ಕವಿ ಬಾಗೂರು ಮಾರ್ಕಾಂಡೇಯ ಅವರು ಮಕ್ಕಳಿಗಾಗಿ ಬರೆದ ಕವನಗಳ ಸಂಕಲನ-ಚಿಂವ್ ಚಿಂವ್ ಗುಬ್ಬಿ. ಮಕ್ಕಳ ಮಧುರ ಕ್ಷಣಗಳನ್ನು ಪ್ರತಿಧ್ವನಿಸುವ ಕವಿತೆಗಳಿವು. 49 ಕವಿತೆಗಳಿದ್ದು, ಪ್ರತಿ ಕವಿತೆಗೂ ಸುಂದರ ಚಿತ್ರಗಳನ್ನು ವಿನ್ಯಾಸಗೊಳಿಸಿದೆ. ತಂದೆ ತಾಯಿಯರು ತಮ್ಮ ಪುಟಾಣಿ ಕಂದನ ಬಗ್ಗೆ ಇರುವ ವಾತ್ಸಲ್ಯ, ಪ್ರೇಮ, ಮಕ್ಕಳ ತುಂಟಾಟವನ್ನು ಮಧುರ ಕ್ಷಣಗಳನ್ನು ಕವಿತೆಗಳಲ್ಲಿ ಸೆರೆಹಿಡಿಯಲಾಗಿದೆ. ಅತ್ಯಂತ ಆಪ್ತವಾಗುವ ಆ ಪಿಸುಮಾತಿನ ವಾತ್ಸಲ್ಯವನ್ನು ಹಾಗಾಗೆ ಕವಿತೆಗಟ್ಟುವ ಕುಸುರಿ ಕೆಲಸದ ಆನಂದವೂ ಕವಿತೆಯ ಜೀವಾಳವಾಗಿದೆ. ಈ ಕವಿತೆಗಳಿಗೆ ತಮ್ಮ ಮಗನೇ ಪ್ರೇರಣೆ ಎಂದು ಕವಿಯು ಹೇಳಿಕೊಂಡಿದ್ದಾರೆ.
ಕವಿ, ಕಲಾವಿದ, ಬಾಗೂರು ಮಾರ್ಕಾಂಡೇಯ ಅವರು ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲೂಕಿನ (ಜನನ: 28-06-1966) ಬಾಗೂರು ಗ್ರಾಮದವರು. ಪರಿಸರ, ಮಕ್ಕಳ ಸಾಹಿತ್ಯ, ಚಿತ್ರಕಲೆ ಸೇರಿದಂತೆ ಸುಮಾರು 54ಕ್ಕೂ ಅಧಿಕ ಕೃತಿಗಳನ್ನು ರಚಿಸಿದ್ದಾರೆ. ಏಕ ವ್ಯಕ್ತಿ ಚಿತ್ರಕಲಾ ಪ್ರದರ್ಶನ, ಬೇರುಗಳು ಚಿತ್ರ ಸರಣಿ ಮೂಲಕ ಪರಿಸರ ಜಾಗೃತಿಗೆ ಶ್ರಮಿಸಿದವರು, ‘ರೇಖೆಗಳಲ್ಲಿ ಭಾವಗೀತೆಗಳು’ ಮೂಲಕ ನೂತನ ಪ್ರಯೋಗಶೀಲತೆ ರೂಢಿಸಿಕೊಂಡವರು. ಕನ್ನಡದ ಸುಲಭ ಕಲಿಕೆಗೆ “ಕನ್ನಡ ಸೌರಭ” ತಂತ್ರಾಂಶ ತಯಾರಿಸಿದ್ದಾರೆ. “ಬಾಗೂರು ಕಲಾ ವೇದಿಕೆ ಟ್ರಸ್ಟ್” ರಚಿಸಿಕೊಂಡು ‘ಕಲಾ ಭೂಷಣ’ ಪ್ರಶಸ್ತಿ ನೀಡುತ್ತಾ ಬಂದಿದ್ದಾರೆ ಕವನ ಸಂಕಲನಗಳು: ರೇಖಾಂತರಂಗದ ಭಾವಗುಸುಮ, ಭಾವಶಿಲ್ಪ, ಭಾವೋನ್ಮಾದಿನಿ, ಭಾವಸಮ್ಮಿಲನ, ಕೊಳಲದನಿ, ಕಾವ್ಯಕನ್ನಿಕೆ, ಚೈತ್ರ ಚೆಲುವು, ಸುವರ್ಣಪುತ್ಥಳಿ, ಸ್ವರಸಿರಿಯ ಸ್ನೇಹಲತೆ, ರಾಧಾ ಮಾಧವರ ಒಲುಮೆ ...
READ MORE
Concept & Creation 
©2025 Book Brahma Private Limited.
