‘ಬಾಯೊಳಗೇಕೆ ದುರ್ಗಂಧ?’ ಕೃತಿಯು ಎ.ಓ. ಆವಲಮೂರ್ತಿ ಅವರ ಮಕ್ಕಳ ಸಾಹಿತ್ಯ ಕೃತಿಯಾಗಿದೆ. ಪ್ರಶ್ನೆಗಳಿಲ್ಲದೆ ವಿಜ್ಞಾನವಿಲ್ಲ. ಪೊಪರ್‌ನ ಪ್ರಕಾರ ವಿಜ್ಞಾನ ಮುಂದುವರಿಯುತ್ತಿರುವುದು ಯಾರೋ ಏನನ್ನೋ ಕಂಡುಹಿಡಿದಿದ್ದರಿಂದ ಅಲ್ಲ. ಯಾರೋ ಸರಿಯಾದ ಸಂದರ್ಭದಲ್ಲಿ ಸರಿಯಾದ ಪ್ರಶ್ನೆ ಕೇಳಿದ್ದರಿಂದ, ಹೊಸ ಹೊಸ ಪ್ರಶ್ನೆ ಗಳನ್ನು ಕೇಳಿಕೊಂಡು ಅವುಗಳಿಗೆ ಸರಿಯಾದ ಉತ್ತರವನ್ನು ಕಂಡುಹಿಡಿಯುವ ಪ್ರಯತ್ನ ಮಾಡುವುದು ನಿಜವಾದ ವಿಜ್ಞಾನ, ಅದೇ ವಿಜ್ಞಾನಿಯ ನಿಜವಾದ ಲಕ್ಷಣ. ವಿಜ್ಞಾನವಷ್ಟೇ ಅಲ್ಲ, ಬೇರೆಲ್ಲ ಕ್ಷೇತ್ರಗಳ ಬೆಳವಣಿಗೆ ಮತ್ತು ಸುಧಾರಣೆಯ ಚಾಲಕಶಕ್ತಿಯೂ ಚಿಂತನಶೀಲತೆಯೇ ಆಗಿದೆ. ಚಿಂತನಶೀಲತೆಯೇ ವೈಜ್ಞಾನಿಕತೆ ಮತ್ತು ವೈಚಾರಿಕತೆಯ ತಳಹದಿ, ಚಿಂತನಶೀಲರಾದವರು ಯಾರೂ ಯಾವುದೇ ಸಂದರ್ಭದಲ್ಲೂ ಮೋಸಹೋಗುವುದಿಲ್ಲ; ಮೂಢನಂಬಿಕೆಗೆ ಬಲಿಯಾಗುವುದಿಲ್ಲ. ಇದನ್ನು ಗಮನದಲ್ಲಿಟ್ಟುಕೊಂಡು ಇಲ್ಲಿ ಪತ್ರೋತ್ತರವನ್ನು ಕಥನ ರೂಪದಲ್ಲಿ - ನಿಜ ಸಂದರ್ಭಗಳ ನಡುವೆ ಸಹಜವಾಗಿ ಏಳುವ ಪ್ರಶ್ನೆಗಳಿಗೆ ಉತ್ತರ ಕಂಡುಹಿಡಿಯುವ ಪ್ರಕ್ರಿಯೆಯ ರೂಪದಲ್ಲಿ - ನೀಡಲಾಗಿದೆ. ಇಂಗಾಲದ ಅವತಾರಗಳು-2, ಭೂಮಿಯ ಮೇಲೆ ನೀರು ಬಂದದ್ದು ಹೇಗೆ?, ಧೂಮಕೇತುವಿಗೇಕೆ ಬಾಲ?, ನಮ್ಮ ಧ್ವನಿ ಬದಲಾಗುವುದೇಕೆ?, ಕೀಳುರಿತನದ ಕಥೆ, ವ್ಯಥೆ, ನಾವೆಷ್ಟು ವಾಸನೆಗಳನ್ನು ಗುರುತಿಸಬಲ್ಲೆವು?, ನಮ್ಮ ಮನೆ ಬಳಕೆಗೇಕೆ ಹೊರಗಿನ ವಿದ್ಯುತ್?, ಮೇಘಸ್ಫೋಟ ಎಂದರೇನು?, ನಾಲಗೆ ಇದ್ದರೂ ಪ್ರಾಣಿಗಳೇಕೆ ಮಾತನಾಡಲಾರವು?, ಮನೆ ಮುಂದಿನ ನುಗ್ಗೆಯಿಂದ ಕೇಡೇ?, ವಿದ್ಯುತ್ ಮೀಟರ್ ಗಳು ಕೆಲಸ ಮಾಡುವುದು ಹೇಗೆ?-4, ಬಾಯೊಳಗೇಕೆ ದುರ್ಗಂಧ?, ಹೆಪ್ಪಿಗೇಕೆ ಬೇಕು ಬೆಚ್ಚನೆಯ ಹಾಲು?, ಹೀಗೆ ಮಾಡಬಾರದೇಕೆ? ವಿಚಾರವನ್ನು ಒಳಗೊಂಡ ಪರಿವಿಡಿಗಳನ್ನು ಕಾಣಬಹುದಾಗಿದೆ.
ಎ.ಓ. ಆವಲಮೂರ್ತಿ ಅವರು ಭೌತ ವಿಜ್ಞಾನದ ವಿಶ್ರಾಂತ ಅಧ್ಯಾಪಕರು. ಕಳೆದ ಕೆಲವು ವರ್ಷಗಳಿಂದ ಮಕ್ಕಳ ಪರಿಪೂರ್ಣ ಬೆಳವಣಿಗೆಗೆ ಶಿಕ್ಷಕರು, ಪೋಷಕರು ಮತ್ತು ಮಕ್ಕಳು ಏನು ಮಾಡಬೇಕು ಎಂಬುದನ್ನು ಕುರಿತು ಚಿಂತನೆ, ಅಧ್ಯಯನ, ಪ್ರಯೋಗಗಳು ಮತ್ತು ಬರವಣಿಗೆ ಮಾಡುವ ಕಾಯಕದಲ್ಲಿ ನಿರತರಾಗಿದ್ದಾರೆ. ಹಲವು ಜನಪ್ರಿಯ ವಿಜ್ಞಾನ ಪುಸ್ತಕಗಳನ್ನು ಬರೆದಿದ್ದಾರೆ. ಜನಪ್ರಿಯ ವಿಜ್ಞಾನ ಸಾಹಿತ್ಯವನ್ನು ಕುರಿತೇ ಸಂಶೋಧನ ಪ್ರಬಂಧವನ್ನು ಬರೆದು ಬೆಂಗಳೂರು ವಿಶ್ವವಿದ್ಯಾಲಯದಿಂದ ಡಾಕ್ಟರೇಟ್ ಪದವಿ ಪಡೆದಿದ್ದಾರೆ. ಅಲ್ಲದೆ ಮಕ್ಕಳ ಶಿಕ್ಷಣಕ್ಕೆ ಸಂಬಂಧಿಸಿದಂತೆಯೂ ಅನೇಕ ಕೃತಿಗಳನ್ನು ರಚಿಸಿದ್ದಾರೆ. ಇವೆಲ್ಲದರ ಮುಂದುವರಿದ ಭಾಗವಾಗಿ, ಇಂದಿನ ಶಿಕ್ಷಣದಲ್ಲಿ ಇರುವ ಚಿಂತನಶೀಲತೆಯನ್ನು ಮೈಗೂಡಿಸುವುದನ್ನೇ ಪ್ರಮುಖ ...
READ MORE
Concept & Creation 
©2025 Book Brahma Private Limited.
