವೆ. ನಂತರ ಕೆಎಎಸ್ ಗೆಜೆಟೆಡ್ ಪರೀಕ್ಷೆಯಲ್ಲಿ ಆಯ್ಕೆಯಾಗಿ 1991 ರಿಂದ ಕರ್ನಾಟಕ ಸರ್ಕಾರದ ವಾಣಿಜ್ಯ ತೆರಿಗೆ ಇಲಾಖೆಯಲ್ಲಿ ಕಾರ್ಯ ನಿರ್ವಹಣೆ, ಪ್ರಸ್ತುತ ವಾಣಿಜ್ಯ ತೆರಿಗೆ ಇಲಾಖೆ ಉಪ ಆಯುಕ್ತರಾಗಿ ಬೆಂಗಳೂರಿನಲ್ಲಿ ಸೇವೆ ಸಲ್ಕಾಲಿಸುತ್ತಿದ್ದಾರೆ. ತುಷಾರ ಮಾಸ ಪತ್ರಿಕೆಯ ದೇಶ-ವಿದೇಶಗಳ ಪರಿಚಯ ಮಾಲೆಯಲ್ಲಿ ಸುಮಾರು ...
READ MORE
Concept & Creation 
©2025 Book Brahma Private Limited.
