‘ಹಸಿರಿನ ಕಟ್ಟು’ ತಮ್ಮಣ್ಣ ಬೀಗಾರರ ಮಕ್ಕಳ ಕವನ ಸಂಕಲನವಾಗಿದೆ. ಇದಕ್ಕೆ ಭಾಗೀರಥಿ ಹೆಗಡೆ ಅವರ ಬೆನ್ನುಡಿ ಬರಹವಿದೆ; ತಮ್ಮಣ್ಣ ಬೀಗಾರರ ಬರಹದ ಮೂಲ ಪ್ರೇರಣೆ ನಿಸರ್ಗ, ಮಲೆನಾಡ ಪರಿಸರ. ಇದು ಬೀಗಾರರ ಪದ್ಯಗಳಲ್ಲೂ ಬಹು ಮುಖ್ಯ ಪಾತ್ರ ವಹಿಸಿವೆ. ಜೊತೆಗೆ ಸರಳ ಭಾಷೆ, ಸೂಕ್ಷ್ಮ ದೃಷ್ಟಿ, ಮಗು ಮನಸ್ಸಿನ ಅದಮ್ಯ ಕುತೂಹಲಗಳು ಇಲ್ಲಿ ಮಕ್ಕಳಂತೆಯೇ ಜಿಗಿಜಿಗಿದಾಡುತ್ತ ಮಾತಾಡುತ್ತವೆ. ಮಕ್ಕಳ ಅನನ್ಯ ಕಲ್ಪಕತೆ ಬೀಗಾರರ ಪದ್ಯಗಳಲ್ಲಿ ಆತ್ಯಂತಿಕವಾಗಿ ಅಭಿವ್ಯಕ್ತಿಗೊಂಡಿದೆ. ಪ್ರಾಸ ಲಯಗಳೊಂದಿಗೆ ಕೆಲವು ಆಡು ಮಾತಿನ ಪದ್ಯಗಳೂ ಇವೆ. ಜೊತೆಗೆ ಮುಕ್ತ ಛಂದಸ್ಸಿನ ಪದ್ಯಗಳನ್ನೂ ಮಕ್ಕಳಿಗಾಗಿ ಬೀಗಾರರು ಬರೆದಿದ್ದಾರೆ. ಒಟ್ಟಾರೆಯಾಗಿ ಹೇಳುವುದಾದರೆ ತಮ್ಮಣ್ಣ ಬೀಗಾರರ ಪದ್ಯಗಳು ಕನ್ನಡದ ಮಕ್ಕಳಿಗೆ ದೊರೆತ ಅಪೂರ್ವ ಕಾಣಿಕೆ ಎಂದರೆ ಉತ್ಪ್ರೇಕ್ಷೆಯೇನೂ ಆಗುವುದಿಲ್ಲ.
ಕತೆಗಾರ ತಮ್ಮಣ್ಣ ಬೀಗಾರ ಅವರು 1959 ನವೆಂಬರ 22 ರಂದು ಉತ್ತರಕನ್ನಡ ಜಿಲ್ಲೆಯ ಯಲ್ಲಾಪುರ ತಾಲೂಕಿನ ಬೀಗಾರ ಗ್ರಾಮದಲ್ಲಿ ಜನಿಸಿದರು. ಸ್ನಾತಕೋತ್ತರ ಪದವೀಧರರು. ವೃತ್ತಿಯಿಂದ ಶಿಕ್ಷಕರು. ಪ್ರಸ್ತುತ ಉತ್ತರಕನ್ನಡ ಜಿಲ್ಲೆಯ ಸಿದ್ದಾಪುರ ತಾಲೂಕಿನ ಸರಕಾರಿ ಹಿರಿಯ ಪ್ರಾಥಮಿಕ ಬಿದ್ರಕಾನ ಶಾಲೆಯಲ್ಲಿ ಮುಖ್ಯೋಪಾಧ್ಯಯರಾಗಿ ಪ್ರಸ್ತುತ ನಿವೃತ್ತಿ ಹೊಂದಿದ್ದಾರೆ. ಗುಬ್ಬಚ್ಚಿ ಗೂಡು, ಚಿಂವ್ ಚಿಂವ್, ಜೀಕ್ ಜೀಕ್, ಪುಟಾಣಿ ಪುಡಿಕೆ, ಸೊನ್ನೆ ರಾಶಿ ಸೊನ್ನೆ, ತೆರೆಯಿರಿ ಕಣ್ಣು ಖುಷಿಯ ಬೀಜ ಹಾಗೂ ಹಾಡಿನ ಹಕ್ಕಿ - ಮಕ್ಕಳ ಕವನ ಸಂಕಲನ. ಮಿಂಚಿನ ಮರಿ - ಶಿಶುಪ್ರಾಸ ಹೊತ್ತಿಗೆ ಕಪ್ಪೆಯ ಪಯಣ, ಜಿಂಕೆಮರಿ, ಹಸಿರೂರಿನ ಹುಡುಗ, ...
READ MORE
Concept & Creation 
©2025 Book Brahma Private Limited.
