ನೇಹಾ ರಾಣಿಯ ವಾಸ್ತವಿಕ ನೆಲಗಟ್ಟಿನಲ್ಲಿ ಕಟ್ಟಿಕೊಂಡ ಕಾಲ್ಪನಿಕ ಕಥೆಗಳು. ಈ ಎಲ್ಲ ಕಥೆಗಳಲ್ಲೂ ನೇಹಾರಾಣಿಯೇ ಕಥಾನಾಯಕಿ. ನೇಹಾರಾಣಿ ಎಲ್ಲರಂತೆ ಮುಗ್ಧ ಸ್ವಭಾವದ ಬಾಲಕಿ. ಅವಳಲ್ಲೂ ಕನಸುಗಳಿವೆ. ಅಶೆಗಳಿವೆ. ಜೀವನದ ಬಗೆಗಿನ ತುಡಿತವಿದೆ. ಪ್ರಾಣಿ ಪಕ್ಷಿಗಳ ಪ್ರೀತಿಯಿದೆ. ಸಮಾಜದ ಆಗು ಹೋಗುಗಳ ಕಡೆಗೆ ವಿಶೇಷ ಗಮನವಿದೆ. ತನ್ನ ಶಾಲೆಯ ಜೊತೆಜೊತೆಗೆ ಸಮಾಜದ ಆಗುಹೋಗುಗಳನ್ನು, ಅಕ್ಕಪಕ್ಕದವರನ್ನು, ಸ್ನೇಹಿತರನ್ನು ಒಬ್ಬ ಪ್ರೇಕ್ಷಕಿಯಾಗಿ ಗಮನಿಸುತ್ತಾಳೆ. ಆ ಸಮಸ್ಯೆಗಳ ಕುರಿತಾಗಿ ಅವ್ವನಿಗೆ, ಅಪ್ಪನಿಗೆ, ಶಿಕ್ಷಕರಿಗೆ, ಸ್ನೇಹಿತರಿಗೆ ಪ್ರಶ್ನೆ ಮಾಡುತ್ತಾಳೆ. ಆ ಪ್ರಶ್ನೆ ಮಾಡುವ ಸಹಜ ಸ್ವಭಾವವೇ ಈ ಕತೆಗಳ ಹುಟ್ಟಿಗೆ ಕಾರಣವಾಗಿದೆ ಎನ್ನಬಹುದು. ಈ ಕಥಾಸಂಕಲನದಲ್ಲಿ ಕೆಲವು ಚಿಲಿಪಿಲಿ ಪ್ರಕಾಶನದ ‘ಗುಬ್ಬಚ್ಚಿ ಗೂಡು’ ಮಕ್ಕಳ ಮಾಸಪತ್ರಿಕೆಯಲ್ಲಿ, ಇನ್ನು ಕೆಲವು ಅಜೀಂ ಪ್ರೇಮಜಿ ಫೌಂಡೇಶನ್ನಿನ ‘ಶಾಲ್ನುಡಿ’, ‘ಮಕ್ಕಳ ಮಂದಾರ’, ‘ಮಹಾಗುರು’ ಮುಂತಾದ ಇ ಪತ್ರಿಕೆಗಳಲ್ಲಿ ಪ್ರಕಟವಾಗಿ ಓದುಗರ ವಿಮರ್ಶೆಗೆ ಪಾತ್ರವಾಗಿವೆ. ಮಕ್ಕಳ ಮಹರ್ಷಿ ಶಂಕರ ಹಲಗತ್ತಿ ಮಕ್ಕಳೇ ಮಕ್ಕಳಿಗಾಗಿ ಬರೆದ ಕಥೆಗಳನ್ನು ಪ್ರಕಟಿಸಿ ನಾಡಿನ ಮಕ್ಕಳಿಗೆ ಪ್ರೇರಣೆ ನೀಡಿದ್ದಾರೆ. ಅವರಲ್ಲಿ ನೇಹಾ ಕೂಡ ಒಬ್ಬಳು. ಈಗ ನೇಹಾಳ ಎರಡನೇ ಕೃತಿ ‘ನೇಹಾ ರಾಣಿ’ ಗೆ ಮುನ್ನುಡಿ ಬರೆದು ಬೆನ್ನು ತಟ್ಟಿದ್ದಾರೆ.
ಬಾಲ ಪ್ರತಿಭೆ ನೇಹಾ ರಾಮಾಪೂರ ಮೂಲತಃ ಹುಬ್ಬಳ್ಳಿಯವರು. ತಂದೆ - ಲಿಂಗರಾಜ ರಾಮಾಪೂರ. ಬಾಲ್ಯದಿಂದಲೇ ಕಥೆ ಕೇಳುತ್ತಾ ಸಾಹಿತ್ಯದಲ್ಲಿ ಆಸಕ್ತಿ ಬೆಳೆಸಿಕೊಂಡ ನೇಹಾ ನಾಲ್ಕನೇ ತರಗತಿಯಲ್ಲಿರುವಾಗಲೇ ಪುಸ್ತಕ ಬರೆದಿದ್ದಾರೆ. ಬಾಲ್ಯದಿಂದ ಅಜ್ಜಿಯಿಂದ ಕತೆ ಕೇಳುತ್ತಿದ್ದ ನೇಹಾ ಅಪ್ಪ ಅಮ್ಮನ ಮಾರ್ಗದರ್ಶನದಲ್ಲಿ ಸ್ವತಃ ಕತೆ ರಚಿಸಿದ್ದಾರೆ. ಈಕೆಯ ಕತೆಗಳು ಚಿಲಿಪಿಲಿ ಪ್ರಕಾಶನದ ಗುಬ್ಬಚ್ಚಿ ಗೂಡು ಮಕ್ಕಳ ದಿನಪತ್ರಿಕೆಯಲ್ಲಿ ಇನ್ನೂ ಕೆಲವು ಕತೆಗಳು ಅಜೀಂ ಪ್ರೇಮ್ ಜಿ ಫೌಂಡೇಶನ್ ನ ಶಾಲ್ನುಡಿ ಇ ಪತ್ರಿಕೆಯಲ್ಲಿ ಪ್ರಕಟವಾಗಿವೆ. ‘ಮ್ಯಾಜಿಕ್ ಪೆನ್ಸಿಲ್’ ಎಂಬ ಕತಾ ಸಂಕಲವನ್ನು ಪ್ರಕಟಿಸಿದ್ದಾರೆ. ...
READ MORE
Concept & Creation 
©2024 Book Brahma Private Limited.
