ಮಕ್ಕಳಿಗಾಗಿ ರಚಿಸಿರುವ ಶಿಶುಪ್ರಾಸಗಳು ಈ ಸಂಕಲನದಲ್ಲಿವೆ. ಸಚಿತ್ರವಾಗಿ ಪ್ರಕಟವಾಗಿರುವ ಈ ಸಂಕಲನದಲ್ಲಿ ೧೦೦ಕ್ಕೂ ಹೆಚ್ಚು ಶಿಶುಪ್ರಾಸಗಳಿವೆ. ಮಕ್ಕಳ ಮನಸ್ಸಿಗೆ ಹಿಡಿಸುವಂತೆ ಸರಳವಾದ ಭಾಷೆ, ಲಯ, ಚಿಕ್ಕ ಚಿಕ್ಕ ವಾಕ್ಯಗಳು, ಕಿವಿಗೆ ಇಂಪಾಗಿ ಕೇಳಿಸುವ ಲಾಸ್ಯ ಇಲ್ಲಿನ ಕವಿತೆಗಳ ವಿಶೇಷತೆ. ಪ್ರಸ್ತುತ ‘ಟ್ವಿಂಕಲ್ ಟ್ವಿಂಕಲ್ ಲಿಟಲ್ ಅಂಕಲ್’ ಕಾಲದಲ್ಲಿ ಕನ್ನಡದಲ್ಲಿ ಮುದ್ರಣವಾಗುತ್ತಿರುವ ಯಾವುದೇ ಬರಹವನ್ನಾದರೂ ಅದು ಕತೆ, ಕಾದಂಬರಿ, ನಾಟಕ, ವಿಮರ್ಶೆ ಯಾವುದೇ ಆಗಿದ್ದರೂ ಓದುವವರಲ್ಲಿ ಹೆಚ್ಚಿನವರು ಬಡ ಕನ್ನಡಿಗರ, ಕನ್ನಡ ಮಾಧ್ಯಮದಲ್ಲಿ ಓದುತ್ತಿರುವ ಮಕ್ಕಳು. ಇನ್ನೊಂದು ಹತ್ತು ಹದಿನೈದು ವರ್ಷಗಳ ಆನಂತರದಲ್ಲಿ ಉಳಿಯುವ ಕನ್ನಡದ ಓದುಗರೂ ಇವರೇ. ಆದ್ದರಿಂದ, ನನ್ನಂತಹ ಎಲ್ಲ ಲೇಖಕರ ಕನ್ನಡ ಭಾಷೆಯ ಬರಹಗಳಿಗೆ ಓದುಗರನ್ನು ತಯಾರು ಮಾಡುತ್ತಿರುವ ಶ್ರೀ ಸಿ.ಎಂ.ಗೋವಿಂದರೆಡ್ಡಿಯವರಂತಹ ಮಕ್ಕಳ ಸಾಹಿತಿಗಳಿಗೆ, ಕನ್ನಡದ ಎಲ್ಲ ಬರಹಗಾರರೂ ಕೃತಜ್ಞರಾಗಿರಬೇಕು ಎಂದು ಹಿರಿಯ ಕವಿ, ಕತೆಗಾರರಾದ ಬೊಳುವಾರು ಮಹಮ್ಮದ್ ರವರು ಅಭಿಪ್ರಾಯಪಟ್ಟಿದ್ದಾರೆ.
ಮಕ್ಕಳ ಸಾಹಿತಿ ಎಂದು ಹೆಸರಾಗಿರುವ ಡಾ.ಸಿ.ಎಂ.ಗೋವಿಂದರೆಡ್ಡಿಯವರು ಮಕ್ಕಳ ಸಾಹಿತ್ಯದ ಜೊತೆಗೆ ಇತರೆ ಸಾಹಿತ್ಯದಲ್ಲೂ ಕೃತಿಗಳನ್ನು ರಚಿಸಿದ್ದಾರೆ. ಇವರು ೧೯೫೮ರ ಆಗಸ್ಟ್ ೧೧ರಂದು ಕೋಲಾರ ಜಿಲ್ಲೆ ಮಾಲೂರು ತಾಲ್ಲೂಕಿನ ಚನ್ನಿಗರಾಯಪರ ಗ್ರಾಮದ ಮುನಿಸ್ವಾಮಿರೆಡ್ಡಿ ಮತ್ತು ಸುಬ್ಬಮ್ಮ ದಂಪತಿಗಳ ಮಗನಾಗಿ ಜನಿಸಿದರು. ತಾಳಕುಂಟೆ, ಲಕ್ಕೂರು ಮತ್ತು ಮಾಲೂರಿನಲ್ಲಿ ಕ್ರಮವಾಗಿ ಪ್ರಾಥಮಿಕ, ಮಾಧ್ಯಮಿಕ ಮತ್ತು ಪ್ರೌಢಶಿಕ್ಷಣವನ್ನು ಪಡೆದು, ಮೈಸೂರು ವಿಶ್ವವಿದ್ಯಾಲಯದಿಂದ ಪದವಿ ಮತ್ತು ಸ್ನಾತಕೋತ್ತರ ಪದವಿಗಳನ್ನು ಪಡೆದುಕೊಂಡದ್ದಲ್ಲದೆ ‘ಕೋಲಾರಜಿಲ್ಲೆಯ ಜಾತ್ರೆಗಳು’ ಎಂಬ ವಿಷಯದಲ್ಲಿ ಪಿಎಚ್.ಡಿ. ಮಹಾಪ್ರಬಂಧವನ್ನು ರಚಿಸಿ ಡಾಕ್ಟರೇಟ್ ಪದವಿಯನ್ನೂ ಪಡೆದರು. ಇವರು ಸಾರ್ವಜನಿಕ ಶಿಕ್ಷಣ ಇಲಾಖೆಯಲ್ಲಿ ಪ್ರಾಥಮಿಕ ಶಾಲಾಶಿಕ್ಷಕರಾಗಿ, ಪ್ರೌಢಶಾಲಾ ...
READ MOREಅಮ್ಮ ಅಮ್ಮ ಎನ್ನುವುದೆಂತಹ ಚೆಂದ ಆನಂದವು ಉಕ್ಕುವುದೆದೆಯಿಂದ ಇಬ್ಬರೂ ಕೂಡಿ ಆಟವನಾಡಿ ಈರ್ವರೂ ಕಲೆತು ನಕ್ಕು ನಲಿದು ಉತ್ತಪ್ಪಕ್ಕೆ ನೀ ತುಪ್ಪವ ಬೆರೆಸಿ ಊಟವ ಮಾಡಿಸೆ ಅದು ಬಲು ಸೊಗಸು ಋಷಿ ಮುನಿಗಳ ಕಥೆ ಹೇಳಲು ನೀನು ಅಕ್ಕರೆಯಿಂದ ಕೇಳುವೆ ನಾನು ಎಲ್ಲರ ಜೊತೆಯಲಿ ಒಳ್ಳೆಯ ಗೆಳೆತನ ಏತಕ ಎಂಬುದ ನೀ ತಿಳಿಸಿರುವೆ ಐಷಾರಾಮದ ಜೀವನಕಿಂತ ಒಬ್ಬರಿಗೊಬ್ಬರು ಸಹಕರಿಸುತ್ತ ಓರಗೆಯವರಿಗೂ ಗೌರವ ತೋರಿ ಔದಾರ್ಯದ ಗುಣ ಬೆಳೆಸಿರುವೆ ಅಂತಃಕರಣವ ಬೆಳಗಿಸುವೆ ಅಃ ಆಹಾ! ನನ್ನಮ್ಮ ನಿನಗಿಂತಲೂ ಮಿಗಿಲಾರಮ್ಮ?
Concept & Creation 
©2024 Book Brahma Private Limited.
