ಕವಿ ಮಾರ್ಕಾಂಡೇಯ ಅವರು ಮನೋವಿಕಾಸಕ್ಕಾಗಿ ಬರೆದ ಕವಿತೆಗಳ ಸಂಕಲನ-ಬಣ್ಣದ ಅಂಗಿ. ಕಲ್ಪನಾತ್ಮಕ ಕವಿತೆಗಳಿವೆ. ಸಚಿತ್ರದೊಂದಿಗೆ ವರ್ಣಮಯವಾಗಿ ಪ್ರಸ್ತುತಪಡಿಸಿದ್ದು ಮಕ್ಕಳಿಗೆ ಮುದ ನೀಡುವಂತಿದೆ. ಸುಮಾರು 20 ಕವಿತೆಗಳು ಸಂಗೀತ ನಿರ್ದೇಶಕರಿಂದ ಸ್ವರ ಸಂಯೋಜನೆಯಾಗಿದ್ದು, ಮಕ್ಕಳವರೆಗೂ ತಲುಪಿವೆ. ಶಿಶು ಸಾಹಿತ್ಯಕ್ಕೆ ಹೀಗಿದ್ದರೆ ಚೆನ್ನ ಎಂದು ಮಕ್ಕಳಿಗೆ ಇಷ್ಟವಾಗುವ ಭಾವದ ಕವಿತೆಗಳನ್ನು ಸಚಿತ್ರ ಮತ್ತು ವಿನ್ಯಾಸ ಮಾಡಿದ್ದು ಬಣ್ಣದ ಅಂಗಿಯ ವೈಶಿಷ್ಟ್ಯ.
ಕವಿ, ಕಲಾವಿದ, ಬಾಗೂರು ಮಾರ್ಕಾಂಡೇಯ ಅವರು ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲೂಕಿನ (ಜನನ: 28-06-1966) ಬಾಗೂರು ಗ್ರಾಮದವರು. ಪರಿಸರ, ಮಕ್ಕಳ ಸಾಹಿತ್ಯ, ಚಿತ್ರಕಲೆ ಸೇರಿದಂತೆ ಸುಮಾರು 54ಕ್ಕೂ ಅಧಿಕ ಕೃತಿಗಳನ್ನು ರಚಿಸಿದ್ದಾರೆ. ಏಕ ವ್ಯಕ್ತಿ ಚಿತ್ರಕಲಾ ಪ್ರದರ್ಶನ, ಬೇರುಗಳು ಚಿತ್ರ ಸರಣಿ ಮೂಲಕ ಪರಿಸರ ಜಾಗೃತಿಗೆ ಶ್ರಮಿಸಿದವರು, ‘ರೇಖೆಗಳಲ್ಲಿ ಭಾವಗೀತೆಗಳು’ ಮೂಲಕ ನೂತನ ಪ್ರಯೋಗಶೀಲತೆ ರೂಢಿಸಿಕೊಂಡವರು. ಕನ್ನಡದ ಸುಲಭ ಕಲಿಕೆಗೆ “ಕನ್ನಡ ಸೌರಭ” ತಂತ್ರಾಂಶ ತಯಾರಿಸಿದ್ದಾರೆ. “ಬಾಗೂರು ಕಲಾ ವೇದಿಕೆ ಟ್ರಸ್ಟ್” ರಚಿಸಿಕೊಂಡು ‘ಕಲಾ ಭೂಷಣ’ ಪ್ರಶಸ್ತಿ ನೀಡುತ್ತಾ ಬಂದಿದ್ದಾರೆ ಕವನ ಸಂಕಲನಗಳು: ರೇಖಾಂತರಂಗದ ಭಾವಗುಸುಮ, ಭಾವಶಿಲ್ಪ, ಭಾವೋನ್ಮಾದಿನಿ, ಭಾವಸಮ್ಮಿಲನ, ಕೊಳಲದನಿ, ಕಾವ್ಯಕನ್ನಿಕೆ, ಚೈತ್ರ ಚೆಲುವು, ಸುವರ್ಣಪುತ್ಥಳಿ, ಸ್ವರಸಿರಿಯ ಸ್ನೇಹಲತೆ, ರಾಧಾ ಮಾಧವರ ಒಲುಮೆ ...
READ MORE
Concept & Creation 
©2024 Book Brahma Private Limited.
