ಅಂಡಮಾನ್ ನಿಕೋಬಾರ್ ಬಗ್ಗೆ ಆಕರ್ಷಿತರಾದ ಕೆ. ಪಿ. ಪೂರ್ಣಚಂದ್ರ ತೇಜಸ್ವಿ, ರಹಮತ್‌ ತರೀಕೆರೆ ಅವರಂತಹ ಅನೇಕ ಲೇಖಕರು ದ್ವೀಪಸಮೂಹದ ಕುರಿತು ಈಗಾಗಲೇ ಪ್ರವಾಸ ಕಥನಗಳನ್ನು ರಚಿಸಿದ್ದಾರೆ. ಅಂತಹುದೇ ಒಂದು ಅಪೂರ್ವ ಕೃತಿ ಕನ್ನಡದ ಮತ್ತೊಬ್ಬ ಮುಖ್ಯ ಬರಹಗಾರ್ತಿ ಡಾ. ಎಚ್.ಎಸ್. ಅನುಪಮಾ ಅವರು ಬರೆದಿರುವ ’ಅಂಡಮಾನ್ ಕಂಡಹಾಗೆ’.
ಇದೊಂದು ಪ್ರವಾಸ ಕಥನವಾಗಿರುವಂತೆ ಬುಡಕಟ್ಟು ಅಧ್ಯಯನವೂ ಆಗಿದೆ. ಅಲ್ಲಿನ ಜರವಾ, ಸೆಂಟಿನೇಲಿಯರು, ಗ್ರೇಟ್ ಅಂಡಮಾನಿಗಳು, ಒಂಗೇ, ಶೋಂಪೇನರು, ನಿಕೋಬಾರಿಗಳು, ಕಕೇನರು ಇತ್ಯಾದಿ ಸಮುದಾಯಗಳ ಬಗ್ಗೆ ಲೇಖಕಿ ಅನೇಕ ವಿಚಾರಗಳನ್ನು ತೆರೆದಿಟ್ಟಿದ್ದಾರೆ. ಎಂಥ ಪ್ರಾಕೃತಿಕ ಹೊಡೆತಗಳಿಗೂ ಸಿಲುಕದೆ ಆ ಬುಡಕಟ್ಟು ಪರಂಪರೆ ಮುಂದುವರಿದ ರೀತಿ, ಆದಿವಾಸಿ ಸಮುದಾಯಗಳ ಸದ್ಯದ ಸ್ಥಿತಿಗತಿ, ಅಂಡಮಾನನ್ನು ಅತಿಕ್ರಮಿಸಿರುವ ವಲಸಿಗರ ವಿಮರ್ಶಾತ್ಮಕ ಚಿತ್ರಣವಿದೆ. ಅಲ್ಲದೆ ಬಂಧನ- ವಿಮುಕ್ತಿಯ ಕತೆ ಹೇಳುವ ಪೋರ್ಟ್‌ ಬ್ಲೇರಿನ ಬಗ್ಗೆಯೇ ಪ್ರತ್ಯೇಕ ಲೇಖನ ಇದೆ.
ಲೇಖಕಿ, ಕವಯತ್ರಿ ಎಚ್.ಎಸ್.ಅನುಪಮಾ ಅವರು ವೃತ್ತಿಯಲ್ಲಿ ವೈದ್ಯೆ. ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರ ತಾಲೂಕಿನ ಕವಲಕ್ಕಿಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ. ವೃತ್ತಿಯ ಜೊತೆಗೆ ಸಾಹಿತ್ಯ ಕ್ಷೇತ್ರದಲ್ಲಿಯೂ ತಮ್ಮನ್ನು ತೊಡಗಿಸಿಕೊಂಡಿರುವ ಅವರು ಕಾಡುಹಕ್ಕಿಯ ಹಾಡು, ಸಹಗಮನ, ಬುದ್ಧ ಚರಿತೆ (ಖಂಡ ಕಾವ್ಯ), ನೆಗೆವ ಪಾದದ ಜಿಗಿತ, ಸಬರಮತಿ- ನೀಳ್ಗವಿತೆ ಎಂಬ ಐದು ಕವನ ಸಂಕಲನಗಳು, ಹೂವರಳಿದ್ದಕ್ಕೆ ಯಾಕೆ ಸಾಕ್ಷಿ?, ಚಿವುಟಿದಷ್ಟೂ ಚಿಗುರು, ಕೋವಿಡ್: ಡಾಕ್ಟರ್ ಡೈರಿ - ಗ್ರಾಮಭಾರತದ ಕಥೆಗಳು ಎಂಬ ಮೂರು ಕಥಾಸಂಕಲನಗಳು, ಡಾ. ಬಾಬಾಸಾಹೇಬ್ ಅಂಬೇಡ್ಕರ್ – ಕಿರು ಜೀವನ ಚರಿತ್ರೆ , ಮೋಚಕನ ಹೆಜ್ಜೆಗಳು - ಡಾ. ...
READ MORE
Concept & Creation 
©2025 Book Brahma Private Limited.
