ಲೇಖಕ ಪ್ರೊ. ಅರವಿಂದ ಮಾಲಗತ್ತಿ ಅವರ ಆತ್ಮಕಥೆ -ಗೌರ್ಮೆಂಟ್ ಬ್ರಾಹ್ಮಣ. ಈ ದೇಶದ ದಲಿತರು ಅನುಭವಿಸುವ ಪಾಡನ್ನು ತುಂಬಾ ಮಾರ್ಮಿಕವಾಗಿ ಚಿತ್ರಿಸಿದ್ದು, ದಲಿತರ ನೋವಿಗೆ ಕೊನೆ ಎಂದು? ಚಿಂತನೆಗೆ ಹಚ್ಚುವ ಕೃತಿ ಇದು. ದಲಿತರಾಗಿ ಸ್ವತಃ ನೋವನ್ನು ಅನುಭವಿಸಿದ ಲೇಖಕರು, ದಲಿತ ಹೆಣ್ಣುಮಕ್ಕಳನ್ನು ಮೇಲ್ಜಾತಿ ಬ್ರಾಹ್ಮಣರು ಲೈಂಗಿಕವಾಗಿ ಹೇಗೆ ಶೋಷಿಸುತ್ತಿದ್ದರು, ಲೈಂಗಿಕತೆ ಹೊರತುಪಡಿಸಿದ ಉಳಿದೆಲ್ಲ ವಿದ್ಯಮಾನಗಳಲ್ಲಿ ಅವರನ್ನು ಹೇಗೆಲ್ಲ ಕೀಳಾಗಿ ಕಾಣಲಾಗುತ್ತಿತ್ತು ಎಂಬುದನ್ನು ಕಲ್ಪನೆಗೂ ಮೀರಿದ ಶೋಷಣೆಯ ಭಾಗವಾಗಿ ಚಿತ್ರಿಸಿದ ಈ ಲೇಖಕರ ನಿರೂಪಣಾ ಶೈಲಿಯೂ ಕೃತಿಯ ಹೆಗ್ಗಳಿಕೆಯ ಒಂದು ಭಾಗವಾಗಿದೆ.
ಡಾ.ಅರವಿಂದ ಮಾಲಗತ್ತಿಯವರು 01-08-1956ರಂದು ವಿಜಯಪುರ ಜಿಲ್ಲೆಯ ಮುದ್ದೇಬಿಹಾಳದಲ್ಲಿ ಜನಿಸಿದರು. ತಂದೆ ಯಲ್ಲಪ್ಪ, ತಾಯಿ ಬಸವ್ವ. ಹುಟ್ಟೂರಿನಲ್ಲಿ ಪದವಿವರೆಗೂ ವ್ಯಾಸಂಗ ಮಾಡಿ, ನಂತರ ಕರ್ನಾಟಕ ವಿಶ್ವವಿದ್ಯಾಲಯದಿಂದ ಎಂ.ಎ ಮತ್ತು ಪಿಎಚ್.ಡಿ ಪದವೀಧರರಾದ ಇವರು ಮಂಗಳೂರು ವಿಶ್ವವಿದ್ಯಾನಿಲಯದಲ್ಲಿ ಅಧ್ಯಾಪಕರಾಗಿ ವೃತ್ತಿ ಆರಂಭಿಸಿದರು. ಪ್ರಸ್ತುತ ಮೈಸೂರು ವಿಶ್ವವಿದ್ಯಾಲಯದ ಕುವೆಂಪು ಕನ್ನಡ ಅಧ್ಯಯನ ಸಂಸ್ಥೆಯಲ್ಲಿ ಕನ್ನಡ ಪ್ರಾಧ್ಯಾಪಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಡಾ. ಅರವಿಂದ ಮಾಲಗತ್ತಿ ಕನ್ನಡ ಸಾಹಿತ್ಯದಲ್ಲಿ ಒಂದು ಗಮನಾರ್ಹ ಹೆಸರು. ವಿಮರ್ಶೆ, ಸಂಶೋಧನೆ ಮತ್ತು ಸೃಜನಶೀಲ ಬರವಣಿಗೆಯ ಮೂಲಕ ಹೆಸರು ಮಾಡಿದವರು. ಕಾವ್ಯದ ಮೂಲಕ ಸಾಹಿತ್ಯಲೋಕಕ್ಕೆ ಪರಿಚಿತರಾದ ಇವರು ನಂತರ ಕವನ, ಕಾದಂಬರಿ, ...
READ MORE
ಅರವಿಂದ ಮಾಲಗತ್ತಿಯವರ ’ಗವರ್ನಮೆಂಟ್ ಬ್ರಾಹ್ಮಣ’ ಕುರಿತು ಕೃತಿಯ ಲೇಖಕರಿಂದ ಮನದ ನುಡಿಗಳು.
Concept & Creation 
©2024 Book Brahma Private Limited.
.jpg)
