ದೊರೇಶ್ ಅವರು ತಮ್ಮ ಚೊಚ್ಚಲ ಕಥಾ ಸಂಕಲನದ ಒಂಬತ್ತು ಕಥೆಗಳ ಮೂಲಕ ‘ಕಥೆಗಾರ ದೊರೇಶ’ ಎಂಬುದನ್ನು ಸಾಬೀತು ಪಡಿಸಿದ್ದಾರೆ. ಬದುಕನ್ನು ಕುರಿತು, ಸಮಾಜದ ಚಲನೆಯು ಆಯತಪ್ಪುತ್ತಿರುವುದರ ಕುರಿತು ಸದಾ ತುಡಿಯುವ, ಒಳ್ಳೆಯದನ್ನೇ ಆಶಿಸುವ ಅವರ ಮಾನಸಿಕ ಅಭಿವ್ಯಕ್ತಿ ಇಲ್ಲಿ ಧ್ವನಿಪಡೆದಿದೆ. ಒಂದು ಯುವ ತಲೆಮಾರಿನಲ್ಲಿ ಇರಬೇಕಾದ ತುಡಿತಗಳು ಇವುಗಳೇ ಆಗಿವೆ. ದೊರೇಶ್‌ರವರು ಸಂಬಳ ಎಣಿಸುವ ಕೈ, ಜೊತೆಗೆ ತನ್ನ ಬೇರುಗಳಿರುವ ಗ್ರಾಮ, ಅಲ್ಲಿನ ಕೃಷಿ, ಮಹಿಳೆ, ಭೂಮಿಯ ಸಂಕಟಗಳನ್ನೂ ಆಲಿಸುವ ಕಿವಿಗಳೂ, ಯೋಚಿಸುವ ಮನಸ್ಸನ್ನು ಹೊಂದಿರುವುದರಿAದಲೇ ಇಂಥ ಕತೆಗಳು ಹುಟ್ಟಲು ಸಾಧ್ಯ. ಭೀಮಿ, ರುಕ್ಮಿಣಿ, ಕೆಂಪಮ್ಮನಂತಹ ಮಾದರಿ ಮಹಿಳೆಯರನ್ನು ಸೃಜಿಸಲು ಸಾಧ್ಯ. ಕೋಣ ಕೊಡುವ ವೃತ್ತಿಯನ್ನು ಭೀಮಿಯಂತಹ ಮನೆಯ ಹಿರಿಯ ಮಗಳು ನಿರ್ವಹಿಸುವ ಮತ್ತು ತನ್ನ ಅವಲಂಬಿತ ಅನಾಥ ತಂಗಿಯರ ಬದುಕನ್ನು, ಜೊತೆಗೆ ತನ್ನ ಬದುಕನ್ನು ನೇರೂಪ ಮಾಡಿಕೊಳ್ಳುವುದೇ ಮಹತ್ವದ ಸಂದೇಶ.
ಡಾ. ದೊರೇಶ ಬಿಳೆಕೆರೆ ಅವರು ಚೆನ್ನರಾಯಪಟ್ಟಣದ ಶ್ರೀ ಆದಿಚುಂಚನಗಿರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಬಿ.ಎ. ಪದವಿ, ಮೈಸೂರಿನ ಮಾನಸಗಂಗೋತ್ರಿಯ ಕುವೆಂಪು ಕನ್ನಡ ಅಧ್ಯಯನ ಸಂಸ್ಥೆಯಲ್ಲಿ ಎಂ.ಎ, ಹಂಪಿಯ ಕನ್ನಡ ವಿಶ್ವವಿದ್ಯಾಲಯದಿಂದ ಎಂ.ಫಿಲ್ ಮತ್ತು ತುಮಕೂರು ವಿ.ವಿ.ಯಿಂದ ಪಿಎಚ್.ಡಿ ಪದವೀಧರರು. ಸದ್ಯ, ಚಿಕ್ಕಮಗಳೂರು ಜಿಲ್ಲೆಯ ಕಡೂರಿನ ಸರ್ಕಾರಿ ಪದವಿ ಕಾಲೇಜಿನಲ್ಲಿ ಸಹಾಯಕ ಪ್ರಾಧ್ಯಾಪಕರು. ಕೃತಿಗಳು: ಬಹುರೂಪ, ನಿರ್ವಚನ ...
READ MORE
Concept & Creation 
©2024 Book Brahma Private Limited.
