ಜೀವನದ ಹಲವು ಸಂಗತಿಗಳನ್ನು ಹಿಡಿದಿಟ್ಟಿರುವ 24 ಅಧ್ಯಾಯಗಳ ಕೃತಿ ಲೇಖಕ ಜಯಪ್ರಕಾಶ ಪುತ್ತೂರು ಅವರ ‘ಬದುಕಲು ಬಿಡಿ ಪ್ಲೀಸ್’. ಬದುಕಿಗೆ ಬೇಕಾಗುವ ಹಲವಾರು ಸಂಗತಿಗಳನ್ನು, ವಿಷಯಗಳನ್ನು ಮುಟ್ಟಿಸುವಲ್ಲಿ ಈ ಕೃತಿಯು ಸಫಲವಾಗಿದೆ. ಒಂದೊಂದು ಅಧ್ಯಾಯವು ಕೂಡ ಹೊಸಹೊಸ ವಿಷಯ ಹಾಗೂ ಅದಕ್ಕೆ ತಕ್ಕುದಾದ ಡಿವಿಜಿ ಮತ್ತವರ ಉಕ್ತಿ, ವಚನಗಳನ್ನು ಸೇರಿಸಿ, ಲಘು ಹಾಸ್ಯದಿಂದ ಕರ್ತವ್ಯ, ರಾಷ್ಟ್ರ ಪ್ರೇಮದವರೆಗೂ ಬರೆದು, ಎಲ್ಲಿಯೂ ಬೋರ್ ಆಗದ ರೀತಿಯಲ್ಲಿ ಕುತೂಹಲ ಬರಿಸುವ ವಿಚಾರಗಳನ್ನು ಹೆಣೆದಿದ್ದಾರೆ. ಇದನ್ನು ಒಂದು ಪರ್ಸನಾಲಿಟಿ ಡೆವಲಪ್‌ ಮೆಂಟ್ ಪುಸ್ತಕವೂ ಆಗಿದೆ.
ಜಯಪ್ರಕಾಶ್ ಪುತ್ತೂರು ಅವರು ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರಿನವರು. ಸಿಂಡಿಕೇಟ್ ಬ್ಯಾಂಕಿನಲ್ಲಿ ಉದ್ಯೋಗಿಯಾಗಿದ್ದರು. ನಂತರ ಅದನ್ನು ರಕ್ಷಣಾವಲಯದ ಪ್ರತಿಷ್ಠಿತ ಎ.ಡಿ.ಎ ಮತ್ತು ಡಿ.ಆರ್.ಡಿ.ಓ ಸಂಸ್ಥೆಗಳಲ್ಲಿ ಸಾರ್ವಜನಿಕ ಸಂಪರ್ಕ ವಿಭಾಗದ ಉದ್ಯೋಗಕ್ಕೆ ಸೇರಿದರು. ರಕ್ಷಣಾ ವೈಮಾನಿಕ ಅಭಿವೃದ್ಧಿ ಸಂಶೋಧನೆಗಳಿಗೆ ಮೀಸಲಾದ ಎಡಿಎ ಕೆಲಸದಲ್ಲಿ ಡಾ. ಎ ಪಿ ಜೆ ಅಬ್ದುಲ್ ಕಲಾಂ ಅವರಿಗೆ ನಿಕಟವಾಗಿ ಕೆಲಸ ಮಾಡಿದ್ದು ಅವರ ಹೆಗ್ಗಳಕೆ. ‘ಕಲಾಂ ಜೀವನ ಧರ್ಮ’, ‘ಅಗ್ನಿಯ ರೆಕ್ಕೆಗಳು’ ಕೃತಿಯನ್ನು ಕನ್ನಡಕ್ಕೆ ಅನುವಾದಿಸಿದ್ದಾರೆ. ...
READ MORE
Concept & Creation 
©2025 Book Brahma Private Limited.
