‘ನೀರು’ ಬೆ.ಗೋ. ರಮೇಶ್ ಅವರ ಅನುವಾದಿತ ಕೃತಿಯಾಗಿದೆ. ಈ ಕೃತಿಯಲ್ಲಿನ ವಿಚಾರಗಳು ಹೀಗಿವೆ; ಈಚಿನ ವರ್ಷಗಳಲ್ಲಿ, ನಗರಗಳಲ್ಲಿನ ಜನ ಸಂಖ್ಯೆ ವಿಫುಲವಾಗಿ ಬೆಳೆದಿದ್ದು ಸ್ಥಳೀಯ ಹಾಗೂ ಹತ್ತಿರದ ಜಲಮೂಲಗಳು ಸಾಕಾಗದೆ ಹೋಗಿವೆ. ಇದರಿಂದಾಗಿ, ಗಮನಾರ್ಹವಾಗಿ ಖರ್ಚಾದರೂ ದೂರದ ಪ್ರದೇಶಗಳಿಂದ ನೀರು ತರಿಸಿಕೊಳ್ಳಬೇಕಾದುದು ಅವಶ್ಯವಾಗಿದೆ. ನಗರಗಳಲ್ಲಿನ ಮತ್ತೊಂದು ಸಮಸ್ಯೆ ಎಂದರೆ ಹೊಲಸನ್ನು ಸಾಗಿಸುವ ವ್ಯವಸ್ಥೆ, ಸಣ್ಣ ಪಟ್ಟಣಗಳಾದರೆ, ಅಲ್ಲಿಯ ಜನ ಪಟ್ಟಣದ ಹೊರವಲಯದಲ್ಲಿ ತರಕಾರಿಗಳನ್ನು ಬೆಳೆಯುವ ರೈತರಿಗೆ ಅದನ್ನು ಮಾರಿಬಿಡುತ್ತಾರೆ. ಇದು ಅನಾರೋಗ್ಯಕರ. ದೊಡ್ಡ ಪಟ್ಟಣಗಳಲ್ಲಿ ಹೊಲಸನ್ನು ಸಾಮಾನ್ಯ ವಾಗಿ ನದಿಗೋ, ನಾಲೆ ಅಥವಾ ಸಮುದ್ರಕ್ಕೂ ಹಾಕುವ ಮೊದಲು ರೋಗಕಾರಕ ಕ್ರಿಮಿಗಳನ್ನು ತೆಗೆಯಲು ಯತ್ನಿಸುತ್ತೇವೆ. ಇದು ಸಮರ್ಪಕವಾಗಿ ಆಗದ ಕಾರಣ, ನದಿಗಳು ಹೆಚ್ಚು ಕಲುಪಿತವಾಗುತ್ತಿರುವುದು ಕಂಡುಬರುತ್ತಿದೆ.
ಬೆ.ಗೋ. ರಮೇಶ್ ಮೈಸೂರು ಜಿಲ್ಲೆಯ ಕೆ.ಆರ್. ನಗರ ತಾಲ್ಲೂಕಿನ ದೊಡ್ಡ ಹನಸಗೆಯಲ್ಲಿ ಆಗಸ್ಟ್ 22 , 1945ರಲ್ಲಿ ಜನಿಸಿದರು. ತಂದೆ ಗೊವಿಂದರಾಜು, ತಾಯಿ ರಾಧಮ್ಮನವರು. ಅವರ ಪ್ರಾರಂಭಿಕ ಶಿಕ್ಷಣ ನಡೆದದ್ದು ಬೆಂಗಳೂರಿನ ಮಲ್ಲೇಶ್ವರಂ ಶಾಲೆಯಲ್ಲಿ. ಇಂಟರ್‌ಮೀಡಿಯೆಟ್ ಓದಿದ್ದು ಸರಕಾರಿ ಕಾಲೇಜಿನಲ್ಲಿ. ಮುಂದೆ ರಮೇಶರು ಹಾಸನದ ಮಲ್ನಾಡ್ ಎಂಜನಿಯರಿಂಗ್ ಕಾಲೇಜಿನಿಂದ ಬಿ.ಇ. ಪದವಿ ಪಡೆದರು. ಹೆಬ್ಬಾಳದ ಕೃಷಿ ವಿಶ್ವವಿದ್ಯಾಲಯದಲ್ಲಿ ಕೆಲಕಾಲ ಉದ್ಯೋಗ ನಿರ್ವಹಿಸಿದ ಬೆ. ಗೋ ರಮೇಶರು ಕರ್ನಾಟಕ ಪವರ್ ಕಾರ್ಪೋರೇಷನ್ನಿನಲ್ಲಿ ಸಹಾಯಕ ಎಂಜನಿಯರಾಗಿ, ಸಹಾಯಕ ಎಕ್ಸುಕ್ಯುಟಿವ್ ಎಂಜನಿಯರಾಗಿ, ಎಕ್ಸಿಕ್ಯುಟಿವ್ ಎಂಜನಿಯರಾಗಿ, ರಾಯಚೂರಿನ ಶಾಕೋತ್ಪನ್ನ ವಿದ್ಯುದಾಗಾರದಲ್ಲಿ ಸೇವೆ ಸಲ್ಲಿಸಿ ...
READ MORE
Concept & Creation 
©2024 Book Brahma Private Limited.
