‘ಹಲವು ಜೀವನ ಹಲವು ಮಾರ್ಗದರ್ಶಕರು’ ಅಮೇರಿಕಾದ ಪ್ರಖ್ಯಾತ ಮನೋವೈದ್ಯ ಡಾ.ಬ್ರೀಯಾನ್ ವೈಸ್ ಅವರ ಕೃತಿಯನ್ನು ಎನ್. ಶ್ರೀಧರ ಅವರು ಕನ್ನಡಕ್ಕೆ ಅನುವಾದಿಸಿದ್ದಾರೆ. ಬ್ರಿಯಾನ್ ವೈಸ್ ಅವರು ತಮ್ಮ ಯುವ ಮನೋರೋಗಿ ಮತ್ತು ಅವರ ಹಿಂದಿನ ಜನ್ಮಗಳ ಬಗ್ಗೆ ಬರೆದ ಸತ್ಯ ಕತೆ ಇದು. ಸಮ್ಮೋಹನ ವಿದ್ಯೆಯ ನೆರವಿನಿಂದ ಹಿಂದಿನ ಜನ್ಮಗಳ ವಿವರಗಳಿಂದ ಅವಳ ಕಾಯಿಲೆಗಳನ್ನು ಗುಣಪಡಿಸಿದ್ದಲ್ಲದೆ ಜೀವನ ಹಾಗೂ ಸಾವಿನ ಬಗ್ಗೆ ಅನೇಕ ಮಾಹಿತಿಗಳನ್ನು ವೈಜ್ಞಾನಿಕವಾಗಿ ವಿಶ್ಲೇಷಿಸಲು, ಒರೆಗೆ ಹಚ್ಚಲು ಪ್ರಯತ್ನಿಸಿದ್ದಾರೆ. ಮನೋವಿಜ್ಞಾನದಿಂದ ಅತೀಂದ್ರಿಯ ವಿಜ್ಞಾನಕ್ಕೆ ಸೇತುವೆ ಕಟ್ಟಲು ಹವಣಿಸಿದ್ದಾರೆ. ರೋಗಿಯ ಮಾರ್ಗದರ್ಶಕರ ಮೂಲಕ ಹೊರಹೊಮ್ಮಿದ ಅನೇಕ ಸಂದೇಶಗಳು ಸಾರ್ವಕಾಲಿಕ ಸತ್ಯವನ್ನು ಬಿಂಬಿಸುತ್ತವೆ ಮತ್ತು ಓದುಗರನ್ನೂ ಯೋಚನೆಗೀಡು ಮಾಡುತ್ತವೆ.
ಎನ್. ಶ್ರೀಧರ ಇವರು ಉಡುಪಿ ಜಿಲ್ಲೆಯ, ಕುಂದಾಪುರ ತಾಲೂಕಿನ ಕಂದಾವರ ಗ್ರಾಮದಲ್ಲಿ 14-04-1967 ರಂದು ಜನಿಸಿದರು. ಶಿವಮೊಗ್ಗ ಮತ್ತು ಹುಬ್ಬಳ್ಳಿಯಲ್ಲಿ ವಾಣಿಜ್ಯ, ಔದ್ಯೋಗಿಕ ಸಂಬಂಧ-ಸಿಬ್ಬಂದಿ ನಿರ್ವಹಣೆ ಹಾಗು ಕಾನೂನು ವಿಷಯಗಳಲ್ಲಿ ಶಿಕ್ಷಣ ಪಡೆದಿದ್ದಾರೆ. ವಿ.ವಿ.ಗಿರಿ ನ್ಯಾಷನಲ್ ಲೇಬರ್ ಇನ್ಸ್ಟಿಟ್ಯೂಟ್, ನೊಯ್ದಾ (ಉ.ಪ್ರ.) ಹಾಗು ಚಂಡೀಘರ್ ಜುಡಿಷಿಯಲ್ ಅಕಾಡೆಮಿಯಲ್ಲಿ ತರಬೇತಿ ಹೊಂದಿದ್ದಾರೆ. ಭಾರತ ಸರಕಾರದ ಕಾರ್ಮಿಕ ಇಲಾಖೆಯಲ್ಲಿ ಅಧಿಕಾರಿಯಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಮಹಾರಾಷ್ಟ್ರದ ಪುಣೆಯಲ್ಲಿ ಸದ್ಯ ವಾಸವಾಗಿದ್ದಾರೆ. ಮುಂಬೈ ಕನ್ನಡ ಸಂಘದವರು ನಡೆಸಿದ ರಾಷ್ಟ್ರೀಯ ಕವನ ಸ್ಪರ್ಧೆಯಲ್ಲಿ ಇವರ ‘ಹ್ಯಾಲೆ ಬಂದಾಗ’ ಕವನವು ಮೆಚ್ಚುಗೆಗಳಿಸಿತ್ತು. ಡಾ. ಎಚ್.ಎಸ್ .ವೆಂಕಟೇಶಮೂರ್ತಿಯವರ ...
READ MORE
‘ಹಲವು ಜೀವನ ಹಲವು ಮಾರ್ಗದರ್ಶಕರು’ಕೃತಿಯ ಕುರಿತಾಗಿ ಅನುವಾದಕರಾದ ಎನ್. ಶ್ರೀಧರ ಅವರ ಮಾತು.
Concept & Creation 
©2024 Book Brahma Private Limited.
