ಜಗ್ಗುನಕ ಎಂಬುದು ಲೇಖಕ ಸ. ರಘುನಾಥ ಅವರ ಸಮಗ್ರ ಮಕ್ಕಳ ಕಥೆ-ಕವನಗಳ ಸಂಕಲನ. ಸ. ರಘುನಾಥ ಸಮಗ್ರ ಸಾಹಿತ್ಯ ಸಂಪುಟ-3ರ ಭಾಗವಾಗಿ ಈ ಕೃತಿ ಪ್ರಕಟಗೊಂಡಿದೆ. ಭಾಗ-1 ರಲ್ಲಿ ಮಕ್ಕಳ 15 ಕಥೆಗಳು, ಭಾಗ-2 ರಲ್ಲಿ ಪದ್ಯಗಳು, ಭಾಗ-3ರಲ್ಲಿ ಪುಟ್ಟಪುಟ್ಟ ಪದ್ಯಗಳು, ಭಾಗ-4ರಲ್ಲಿ ಪಾಠದ ಪದ್ಯಗಳು ಹಾಗೂ ಭಾಗ-5 ರಲ್ಲಿ ಮಕ್ಕಳ ತೆಲುಗು ಜಾಪದ ಪದ್ಯಗಳು -ಹೀಗೆ ಕವಿತೆ-ಕಥೆಗಳನ್ನು ಸಂಕಲಿಸಲಾಗಿದೆ.
ಸಾಹಿತಿ ಚ.ಹ. ರಘುನಾಥ ಅವರು ಕೃತಿಗೆ ಮುನ್ನುಡಿ ಬರೆದು ‘ರಘುನಾಥರ ಕಥೆಗಳು ಗ್ರಾಮೀಣ ಬದುಕಿನ ಸಹಜ ಚೆಲುವು, ಸಹಜ ಮಾನವೀಯ ಸಂಬಂಧಗಳಲ್ಲಿನ ಆರ್ದ್ರತೆಯನ್ನು ಕಾಣಿಸಲು ಹಂಬಲಿಸುವ ವಿಶಿಷ್ಟ ಪ್ರಯತ್ನಗಳು. ಬಹುತೇಕ ಕಥೆಗಳಲ್ಲಿ ತಿನಿಸುಗಳು, ಊಟದ ಪ್ರಸಂಗಗಳು ಸುಳಿದು ಹೋಗುತ್ತವೆ. ಈ ಪ್ರಸಂಗಗಳು ಗ್ರಾಮೀಣ ಬದುಕಿನಲ್ಲಿ ಹಾಸುಹೊಕ್ಕಾದ ಸಂಬಂಧ-ಕಾಳಜಿಯನ್ನು ಸೂಚಿಸುವಂತಿವೆ. ಮನುಷ್ಯ ಸಂಬಂಧಗಳ ಅನನ್ಯತೆಯನ್ನು ಕಟ್ಟಿಕೊಡುತ್ತವೆ. ಇಲ್ಲಿಯ ಕವಿತೆಗಳ ಆಶಯವೂ ಮಾನವೀಯ ಪ್ರಪಂಚದ ಅಂಚುಗಳನ್ನು ವಿಸ್ತರಿಸುವುದೇ ಆಗಿದೆ. ಮಕ್ಕಳ ಮನಸ್ಸು ಮುದಗೊಳಿಸುವ ಪದ್ಯಗಳಿವೆ.ಇವು ಮಗುತನವನ್ನು ಉದ್ದೀಪಿಸಬಲ್ಲವು’ ಎಂದು ಶ್ಲಾಘಿಸಿದ್ದಾರೆ.
ಪ್ರಾಥಮಿಕ ಶಾಲಾ ಶಿಕ್ಷಕರಾಗಿರುವ ಸ.ರಘುನಾಥ,ಕಥೆ, ಕಾವ್ಯ, ವಿಮರ್ಶೆ, ಅಂಕಣಬರಹ, ಅನುವಾದ, ಜಾನಪದ ಸಾಹಿತ್ಯ ಸಂಗ್ರಹ,ಮುಂತಾದ ಸಾಹಿತ್ಯ ಕ್ಷೇತ್ರದಲ್ಲಿ ಕೃಷಿ ಮಾಡಿದವರು. ಸುಮಾರು 40ಕ್ಕೂ ಹೆಚ್ಚಿನ ಕೃತಿಗಳನ್ನು ಕನ್ನಡ ಸಾಹಿತ್ಯ ಲೋಕಕ್ಕೆ ಕೊಡುಗೆ ನೀಡಿದ ಸ. ರಘುನಾಥ ಅವರು ಸಮಾಜಸೇವೆಯಲ್ಲಿಯೂ ಹೆಚ್ಚಾಗಿ ತೊಡಗಿಸಿಕೊಂಡವರು. 1995 ರಿಂದ ’ನಮ್ಮ ಮಕ್ಕಳು’ ಎಂಬ ಸಂಸ್ಥೆಯ ಮೂಲಕ ಸಾಮಾಜಿಕ ಕಾರ್ಯ: ಭಿಕ್ಷುಕ, ಅನಾಥ, ವೃದ್ಧರಿಗೆ, ಅಂಗವಿಕಲರಿಗೆ ಶೈಕ್ಷಣಿಕ ಹಾಗು ಉಚಿತ ವೈದ್ಯಕೀಯ ನೆರವು. 1994 ರಿಂದ 2014 ರವರೆಗೆ ಗಾಯಗೊಂಡ ಪ್ರಾಣಿ - ಪಕ್ಷಿಗಳ ಆರೈಕೆ. 2005ರಿಂದ ನಾಟಿ ಔಷಧ ತಯಾರಿಕೆ, ಉಚಿತ ...
READ MORE
Concept & Creation 
©2024 Book Brahma Private Limited.
