ವಿನೋಬಾ ಅವರ ಹಿಂದಿ ‘ಭಕ್ತಿ ದರ್ಶನ’ ಕೃತಿಯ ಕನ್ನಡಾನುವಾದ. ಈ ಕೃತಿಯನ್ನು ಬೆಳಗಾವಿ ನಾಗನೂರು ರುದ್ರಾಕ್ಷಿಮಠದ ಶ್ರೀ ಸಿದ್ಧರಾಮಸ್ವಾಮಿಗಳು ಕನ್ನಡೀಕರಿಸಿದ್ದಾರೆ. ಭಕ್ತಿ, ಶ್ರದ್ಧೆ, ಮತ್ತು ವಿಶ್ವಾಸಗಳು ಕಡಿಮೆಯಾಗುತ್ತಿರುವ ಈ ದಿನಗಳಲ್ಲಿ ಭಕ್ತಿಯ ನೈಜ ಚಿತ್ರಣವನ್ನು ನೀಡಿ ಜನರನ್ನು ಭಕ್ತಿಯೆಡೆಗೆ ಆಕರ್ಷಿಸುವುದು ಅತ್ಯಂತ ಅವಶ್ಯಕವಾಗಿದೆ. ವಿನೋಬಾಜಿ ಅವರು ಹಾರ್ದಿಕತೆಯನ್ನು ಭಕ್ತಿಯ ಪ್ರಾಣವೆಂದು ಹೇಳಿದರು. ಅತ್ಯಂತ ಆತ್ಮೀಯತೆಯ ಕಾರಣದಿಂದಾಗಿ ಈಶ್ವರನೊಡನೆ ಅವರ ಅಂತರಂಗದ ಸಂಬಂಧವು ಜೋಡಿಸಲ್ಪಟ್ಟಿತ್ತು. ಅವರ ಲೇಖನ-ಪ್ರವಚನಗಳಲ್ಲಿ ಆ ಸಂಬಂಧವು ಸಂದರ್ಭಾನುಸಾರ ಪ್ರಕಟವಾಗುತ್ತಲೂ ಇರುತ್ತದೆ. ವೈಜ್ಞಾನಿಕ ವಿಶ್ಲೇಷಣೆ ಮತ್ತು ಹೃದಯದ ತಳಮಳ ಈ ಉಭಯ ಅಂಗಗಳಿಂದ ಪರಿಪುಷ್ಟವಾದ ಅವರ ಭಕ್ತಿಮಾರ್ಗದ ಪೂರ್ಣವಿವೇಚನೆಯು ಅವರ ವಾಜ್ಞ್ಮಯದಲ್ಲಿ ಪ್ರತಿಧ್ವನಿತವಾಗುತ್ತದೆ. ಭಕ್ತಿಯ ನಿಜವಾದ ಗ್ರಹಿಸುವ ದೃಷ್ಟಿ ಮತ್ತು ಅದರ ಜೊತೆ-ಜೊತೆಗೆ ಪ್ರತ್ಯಕ್ಷವಾಗಿ ಈಶ್ವರನೊಂದಿಗೆ ಕೂಡಿಕೊಳ್ಳುವ ಕೆಲವು ವ್ಯಾವಹಾರಿಕ ಸೂಚನೆಗಳೂ ಕೂಡಾ ಇಲ್ಲಿ ದೊರೆಯುತ್ತವೆ.
ಪ್ರಸ್ತುತ ಯಡಿಯೂರು ಗದಗ ಡಂಬಳ್ ಮಠದ ಪೀಠಾಧಿಪತಿಯಾಗಿರುವ ಜಗದ್ಗುರು ಶ್ರೀ ಸಿದ್ಧರಾಮ ಸ್ವಾಮೀಜಿ ಬಾಗಲಕೋಟೆ ಜಿಲ್ಲೆಯ ಬೀಳಗಿ ಪಟ್ಟಣದಲ್ಲಿ ಡಿಸೆಂಬರ್ 12, 1958ರಲ್ಲಿ ಜಂಗಮ ಸಮಾಜದ ತಂದೆ ರುದ್ರಯ್ಯ, ತಾಯಿ ಶಾಂತಮ್ಮಳ ಉದರದಲ್ಲಿ ಜನಿಸಿದ ಬಾಲಕ ಗುರುಪಾದಯ್ಯ. ಮುಂದೆ ಬಿಳಗಿಯ ಕಲ್ಮಠದ ಶಾಖಾ ಮಠಕ್ಕೆ ಪೀಠಾಧಿಪತಿಯಾಗಿ ನೇಮಕಗೊಂಡರು. ಅದಾದ ಬಳಿಕ ಬನಾರಸ್ ವಿವಿಯಲ್ಲಿ ಎಂಎ ಹಿಂದಿ, ಸಂಸ್ಕೃತ ಹಾಗೂ ತತ್ವಶಾಸ್ತ್ರ ಉನ್ನತ ವ್ಯಾಸಂಗ ಪಡೆದುಕೊಂಡರು. ಬೆಳಗಾವಿಯ ನಾಗನೂರು ರುದ್ರಾಕ್ಷಿ ಮಠಕ್ಕೆ 1994ರಲ್ಲಿ ಪೀಠಾಧಿಪತಿಯಾಗಿ ನೇಮಕಗೊಂಡರು. ಲಿಂಗೈಕ್ಯ ಶಿವಬಸವ ಮಹಾಸ್ವಾಮಿಗಳ ಉತ್ತರಾಧಿಕಾರಿಯಾಗಿ ಇಡೀ ಮಠದ ಜವಾಬ್ದಾರಿಯನ್ನು ವಹಿಸಿಕೊಂಡು ಹಿಂದಿನ ಮಠಾಧೀಶರ ...
READ MORE
Concept & Creation 
©2024 Book Brahma Private Limited.
