ಆಂಜನಪ್ಪ ಎ ಎನ್ ಅವರು ವ್ಯಕ್ತಿತ್ವ ವಿಕಸನ ಸಂಬಂಧಿತವಾಗಿ ಬರೆದ ಕೃತಿ ಮೆಂಟಲ್ ಎಬಿಲಿಟಿ ಪ್ಲಸ್. ಯಾಜ್ಞವಲ್ಕ್ಯ ಅವರು ಈ ಕೃತಿಯಲ್ಲಿ ಬರೆದಿರುವಂತೆ, ಮೆಂಟಲ್ ಎಬಿಲಿಟಿ (ಬೌದ್ಧಿಕ ಸಾಮಥ್ರ್ಯ) ವಿಷಯಕ್ಕೆ ಸಂಬಂಧಿಸಿದ ಪ್ರಶ್ನೆಗಳನ್ನು ಅತ್ಯಂತ ಸುಲಭವಾಗಿ, ಪ್ರತಿ ಪ್ರಶ್ನೆಗೂ ಎರಡು/ಮೂರು ಪರ್ಯಾಯ ವಿಧಾನಗಳ ಮೂಲಕ ಸರಳವಾಗಿ ಬಿಡಿಸುವುದನ್ನು ಹಂತಹಂತವಾಗಿ ವಿವರಿಸುವ, ಕನ್ನಡದ ಏಕೈಕ ಕೃತಿ ಎ.ಎನ್. ಆಂಜನಪ್ಪ ಅವರ 'ಮೆಂಟಲ್ ಎಬಿಲಿಟಿ ಪ್ಲಸ್ - Sharpen Your Brain' ಇದೀಗ ನಿಮ್ಮ ಕೈಯಲ್ಲಿದೆ ಮತ್ತು ಇದು ವಿದ್ಯಾರ್ಥಿಗಳಿಗೆ, ಸ್ಪರ್ಧಾತ್ಮಕ ಪರೀಕ್ಷೆಗಳ ಅಭ್ಯರ್ಥಿಗಳಿಗೆ, ಶಿಕ್ಷಕರಿಗೆ, ತರಬೇತುದಾರರಿಗೆ ಅತ್ಯಮೂಲ್ಯ ಕೈಪಿಡಿಯಾಗಿದೆ.ಕಳೆದ ಇಪ್ಪತ್ತು ವರ್ಷಗಳಿಂದ ರಾಜ್ಯದ ವಿವಿಧ ಸ್ಪರ್ಧಾತ್ಮಕ ಪರೀಕ್ಷಾ ಸಿದ್ಧತಾ ಕೇಂದ್ರಗಳಲ್ಲಿ ಮೆಂಟಲ್ ಎಬಿಲಿಟಿ ವಿಷಯವನ್ನು ಬೋಧಿಸುತ್ತಾ, ವಿವಿಧ ಪತ್ರಿಕೆಗಳು ಹಾಗೂ ನಿಯತಕಾಲಿಕೆಗಳಲ್ಲಿನ ತಮ್ಮ ಅಂಕಣ ಬರಹಗಳ ಮೂಲಕ ಇದೇ ವಿಷಯಕ್ಕೆ ಸಂಬಂಧಿಸಿದ ಪ್ರಶ್ನೆಗಳನ್ನು ಸರಳ ವಿಧಾನದ ಮೂಲಕ ಬಿಡಿಸುವುದನ್ನು ಹೇಳಿಕೊಡುತ್ತಿರುವ ಆಂಜನಪ್ಪ ಅವರು ಇದುವರೆಗೆ ಕೇವಲ ಇಂಗ್ಲಿಷ್ನದಲ್ಲಿ ಮಾತ್ರವೇ ಸಿಗುತ್ತಿದ್ದ ಥೋರ್ಪ್, ಅಗರವಾಲ್ ಅವರಂತಹ ದಿಗ್ಗಜರ ಉದ್ಗ್ರಂಥಗಳ ರೀತಿಯಲ್ಲಿ ಕನ್ನಡದಲ್ಲೂ ಮೆಂಟಲ್ ಎಬಿಲಿಟಿ ಗ್ರಂಥ ರಚಿಸಬಹುದು, ವಿವರಣೆ ನೀಡಬಹುದು ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ. ಆಂಜನಪ್ಪ ಅವರ ಮೊದಲ ಕೃತಿ 'ಮೆಂಟಲ್ ಎಬಿಲಿಟಿ' ಕಳೆದ ಹನ್ನೆರಡು ವರ್ಷಗಳಲ್ಲಿ ಹಲವು ಮುದ್ರಣಗಳನ್ನು ಕಂಡಿದೆ. 'ಮೆಂಟಲ್ ಎಬಿಲಿಟಿ ಪ್ಲಸ್ - Sharpen Your Brain'' ಕೃತಿಯಲ್ಲಿನ 25 ಅಧ್ಯಾಯಗಳಲ್ಲಿ ಇತ್ತೀಚೆಗೆ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಕೇಳಲಾಗುತ್ತಿರುವ ವಿವಿಧ ರೀತಿಯ ಪ್ರಶ್ನೆಗಳನ್ನು ಉದಾಹರಣೆಗಳ ಸಹಿತ ವಿವರಿಸಲಾಗಿದೆ. ಆಂಜನಪ್ಪ ಅವರು ಇಲ್ಲಿ ಸರಳೀಕರಣ (Simplification), ಗಣಿತದ ಪ್ರಶ್ನೆಗಳು (Mathematical Questions), ಸರಾಸರಿ (Average), ವಯಸ್ಸುಗಳು (Ages), ಶೇಕಡಾ (Percentage), ಲಾಭ ಮತ್ತು ನಷ್ಟ (Profit & Loss),, ಅನುಪಾತ ಮತ್ತು ಸಮಾನುಪಾತ (Ratio & Proportion), ಪಾಲುಗಾರಿಕೆ (Partnership), ಸರಣೀ ಕ್ರಮ (Chain Rule), ರೈಲುಗಳು (Trains), ಸಮಯ ಮತ್ತು ಕೆಲಸ (Time & Work), ಸರಳ ಬಡ್ಡಿ (Simple Interest), ಚಕ್ರ ಬಡ್ಡಿ (Compound Interest), ಆಸನ ವ್ಯವಸ್ಥೆ ಮತ್ತು ಗೂಢ ಪ್ರಶ್ನೆಗಳು (Seating Arrangement & Puzzle Test), ಕ್ಯಾಲೆಂಡರ್ (Calendar),, ಕೋಡಿಂಗ್ ಮತ್ತು ಡೀ - ಕೋಡಿಂಗ್ (Coding & De-coding), ವೆನ್ನನ ಚಿತ್ರಗಳು (Venn Diagrams), ಪೈ ಚಿತ್ರಗಳು (Pie Charts) - ಇವೇ ಮೊದಲಾದ 25 ಅಧ್ಯಾಯಗಳಿದ್ದು ಪ್ರತಿಯೊಂದು ವಿಷಯಕ್ಕೂ ಮೂವತ್ತರಿಂದ ಅರವತ್ತು ಸಮಸ್ಯೆಗಳನ್ನು ಆಯ್ದುಕೊಂಡು, ಸರಳವಾದ ವಿವರಣೆ ಮತ್ತು ವಿಶ್ಲೇಷಣೆ ನೀಡಿ, ಮನೋಸಾಮಥ್ರ್ಯದ ಸಮಸ್ಯೆಗಳನ್ನು ಯಾರು ಬೇಕಾದರೂ ಬಿಡಿಸಬಹುದು ಎಂಬ ಆತ್ಮವಿಶ್ವಾಸ ತುಂಬುವ ಕೆಲಸ ಮಾಡಿದ್ದಾರೆ. ಕೊನೆಯ ಅಧ್ಯಾಯದಲ್ಲಿನ ಸಮಸ್ಯೆಗಳಿಗೆ (Data Interpretation : Pie Charts - Tabulation - Bar Graphs - Line Graphs) ನೀಡಿರುವ ವಿಶ್ಲೇಷಣೆ ಕನ್ನಡದಲ್ಲಿ ಮೊತ್ತಮೊದಲ ಬಾರಿಗೆ ಕಾಣಿಸಿಕೊಳ್ಳುತ್ತಿರುವುದು ಈ ಕೃತಿಯ ವಿಶೇಷ ಎನ್ನಬಹುದು ಎಂದಿದ್ದಾರೆ.
ಲೇಖಕ ಎ.ಎನ್. ಅಂಜನಪ್ಪ ಅವರು ರಾಜ್ಯದ ವಿವಿಧ ಸ್ಪರ್ಧಾತ್ಮಕ ಪರೀಕ್ಷಾರ್ಥಿಗಳಿಗೆ ಉಪನ್ಯಾಸ, ತರಬೇತಿ ನೀಡುತ್ತಿದ್ದಾರೆ. ಕೃತಿಗಳು: ಮೆಂಟಲ್ ಎಬಿಲಿಟಿ ಪ್ಲಸ್ : sharpen your brain, ...
READ MORE
Concept & Creation 
©2024 Book Brahma Private Limited.
