ಲೇಖಕ ಶ್ರೀನಿವಾಸ ಕಕ್ಕಿಲ್ಲಾಯ ಅವರ ಕೃತಿ ʻವಿಜ್ಞಾನದಲ್ಲಿ ವಿನೋದʼ. ಪುಸ್ತಕವು ವೈಜ್ಞಾನಿಕ ಪ್ರಯೋಗಗಳ ಕೆಲವು ಕುತೂಹಲಕಾರಿ ವಿವರಗಳನ್ನು ಒಳಗೊಂಡಿದೆ. ಸಾಮಾನ್ಯವಾಗಿ ಎಳೆಯರಲ್ಲಿ ವಿಜ್ಞಾನದ ಬಗ್ಗೆ ಹಲವು ಗೊಂದಲಗಳು, ಪ್ರಶ್ನೆಗಳಿರುವುದು ಸಾಮಾನ್ಯ. ಹಾಗಾಗಿ ಅಂಥ ಗೊಂದಲ, ಪ್ರಶ್ನೆಗಳನ್ನು ನೀಗಿಸಲು, ವಿಜ್ಞಾನವನ್ನು ಸುಲಭ ಮಾರ್ಗದಲ್ಲಿ ಅರ್ಥಮಾಡಿಸಲು ಇಲ್ಲಿ ಲೇಖಕರು ಸರಳವಾದ ಆದರೆ ಅಚ್ಚರಿಪಡಿಸುವಂಥ 82 ಪ್ರಯೋಗಗಳ ಬಗ್ಗೆ ವಿವರಿಸುತ್ತಾರೆ. ಇವು ಮಕ್ಕಳಿಗೆ ಆಹ್ಲಾದವನ್ನು ಉಂಟುಮಾಡುವುದರ ಜೊತೆಗೆ ಅರಿವನ್ನೂ ನೀಡಬಲ್ಲವು.
ಮಂಗಳೂರಿನ ಸ್ಪಂದನಾ ಸೆಂಟರ್‌ ಫಾರ್‌ ಮೆಟಾಬಾಲಿಕ್‌ ಮೆಡಿಸಸಿನ್‌ ಕೇಂದ್ರದಲ್ಲಿ ವೈದ್ಯರಾಗಿರುವ ಡಾ. ಶ್ರೀನಿವಾಸ ಕಕ್ಕಿಲ್ಲಾಯ ಅವರು ಪ್ರೌಢಶಿಕ್ಷಣವನ್ನು ಮಂಗಳೂರಿನ ಕೆನರಾ ಪ್ರೌಢಶಾಲೆಯಲ್ಲಿ ಪಡೆದರು. ಮಂಗಳೂರಿನ ಕಸ್ತೂರಬಾ ಮೆಡಿಕಲ್‌ ಕಾಲೇಜಿನಲ್ಲಿ ಅಧ್ಯಯನ ನಡೆಸಿ ಎಂ.ಬಿ.ಬಿ.ಎಸ್. ಪದವಿ ಪಡೆದ ಶ್ರೀನಿವಾಸ ಅವರು ಹುಬ್ಬಳ್ಳಿಯ ಕರ್ನಾಟಕ ಮೆಡಿಕಲ್‌ ಕಾಲೇಜಿನಿಂದ 1992ರಲ್ಲಿ ಸ್ನಾತಕೋತ್ತರ (ಎಂ.ಡಿ.) ಪದವಿ ಪಡೆದರು. ಕರ್ನಾಟಕ ಏಕೀಕರಣಕ್ಕೆ ಶ್ರಮಿಸಿದವರಲ್ಲಿ ಒಬ್ಬರಾದ ಬಿ.ವಿ.ಕಕ್ಕಿಲ್ಲಾಯ ಅವರ ಪುತ್ರರಾಗಿರುವ ಶ್ರೀನಿವಾಸ ಅವರು ಕರ್ನಾಟಕ ವಿಧಾನಸಭೆಯಲ್ಲಿ ಬಿ.ವಿ. ಕಕ್ಕಿಲ್ಲಾಯ ಕೃತಿಯನ್ನು ಸಂಪಾದಿಸಿದ್ದಾರೆ. ...
READ MORE
Concept & Creation 
©2025 Book Brahma Private Limited.
