ಬಾರೆಲೆ ಹಕ್ಕಿ ಬಣ್ಣದ ಹಕ್ಕಿ ಬಾರೆಲೆ ಹಕ್ಕಿ ಬಣ್ಣದ ಹಕ್ಕಿ ತಿನ್ನುವಿಯಂತೆ ಕಾಳನು ಹೆಕ್ಕಿ ರೆಕ್ಕೆಯ ಬಿಚ್ಚಿ ಹಾರುತ ಸಾಗಿ ಆಗುವಿಯಂತೆ ಬಾನಿನ ಚುಕ್ಕಿ ಅಂದದ ಕೊಕ್ಕು ಚಂದದ ಜುಟ್ಟು ಪುಟಾಣಿ ಕಣ್ಣು ನೆತ್ತಿಲಿ ಬೊಟ್ಟು ಸೊಟ್ಟಗೆ ನಿಂತಿಹ ಕಡ್ಡಿಯ ಕಾಲು ನಾನೂ ಹತ್ತಿರ ಬರುವೆನು ತಾಳು ನಿನ್ನಯ ಬಣ್ಣ ಎಂತಹ ಚೆನ್ನ ಕಣ್ಣಿಗೆ ಹಬ್ಬವು ಅನುದಿನವು ನುಣ್ಣನೆ ಪುಕ್ಕ ರೆಕ್ಕೆಯ ಪಕ್ಕ ಮೆತ್ತನೆ ಹತ್ತಿಯ ಅನುಭವವು ಕಣ್ಣನು ಮಿಟುಕಿಸಿ ಕೊರಳನು ಕೊಂಕಿಸಿ ಹಾರುವೆನೆನ್ನುವ ಸೂಚನೆ ಕೊಟ್ಟು ಕಡ್ಡಿಯ ಕಾಲನು ಹಿಂದಕೆ ಮಡಚಿ ಚಿಮ್ಮುವೆ ಗಗನಕೆ ಮನಸನ್ನಿಟ್ಟು ಪುರ್ರನೆ ಹಾರಿ ಸರ್ರನೆ ಜಾರಿ ಆಗಸದಲ್ಲಿ ಮಾಡುವೆ ದಾರಿ ಹಾರುತ ಏರುತ ಗಗನಕೆ ತೂರಿ ನಿಲ್ಲುವೆ ಎಲ್ಲೋ ಗಮ್ಯವ ಸೇರಿ ಬಾರೆಲೆ ಹಕ್ಕಿ ಬಣ್ಣದ ಹಕ್ಕಿ ಬಾನನು ಸೇರಿದ ಸುಂದರ ಚುಕ್ಕಿ ಕಾದಿರುವೆನು ನಾ ನಿನಗಾಗಿ ಬರುವೆಯಾ ನೀನು ನನಗಾಗಿ? (ಕೃತಿಯ ಭಾಗದಿಂದ)
ಮಕ್ಕಳ ಸಾಹಿತಿ ಎಂದು ಹೆಸರಾಗಿರುವ ಡಾ.ಸಿ.ಎಂ.ಗೋವಿಂದರೆಡ್ಡಿಯವರು ಮಕ್ಕಳ ಸಾಹಿತ್ಯದ ಜೊತೆಗೆ ಇತರೆ ಸಾಹಿತ್ಯದಲ್ಲೂ ಕೃತಿಗಳನ್ನು ರಚಿಸಿದ್ದಾರೆ. ಇವರು ೧೯೫೮ರ ಆಗಸ್ಟ್ ೧೧ರಂದು ಕೋಲಾರ ಜಿಲ್ಲೆ ಮಾಲೂರು ತಾಲ್ಲೂಕಿನ ಚನ್ನಿಗರಾಯಪರ ಗ್ರಾಮದ ಮುನಿಸ್ವಾಮಿರೆಡ್ಡಿ ಮತ್ತು ಸುಬ್ಬಮ್ಮ ದಂಪತಿಗಳ ಮಗನಾಗಿ ಜನಿಸಿದರು. ತಾಳಕುಂಟೆ, ಲಕ್ಕೂರು ಮತ್ತು ಮಾಲೂರಿನಲ್ಲಿ ಕ್ರಮವಾಗಿ ಪ್ರಾಥಮಿಕ, ಮಾಧ್ಯಮಿಕ ಮತ್ತು ಪ್ರೌಢಶಿಕ್ಷಣವನ್ನು ಪಡೆದು, ಮೈಸೂರು ವಿಶ್ವವಿದ್ಯಾಲಯದಿಂದ ಪದವಿ ಮತ್ತು ಸ್ನಾತಕೋತ್ತರ ಪದವಿಗಳನ್ನು ಪಡೆದುಕೊಂಡದ್ದಲ್ಲದೆ ‘ಕೋಲಾರಜಿಲ್ಲೆಯ ಜಾತ್ರೆಗಳು’ ಎಂಬ ವಿಷಯದಲ್ಲಿ ಪಿಎಚ್.ಡಿ. ಮಹಾಪ್ರಬಂಧವನ್ನು ರಚಿಸಿ ಡಾಕ್ಟರೇಟ್ ಪದವಿಯನ್ನೂ ಪಡೆದರು. ಇವರು ಸಾರ್ವಜನಿಕ ಶಿಕ್ಷಣ ಇಲಾಖೆಯಲ್ಲಿ ಪ್ರಾಥಮಿಕ ಶಾಲಾಶಿಕ್ಷಕರಾಗಿ, ಪ್ರೌಢಶಾಲಾ ...
READ MORE
Concept & Creation 
©2024 Book Brahma Private Limited.
