“ಸ್ಕೂಲ್ ಫೋಬಿಯಾ”, ಶಾಲೆ…ನಾ ಒಲ್ಲೆ ಎಂಬ ಈ ಪುಸ್ತಕವನ್ನು ಡಾ. ಪಿ. ವಿ. ಭಂಡಾರಿ ಅವರು ಬರೆದಿದ್ದು. ಮಗು ಎಂಬುದು ಒಂದು ಸಮಾಜದ ಅತ್ಯಂತ ಸಣ್ಣ ಘಟಕ. ಈ ಮಗುವಿಗೆ ಶಾಲೆ ಎಂಬುದು ಬಹುಶಃ ತನ್ನ ಬಾಲ್ಯದ ಮೂರರಲ್ಲಿ ಒಂದು ಭಾಗದಷ್ಟು ಸಮಯವನ್ನು ಕಳೆಯುವ ಸ್ಥಳ. ಈ ಶಾಲೆಗೆ ಹೋಗುವಾಗ ಮೊದಮೊದಲು ಭಯವಾಗುವುದು ಸಹಜ. ತನ್ನ ಇಷ್ಟದಂತೆ ತಾಯಿಯ ಮಡಿಲಲ್ಲಿ ಬೆಳೆದ ಕಂದಮ್ಮ, ಅಜ್ಜನ ಪ್ರೀತಿ, ಅಪ್ಪನ ಭೀತಿ, ಅಜ್ಜಿಯ ಹುಸಿಕೋಪ, ಎಲ್ಲವನ್ನು ತನ್ನ ತುಂಟ ನಗುವಿನಿಂದ ಗೆಲ್ಲುತ್ತದೆ. ಶಾಲೆಗೆ ಬಂದೊಡನೆ ಹಲವು ಸ್ಪರ್ಧೆಗಳ ನಡುವೆ, ಟೀಚರ್ ಎಂಬ ಪ್ರಥಮ ಸರ್ವಾಧಿಕಾರಿಯೊಂದಿಗೆ ಹೊಂದಾಣಿಕೆ ಮಾಡಿಕೊಳ್ಳಲು ಪ್ರಯತ್ನಿಸುವುದು, ತಾಯಿ ತಂದೆಯಿಂದ ಬೇರ್ಪಡೆಗೊಂಡ ಆತಂಕ, ಹೊಸ ವಾತಾವರಣದಲ್ಲಿ ಹೊಸ ಸ್ನೇಹಿತರ ತೀಟೆಗಳು. ಶಿಕ್ಷಕರ ಶಿಕ್ಷೆಗಳು, ತಾಯಿ ತಂದೆಯರ ಅಪೇಕ್ಷೆಗೆ ತಕ್ಕ ಹಾಗೆ ಬರದ ಅಂಕಗಳು, ತನ್ನಲ್ಲೇ ಇರುವ 'SLD'ಯಂತಹ ನ್ಯೂನತೆಗಳು, ಅನಿಯಂತ್ರಿತ ಮೂತ್ರ ವಿಸರ್ಜನೆಯಂತಹ ಬೆಳವಣಿಗೆಯ ದೋಷಗಳು, 'OCD' (ಗೀಳು)ಯಂತಹ ಭಾವನಾತ್ಮಕ ಸಮಸ್ಯೆಗಳು ಹೀಗೆ ಹತ್ತು ಹಲವಾರು ಸಮಸ್ಯೆಗಳಿಂದ ಬಳಲಿ ಹಲವೊಮ್ಮೆ ಶಾಲೆಗೆ ಹೋಗಲು ಹೆದರುತ್ತವೆ. ಇಂತಹ ಮಕ್ಕಳಿಗೆ ಶಾಲೆ ಎಂಬುದು ಒಂದು ಜೇಡರ ಬಲೆಯೇ ಆಗುತ್ತದೆ. ಇಲ್ಲಿ ತಂದೆ ತಾಯಿಯರ ಮಹತ್ವಾಕಾಂಕ್ಷೆಗಳು, ಶಿಕ್ಷಕರ ಶಿಕ್ಷೆ, ಸಹಪಾಠಿಯ ತೀಟೆ, ಹೋಲಿಕೆ, ಸ್ಪರ್ಧೆ ಹೀಗೆ ಹಲವು ಜೇಡಗಳು ಈ ಸ್ಕೂಲ್ ಫೋಬಿಯ ಉಂಟುಮಾಡುತ್ತವೆ. ಈ ಪುಸ್ತಕದಲ್ಲಿ ಮೇಲಿನ ಸಮಸ್ಯೆಗಳು ಹಾಗೂ ಆ ಸಮಸ್ಯೆ ಗಳ ಪರಿಹಾರದ ಬಗ್ಗೆ ಉತ್ತರ ಹುಡುಕುವ ಪ್ರಯತ್ನ ಮಾಡಲಾಗಿದೆ.
ಡಾ. ಪಿ.ವಿ. ಭಂಡಾರಿ ವೈದ್ಯರು. ಜೆ.ಜೆ.ಎಂ.ವೈದ್ಯಕೀಯ ಮಹಾವಿದ್ಯಾನಿಲಯದಲ್ಲಿ ಎಂ.ಬಿ.ಬಿ.ಎಸ್, ಮಣಿಪಾಲ ವಿಶ್ವವಿದ್ಯಾನಿಲಯದಲ್ಲಿ ಮನೋವೈಜ್ಞಾನಿಕ ಚಿಕಿತ್ಸೆಯಲ್ಲಿ ಡಿಪ್ಲೊಮಾ, ಮಂಗಳೂರಿನ ಫಾ. ಮುಲ್ಲರ್ಸ್ ವೈದ್ಯಕೀಯ ಮಹಾ ವಿದ್ಯಾನಿಲಯದಿಂದ ಡಿ.ಎನ್.ಬಿ (ಮನೋವೈಜ್ಞಾನಿಕ ಚಿಕಿತ್ಸೆ) ಪದವಿ ಪಡೆದರು. ತಾಲ್ಲೂಕು ಕನ್ನಡ ಸಾಹಿತ್ಯ ಪ್ರಶಸ್ತಿ. ಜಿಲ್ಲಾ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ, ಡಾ. ಎಸ್.ಎಸ್. ಜಯರಾಂ ಪ್ರಶಸ್ತಿ, ಸ್ಪಂದನ ಪ್ರಶಸ್ತಿ, ಶ್ರೇಷ್ಠ ಮನೋವೈದ್ಯ-2012 ಪ್ರಶಸ್ತಿ, ಕರ್ನಾಟಕ ರಾಜ್ಯ ಸರ್ಕಾರದಿಂದ ನೀಡುವ 2012ರ ಸಂಯಮ ಪ್ರಶಸ್ತಿಗಳು ಸಂದಿವೆ. ಕಳೆದ 15 ವರ್ಷಗಳಿಂದ ಡಾ.ಎ.ವಿ. ಬಾಳಿಗಾ ಸ್ಮಾರಕ ಆಸ್ಪತ್ರೆಯಲ್ಲಿ ತಜ್ಞ ಮನೋವೈದ್ಯ ಮತ್ತು ನಿರ್ದೇಶಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಉಪನ್ಯಾಸಗಳ ಮೂಲಕವೂ ಸ್ವಸ್ಥ ಜೀವನಕ್ಕಾಗಿ ...
READ MORE
Concept & Creation 
©2025 Book Brahma Private Limited.
