ಮಕ್ಕಳ ಅಸೀಮ ಕುತೂಹಲ, ಅದಮ್ಯ ಉತ್ಸಾಹ, ಲೋಕದ ಸಮಸ್ತ ವಸ್ತು ವಿಷಯಗಳ ಕುರಿತಾದ ಆತ್ಯಂತಕ ವಿಸ್ಮಯಗಳನೆಲ್ಲ ತಣಿಸುವಂತೆ, ಅವರಲ್ಲಿ ಸಾಹಿತ್ಯಾಸಕ್ತಿಯನ್ನೂ ಬೆಳೆಸುವಂತೆ ಬರೆಯುವ ಸವಾಲಿನ ನಡುವೆ ಈ ಕೃತಿಯಲ್ಲಿ ವಿಜಯಶ್ರೀ ಹಾಲಡಿಯವರು ತಮ್ಮ ವಿನೂತನ ಅಭಿವ್ಯಕ್ತಿ ಕ್ರಮದಿಂದ ಮಕ್ಕಳ ಮನ ಸೆಳೆಯುವಂತಹ ಪದ್ಯಗಳನ್ನು ರಚಿಸಿದ್ದಾರೆ. ಇಲ್ಲಿರುವ ಐವತ್ತು ಪದ್ಯಗಳಲ್ಲಿ ಬೆಕ್ಕು-ನಾಯಿಗಳ ಕುರಿತಾದ ಪದ್ಯಗಳೇ ಹೆಚ್ಚು. ಮಾತ್ರವಲ್ಲದೇ ಇತರ ಪ್ರಾಣಿ-ಪಕ್ಷಿ ಪ್ರಪಂಚದ ಸೂಕ್ಷ್ಮ ನಿರೀಕ್ಷಣೆಯೊಂದಿಗೆ ಸೂಕ್ಷ್ಮ ಅಭಿವ್ಯಕ್ತಿಯಿದೆ. ಅವುಗಳ ಜೀವನಕ್ರಮವನ್ನು ಮಾನವ ಸಂದರ್ಭಗಳಲಿಟ್ಟು ನೋಡಿದ್ದು ಇಲ್ಲಿನ ಪದ್ಯಗಳ ವೈಶಿಷ್ಟ್ಯ.
ಕವಯತ್ರಿ ವಿಜಯಶ್ರೀ ಹಾಲಾಡಿ, ಉಡುಪಿ ಜಿಲ್ಲೆಯ ಕುಂದಾಪುರ ತಾಲೂಕಿನ ಹಾಲಾಡಿ ಗ್ರಾಮದವರು. ತಂದೆ ಬಾಬುರಾವ್ ತಾಯಿ ಎಂ., ರತ್ನಾವತಿ. ಎಂ.ಎ., ಬಿ.ಎಡ್. ಪದವೀಧರರು. ಕೃತಿಗಳು: ಬೀಜ ಹಸಿರಾಗುವ ಗಳಿಗೆ (ಕವನ ಸಂಕಲನ-2009), ’ಪಪ್ಪು ನಾಯಿಯ ಪ್ರೀತಿ ( ಮಕ್ಕಳ ಸಾಹಿತ್ಯ ವಿಭಾಗದ ಈ ಕೃತಿಗೆ ಕರ್ನಾಟಕ ಸಾಹಿತ್ಯ ಅಕಾಡೆಮಿಯ 2015 ರ ಪುಸ್ತಕ ಬಹುಮಾನ) , ಪ್ರಶಸ್ತಿ-ಪುರಸ್ಕಾರಗಳು: ಮುಂಬೈ ಕನ್ನಡ ಸಂಘದ ಸುಶೀಲಾ ಶೆಟ್ಟಿ ಸ್ಮಾರಕ ಪ್ರಶಸ್ತಿ, (ಹಸ್ತಪ್ರತಿಗೆ-2007) , ಕನ್ನಡ ಸಾಹಿತ್ಯ ಪರಿಷತ್ತಿನಿಂದ ಶಾರದಾ ಆರ್ ರಾವ್ ದತ್ತಿ ಪ್ರಶಸ್ತಿ ಲಭಿಸಿದೆ. 2023ನೇ ಸಾಲಿನ ಕೇಂದ್ರ ಬಾಲ ಸಾಹಿತ್ಯ ಪ್ರಶಸ್ತಿ ಲಭಿಸಿದೆ. ...
READ MORE
ಮಕ್ಕಳ ಸಾಹಿತ್ಯ-2015
Concept & Creation 
©2024 Book Brahma Private Limited.
