ಚಂದದ ಚಲುವಿನ ಗಾಳಿಪಟ- ಕವಿ ಬಾಗೂರು ಮಾರ್ಕಾಂಡೇಯ ಅವರು ಮಕ್ಕಳಿಗಾಗಿ ಬರೆದ ಕವನಗಳ ಸಂಕಲನ. ಮಕ್ಕಳ ಬಾಲ್ಯ ಸಹಜ ಆಟ ಪಾಠ, ಮತ್ತು ತುಂಟಾಟಗಳು ಕವನ ರೂಪವನ್ನು ಪಡೆದುಕೊಂಡಿವೆ. ‘ಪಟ್ಟೆಯ ಗೋಲಿಯ ಪದ್ಯವನು ಆಡಲು ಬರುವೆಯಾ ನನ್ನೊಡನೆ ಹತ್ತು ಗೋಲಿಗಳಿವೆ ನನ್ನಲ್ಲಿ ಮುವತ್ತು ಮಾಡುವೆ ಗೆಲುವಲ್ಲಿ...’ ಎನ್ನುವ ಗಣಿತವನ್ನು ಧ್ವನಿಸುವ ತುಂಟತನದ ಕವಿತೆ. ‘.... ಹಾರುತಿದೆ ಮೇಲೇರುತಿದೆ ಲಾಗವ ಹಾಕುತ ತೇಲುತಿದೆ ಏರುತಿದೆ ಮೇಲೇರುತಿದೆ ಚೆಂದದ ಚೆಲುವಿನ ಗಾಳಿಪಟ’ ಎಂದು ಬಾಲ್ಯದ ಮಧುರ ಕ್ಷಣವನ್ನು ದಾಖಲಿಸಿದ್ದಾರೆ ಈ ಕವಿತೆಯಲಿ. ಇಂತಹ ಅನೇಕ ಕವಿತೆಗಳು ಮಕ್ಕಳಿಗೆ ಇಷ್ಟವಾಗುತ್ತದೆ ಮತ್ತು ಸುಲಭವಾಗಿ ಮಕ್ಕಳು ಹಾಡಬಹುದಾಗಿದೆ.
ಕವಿ, ಕಲಾವಿದ, ಬಾಗೂರು ಮಾರ್ಕಾಂಡೇಯ ಅವರು ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲೂಕಿನ (ಜನನ: 28-06-1966) ಬಾಗೂರು ಗ್ರಾಮದವರು. ಪರಿಸರ, ಮಕ್ಕಳ ಸಾಹಿತ್ಯ, ಚಿತ್ರಕಲೆ ಸೇರಿದಂತೆ ಸುಮಾರು 54ಕ್ಕೂ ಅಧಿಕ ಕೃತಿಗಳನ್ನು ರಚಿಸಿದ್ದಾರೆ. ಏಕ ವ್ಯಕ್ತಿ ಚಿತ್ರಕಲಾ ಪ್ರದರ್ಶನ, ಬೇರುಗಳು ಚಿತ್ರ ಸರಣಿ ಮೂಲಕ ಪರಿಸರ ಜಾಗೃತಿಗೆ ಶ್ರಮಿಸಿದವರು, ‘ರೇಖೆಗಳಲ್ಲಿ ಭಾವಗೀತೆಗಳು’ ಮೂಲಕ ನೂತನ ಪ್ರಯೋಗಶೀಲತೆ ರೂಢಿಸಿಕೊಂಡವರು. ಕನ್ನಡದ ಸುಲಭ ಕಲಿಕೆಗೆ “ಕನ್ನಡ ಸೌರಭ” ತಂತ್ರಾಂಶ ತಯಾರಿಸಿದ್ದಾರೆ. “ಬಾಗೂರು ಕಲಾ ವೇದಿಕೆ ಟ್ರಸ್ಟ್” ರಚಿಸಿಕೊಂಡು ‘ಕಲಾ ಭೂಷಣ’ ಪ್ರಶಸ್ತಿ ನೀಡುತ್ತಾ ಬಂದಿದ್ದಾರೆ ಕವನ ಸಂಕಲನಗಳು: ರೇಖಾಂತರಂಗದ ಭಾವಗುಸುಮ, ಭಾವಶಿಲ್ಪ, ಭಾವೋನ್ಮಾದಿನಿ, ಭಾವಸಮ್ಮಿಲನ, ಕೊಳಲದನಿ, ಕಾವ್ಯಕನ್ನಿಕೆ, ಚೈತ್ರ ಚೆಲುವು, ಸುವರ್ಣಪುತ್ಥಳಿ, ಸ್ವರಸಿರಿಯ ಸ್ನೇಹಲತೆ, ರಾಧಾ ಮಾಧವರ ಒಲುಮೆ ...
READ MORE
Concept & Creation 
©2025 Book Brahma Private Limited.
