‘ನಾಥ ಸಂಪ್ರದಾಯದ ಇತಿಹಾಸ’ ಚಂದ್ರಕಾಂತ ಪೋಕಳೆ ಅವರ ಅನುವಾದಿತ ಐತಿಹಾಸಿಕ ಕೃತಿಯಾಗಿದೆ. ಮಹಾರಾಷ್ಟ್ರದಲ್ಲಿ ಅಸ್ತಿತ್ವದಲ್ಲಿದ್ದ ಬಹುಹಿಂದಿನ ನಾಥ ಸಂಪ್ರದಾಯದ ಇತಿಹಾಸವನ್ನು ತಿಳಿಸಿಕೊಡುವ ಪುಸ್ತಕ. ಮಂದ್ರನಾಥ, ಗೋರಖನಾಥರಂಥವರ ಉಲ್ಲೇಖಗಳಿರುವ ಇಂಥ ಯೋಗಿಗಳ ಗುರುಪರಂಪರೆಯಲ್ಲಿ ಮುಂದುವರೆದಂತೆ ಜ್ಞಾನದೇವ-ನಾಮದೇವ ಕಬೀರ್ - ನಾನಕ್ ರವರ ಹೆಸರುಗಳೂ ಸೇರ್ಪಡೆಯಾಗಿವೆ.
ಲೇಖಕರು, ಪ್ರಖ್ಯಾತ ಅನುವಾದಕರೂ ಆದ ಚಂದ್ರಕಾಂತ ಪೊಕಳೆ ಅವರು 20-08-1949 ರಂದು ಜನಿಸಿದರು. ಹುಟ್ಟೂರು ಉತ್ತರ ಕನ್ನಡ ಜಿಲ್ಲೆಯ ಮಂಚಿಕೇರಿ. ತಂದೆ- ಮಹಾಬಲೇಶ್ವರ, ತಾಯಿ- ಪಾರ್ವತಿ. ಹೈಸ್ಕೂಲುವರೆಗೆ ಮಂಚಿಕೇರಿಯಲ್ಲಿ ಓದಿದ ಅವರು, ಧಾರವಾಡದ ಕಾಲೇಜಿನಿಂದ ಬಿ.ಎ ಪದವಿ ಮತ್ತು ಕರ್ನಾಟಕ ವಿಶ್ವವಿದ್ಯಾಲಯದಿಂದ ಎಂ.ಎ. ಪದವಿಗಳಿಸಿದ್ದಾರೆ. ಧಾರವಾಡದಲ್ಲಿ ವಿದ್ಯಾರ್ಥಿಯಾಗಿದ್ದಾಗಲೇ ಗೌರೀಶ ಕಾಯ್ಕಿಣಿ, ಶಂಬಾ, ಬೇಂದ್ರೆ, ಇವರುಗಳ ಸಾಹಿತ್ಯದಿಂದ ಪ್ರೇರಿತರಾದ ಪೊಕಳೆ, ಅಧ್ಯಾಪಕ ವೃತ್ತಿಯನ್ನು ಆಯ್ಕೆ ಮಾಡಿಕೊಂಡವರು. ಬೆಳಗಾವಿ ಜಿಲ್ಲೆಯ ಚಿಕ್ಕೋಡಿ ತಾಲೂಕಿನ ಬೇಡಕಿಹಾಳದ ಲಠ್ಠೆ ಶಿಕ್ಷಣ ಸಂಸ್ಥೆಯಲ್ಲಿ ಅಧ್ಯಾಪಕ ವೃತ್ತಿ ಆರಂಭಿಸಿದ ಅವರು ಪ್ರಾಂಶುಪಾಲರಾಗಿ ಕಾರ್ಯ ನಿರ್ವಹಿಸಿ ನಿವೃತ್ತಿ ...
READ MOREಹೊಸತು - ಮೇ -2005
ಮಹಾರಾಷ್ಟ್ರದಲ್ಲಿ ಅಸ್ತಿತ್ವದಲ್ಲಿದ್ದ ಬಹುಹಿಂದಿನ ನಾಥ ಸಂಪ್ರದಾಯದ ಇತಿಹಾಸವನ್ನು ತಿಳಿಸಿಕೊಡುವ ಪುಸ್ತಕ. ಮಂದ್ರನಾಥ, ಗೋರಖನಾಥರಂಥವರ ಉಲ್ಲೇಖಗಳಿರುವ ಇಂಥ ಯೋಗಿಗಳ ಗುರುಪರಂಪರೆಯಲ್ಲಿ ಮುಂದುವರೆದಂತೆ ಜ್ಞಾನದೇವ-ನಾಮದೇವ ಕಬೀರ್ - ನಾನಕ್ ರವರ ಹೆಸರುಗಳೂ ಸೇರ್ಪಡೆಯಾಗಿವೆ. ಅನೇಕ ವಾಮಾಚಾರ, ತಂತ್ರಸಿದ್ಧಿಗಳನ್ನೊಳ ಗೊ೦ಡ ಸಾಧನಾ ತಪಸ್ಸಿನಲ್ಲಿ ಸಾಕಷ್ಟು ಗೊಂದಲಗಳೂ ಶಾಖಾಭೇದಗಳೂ ಕ್ರಮೇಣ ಉದ್ಭವಿಸಿದ್ದು ಮುಂದೆ ಗೋರಕ್ಷನಾಥನು ಈ ಸಾಧನೆಗಳನ್ನು ಶುದ್ದೀಕರಣ ಮಾಡಿದನೆಂದು ಹೇಳಲಾಗುತ್ತಿದೆ. ನಾಥ ಪಂಥ ಬೆಳೆಸಲು ಕಾರಣರಾದ ಅನೇಕ ಸಂತರನ್ನು ಅವರ ಸಮಕಾಲೀನ ಸಾಮಾಜಿಕ ಪರಿಸರದೊಂದಿಗೆ ಪರಿಚಯಿಸಲಾಗಿದೆ. ಸಿದ್ಧರು, ತಪಸ್ವಿಗಳು ಮತ್ತು ಅವಧೂತರು ಸಾಕಷ್ಟು ಇರುವ ಈ ಪಂಥ ಭಾರತೀಯ ಪ್ರಾಚೀನ ಪ್ರಜೆಗಳನ್ನು ಹೇಗೆ ಮೋಡಿ ಮಾಡಿರಬಹುದೆಂಬುದು ಕುತೂಹಲದ ಅಂಶ.
Concept & Creation 
©2024 Book Brahma Private Limited.
