ಈ ಗ್ರಂಥದಲ್ಲಿ ಹಳಗನ್ನಡ ಮತ್ತು ಮರಾಠಿ ಭಾಷೆಗಳ ನಡುವೆ ಇರುವ ಹಲವಾರು ರೂಪ ಸಾಮ್ಯಗಳನ್ನು ವಿವರಿಸಲಾಗಿದೆ. ವ್ಯಾಕರಣಾಂಶಗಳಲ್ಲಿ ಹಾಗೂ ಭಾಷಾಮಿಶ್ರಣದ ಸಂದರ್ಭಗಳಲ್ಲಿ ಕನ್ನಡದ ಪ್ರಭಾವ ಮರಾಠಿಯಲ್ಲಿ ಅಡಕಗೊಂಡಿರುವುದನ್ನು ವಿಮರ್ಶಿಸಲಾಗಿದೆ. ಕನ್ನಡ-ಮರಾಠಿ ಸಂಬಂಧವನ್ನು ಕೇವಲ ಭಾಷಾ ಸ್ವೀಕರಣದ ನೆಲೆಯಿಂದಷ್ಟೆ ಗಮನಿಸದೆ ದ್ವಿಭಾಷಿಕತೆಯ ಪರಿಣಾಮವಾಗಿ ಏರ್ಪಡುವ ಭಾಷಾಮಿಶ್ರಣವನ್ನು ಕೂಡ ಗಮನಿಸಲಾಗಿದೆ. ವ್ಯಾಕರಣ ಸಂಬಂಧದ ಎಳೆಗಳನ್ನು ಕೂಡ ಗುರುತಿಸಿರುವುದು ವಿಶೇಷ. ಈ ಕೃತಿಯು ಒಳಗೊಂಡಿರುವ ಅಧ್ಯಾಯಗಳೆಂದರೆ; ಅಪಭ್ರಂಶ, ಮರಾಠಿ ಹಾಗೂ ಕನ್ನಡ , ಮರಾಠಿಯಲ್ಲಿಯ ಆಖ್ಯಾತಗಳು ,ಮರಾಠಿಯಲ್ಲಿ ವಿಭಕ್ತಿ ಪ್ರತ್ಯಯಗಳು,ಜ್ಞಾನೇಶ್ಚರೀಕಾಲೀನ ಮರಾಠಿಯಲ್ಲಿಯ ಕೆಲವು ಹಳಗನ್ನಡ ಶಬ್ದ ಪ್ರಯೋಗಗಳು.
ರಂ. ಶಾ. ಎಂದು ಕನ್ನಡ ಸಾಹಿತ್ಯ ಲೋಕಕ್ಕೆ ಪರಿಚಿತ ಇರುವ ರಂ.ಶಾ. ಲೋಕಾಪುರ ಅವರ ಪೂರ್ಣ ಹೆಸರು ರಂಗನಾಥ ಶಾಮಾಚಾರ್ಯ ಲೋಕಾಪುರ. ಜಮಖಂಡಿ ತಾಲೂಕಿನ ಹುನ್ನೂರಿನಲ್ಲಿ ಜನಿಸಿದ (1935) ರಂಗನಾಥ ಅವರ ತಂದೆ ಬೆಳಗಾವಿ ಜಿಲ್ಲೆಯಲ್ಲಿ ಪ್ರಾಥಮಿಕ ಶಾಲಾ ಶಿಕ್ಷಕರಾಗಿದ್ದರು. ಹೈಸ್ಕೂಲಿನಲ್ಲಿ ವಿದ್ಯಾರ್ಥಿಯಾಗಿದ್ದಾಗಲೇ ರಂ. ಶಾ. ಅವರಿಗೆ ಕನ್ನಡ-ಸಂಸ್ಕೃತ ಭಾಷೆ -ಸಾಹಿತ್ಯದಲ್ಲಿ ಆಸಕ್ತಿ ಬೆಳೆಯಿತು. ಆಗಲೇ ಸಮಕಾಲೀನ ಕನ್ನಡ ಸಾಹಿತ್ಯದ ಅಭ್ಯಾಸದ ಜೊತೆಯಲ್ಲಿ ಪ್ರ. ಗೋ. ಕುಲಕರ್ಣಿ ಅವರಿಂದ ಹಳಗನ್ನಡದ ಪಾಠ ಹೇಳಿಸಿಕೊಂಡರು. ಹೈಸ್ಕೂಲಿನಲ್ಲಿ ಓದುತ್ತಿರುವಾಗಲೇ ಹಿಂದಿ ಭಾಷೆ ಕಲಿತ ಅವರು ಪ್ರೇಮಚಂದರ ಎಂಟು ಹಿಂದಿ ಕಥೆಗಳನ್ನು ...
READ MORE
Concept & Creation 
©2024 Book Brahma Private Limited.
