ಬಾಗೂರು ಮಾರ್ಕಾಂಡೇಯ ಅವರ ಇಲ್ಲಿಯವರೆಗಿನ ಮಕ್ಕಳ ಕವಿತೆಗಳು -ಶೀರ್ಷಿಕೆ ಸೂಚಿಸುವ ಹಾಗೆ ಕವಿ ಬಾಗೂರು ಮಾರ್ಕಾಂಡೇಯ ಅವರ ಮಕ್ಕಳ ಕವಿತೆಗಳ ಸ,ಮಗ್ರ ಕೃತಿ. 420ಕ್ಕಿಂತಲೂ ಹೆಚ್ಚು ಕವಿತೆಗಳಿವೆ.
ದೇಶ, ನಾಡು, ನುಡಿ ಮತ್ತು ಭಾಷೆ, ಕಲಿಕೆ, ಮತ್ತು ಅನೇಕ ಬಾಲ್ಯ ಸಹಜವಾದ ಭಾವಗಳನ್ನು ಕವಿತೆಗಟ್ಟಿರುವುದನ್ನು ಕಾಣಬಹುದಾಗಿದೆ. ಲಾಲಿತ್ಯಪೂರ್ಣವಾಗಿ ಹಾಡಿಕೊಳ್ಳಲು ಬರುವಂಥ ಗೀತೆಗಳು ಇದರಲ್ಲಿವೆ. ಅನೇಕ ಗೀತೆಗಳು ನಾಡಿನ ಖ್ಯಾತ ಗಾಯಕ ಗಾಯಕಿಯರು, ಸಂಗೀತ ನಿರ್ದೇಶಕರಿಂದ ಜನಮಾನಸದಲ್ಲಿ ಹಾಡುವಂತಾಗಿದೆ. ಇಲ್ಲಿಯ ಬಹುತೇಕ ಗೀತೆಗಳು ಬೋಧಪ್ರದವಾಗಿರುವ ಗೀತೆಗಳು ಮಕ್ಕಳಿಗೆ ಸಂತೋಷವನ್ನು ಕಲಿಕೆಯನ್ನು ಪೂರೈಸುವ ಕವಿತೆಗಳಿವೆ.
ಕವಿ, ಕಲಾವಿದ, ಬಾಗೂರು ಮಾರ್ಕಾಂಡೇಯ ಅವರು ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲೂಕಿನ (ಜನನ: 28-06-1966) ಬಾಗೂರು ಗ್ರಾಮದವರು. ಪರಿಸರ, ಮಕ್ಕಳ ಸಾಹಿತ್ಯ, ಚಿತ್ರಕಲೆ ಸೇರಿದಂತೆ ಸುಮಾರು 54ಕ್ಕೂ ಅಧಿಕ ಕೃತಿಗಳನ್ನು ರಚಿಸಿದ್ದಾರೆ. ಏಕ ವ್ಯಕ್ತಿ ಚಿತ್ರಕಲಾ ಪ್ರದರ್ಶನ, ಬೇರುಗಳು ಚಿತ್ರ ಸರಣಿ ಮೂಲಕ ಪರಿಸರ ಜಾಗೃತಿಗೆ ಶ್ರಮಿಸಿದವರು, ‘ರೇಖೆಗಳಲ್ಲಿ ಭಾವಗೀತೆಗಳು’ ಮೂಲಕ ನೂತನ ಪ್ರಯೋಗಶೀಲತೆ ರೂಢಿಸಿಕೊಂಡವರು. ಕನ್ನಡದ ಸುಲಭ ಕಲಿಕೆಗೆ “ಕನ್ನಡ ಸೌರಭ” ತಂತ್ರಾಂಶ ತಯಾರಿಸಿದ್ದಾರೆ. “ಬಾಗೂರು ಕಲಾ ವೇದಿಕೆ ಟ್ರಸ್ಟ್” ರಚಿಸಿಕೊಂಡು ‘ಕಲಾ ಭೂಷಣ’ ಪ್ರಶಸ್ತಿ ನೀಡುತ್ತಾ ಬಂದಿದ್ದಾರೆ ಕವನ ಸಂಕಲನಗಳು: ರೇಖಾಂತರಂಗದ ಭಾವಗುಸುಮ, ಭಾವಶಿಲ್ಪ, ಭಾವೋನ್ಮಾದಿನಿ, ಭಾವಸಮ್ಮಿಲನ, ಕೊಳಲದನಿ, ಕಾವ್ಯಕನ್ನಿಕೆ, ಚೈತ್ರ ಚೆಲುವು, ಸುವರ್ಣಪುತ್ಥಳಿ, ಸ್ವರಸಿರಿಯ ಸ್ನೇಹಲತೆ, ರಾಧಾ ಮಾಧವರ ಒಲುಮೆ ...
READ MORE
Concept & Creation 
©2024 Book Brahma Private Limited.
