ಲೇಖಕ ಯಲ್ಲಪ್ಪ ಎಂ.ಮರ್ಚೇಡ್ ಅವರ ಮಕ್ಕಳಾ ಕವನ ಸಂಕಲನ ’ಬಣ್ಣದ ಗುಬ್ಬಿ’.ಇರುವೆ, ಅನಾಥ ಹಕ್ಕಿಯ ಕೂಗು, ಹಂಚಿ ತಿನ್ನುವ ಕಾಗೆ, ನವಿಲೇ..... ನವಿಲೇ...., ಸೈಕಲ್,ಬಣ್ಣದ ಗುಬ್ಬಿ , ಕಾಡು ಸುತ್ತಿ ಬತ್ತೀನಿ, ಕಾಡು ಕಾಡು ಎಂದರೆ...., ಪಟ್ಟಣ - ಹಳ್ಳಿ, ಸೇರಿದಂತೆ ಒಟ್ಟು 23 ಕವಿತೆಗಳಿವೆ.
ಈ ಕೃತಿಗೆ ಬೆನ್ನುಡಿ ಬರೆದ ಹ.ಸ,ಬ್ಯಾಕೋಡ, ’ ಸಂಕಲನದಲ್ಲಿ ಹೆಚ್ಚಾಗಿ ಪರಿಸರದ ಭಾಗವಾದ ಕಾಗೆ, ಗುಬ್ಬಿ, ನವಿಲು ಸೇರಿದಂತೆ ಒಂದಿಷ್ಟು ಹಕ್ಕಿ ಪ್ರಾಣಿಗಳ ಕುರಿತಾದ ಪದ್ಯಗಳು ಗಮನ ಸೆಳೆಯುತ್ತವೆ. ಅವುಗಳ ಜೀವನಶೈಲಿಯನ್ನು ಮಕ್ಕಳಿಗೆ ಪರಿಚಯಿಸುವಂತಹ ಸಂಗತಿಗಳುಳ್ಳ ಪದ್ಯಗಳನ್ನು ಯಲ್ಲಪ್ಪನವರು ರಚಿಸಿದ್ದಾರೆ. ಇಂದಿನ ಮಕ್ಕಳಿಗೆ ಇಂತಹ ಪದ್ಯಗಳು ಅತ್ಯಗತ್ಯವೆನಿಸುತ್ತವೆ’ ಎಂದು ಅಭಿಪ್ರಾಯ ವ್ಯಕ್ತಪಡಿಸಿ, ಪ್ರಶಂಸಿಸಿದ್ದಾರೆ.
ಲೇಖಕ ಯಲ್ಲಪ್ಪ ಎಂ. ಮರ್ಚೇಡ್ ಅವರು ಮೂಲತಃ ರಾಯಚೂರು ತಾಲೂಕಿನ ಜಾಗೀರ್ ಮರ್ಚೇಡ್ ಗ್ರಾಮದವರು. ತಾಯಿ ಹುಸೇನಮ್ಮ. ತಂದೆ ಅಂಜಿನಯ್ಯ ಮ್ಯಾತ್ರಿ. ಮರ್ಚೇಡ್ ಗ್ರಾಮದಲ್ಲೇ ಪ್ರಾಥಮಿಕ ಶಿಕ್ಷಣ, ಜೇಗರಕಲ್ ಗ್ರಾಮದಲ್ಲಿ ಪ್ರೌಢಶಿಕ್ಷಣ, ರಾಯಚೂರಿನಲ್ಲಿ ಪಿಯುಸಿ, ಕಲಬುರಗಿಯಲ್ಲಿ ಡಿ.ಇಡಿ, ರಾಯಚೂರಿನಲ್ಲಿ ಬಿ.ಎ. ಪದವೀದವಿ ಪಡೆದರು. 2012ರಲ್ಲಿ ಅರಣ್ಯ ಇಲಾಖೆಯಲ್ಲಿ ಉದ್ಯೋಗಕ್ಕೆ ಸೇರಿದರು. ಜೊತೆಗೆ, ಹಂಪಿಯ ಕನ್ನಡ ವಿಶ್ವವಿದ್ಯಾಲಯದ ದೂರ ಶಿಕ್ಷಣ ನಿರ್ದೇಶನಾಲಯದಿಂದ ಎಂ.ಎ. (2015) ಪೂರ್ಣಗೊಳಿಸಿದರು. ಕೃತಿಗಳು: 2013ರಲ್ಲಿ ಅವರ ಚೊಚ್ಚಲ ಕವನ ಸಂಕಲನ- "ಮಡಿಲು", ಬಣ್ಣದ ಗುಬ್ಬಿ (ಶಿಶು ಗೀತೆಗಳ ಸಂಕಲನ), ’ವಚನ ಪ್ರಭೆ’ (ಆದುನಿಕ ವಚನಗಳ ಸಂಕಲನ), ’ಕನಸೊಂದು ಕಣ್ಮರೆ’ (ಕವನ ಸಂಕಲನ) ಪ್ರಕಟವಾಗಿದೆ. ...
READ MORE
Concept & Creation 
©2024 Book Brahma Private Limited.
