ನಮ್ಮ ಶಾಲೆಯ ಹೂಬನ; ಮಕ್ಕಳಿಗಾಗಿ ಕವಿ ಬಾಗೂರು ಮಾರ್ಕಾಂಡೇಯ ಅವರು ಬರೆದ 91 ಕವಿತೆಗಳ ಗುಚ್ಚವಿದು. ಮಕ್ಕಳಿಗೆ ಇಷ್ಟವೆನಿಸುವ ಅನೇಕ ಭಾವಗಳನ್ನು ಕವನ ರೂಪದಲ್ಲಿ ಅಭಿವ್ಯಕ್ತಿಸಲಾಗಿದೆ. ಶಿಶುಸಾಹಿತ್ಯದ ಕಡೆ ಮೊದಲಿನಿಂದಲೂ ಒಲವು ಕಡಿಮೆ ಇದ್ದು, ಈ ನಿರ್ಲಕ್ಷ್ಯವನ್ನು ಕೊನೆಗಾಣಿಸಬೇಕು. ಶಿಶುಸಾಹಿತ್ಯವು ಬೆಳೆಸಿ ಪ್ರೋತ್ಸಾಹಿಸುವ ಅಗತ್ಯವಿದೆ. ಕವಿತೆ ಮನದ ಹೂ ಬಲದಲ್ಲಿ ಅರಳುವುದು ಅಪರೂಪವೆಂಬಂತೆ ನನ್ನ ಬಾಲ್ಯವು ಇ ಕವಿತೆಗಳಿಗೆ ಪ್ರೇರಣೆಯಾಗಿದೆ. ಹಾಗಾಗಿ ಬರೆದಿದ್ದೇನೆ. ಮಕ್ಕಳೆಂದರೆ ಎಲ್ಲಿಲ್ಲದ ಅಕ್ಕರೆ. ಯಾವುದೇ ಒಂದು ಚೌಕಟ್ಟಿಗೆ ನನ್ನನ್ನು ಬಂಧಿಸದೆ ವಿಸ್ತಾರವಾಗುವ ಪ್ರಯತ್ನದಲ್ಲಿ ಸಾರ್ಥಕತೆ ಕಂಡುಕೊಳ್ಳುವ ಕಾಯಕ ಮಾಡಿದ್ದೇನೆ ಹೂಬನದಲ್ಲಿ ಹೂವುಗಳು ಹಲವು ಬಣ್ಣ ಬಣ್ಣವ ತೊಟ್ಟಿಹವು ಸುಭ್ರ ಬೆಳಕಿನ ಬಿಸಿಲಲಿ ನಕ್ಕು ಬಗೆ ಬಗೆ ಕಂಪನು ಚೆಲ್ಲಿಹವು.... ಎಂಬಂತೆ ಮಕ್ಕಳಿಗೆ ಪ್ರಿಯವಾಗುವ ವಿಷಯದ ಕವಿತೆಗಳು ಈ ಸಂಗ್ರಹದಲ್ಲಿದೆ ಎಂದು ಕವಿಗಳು ಸಾಹಿತ್ಯಾಸಕ್ತರಲ್ಲಿ ತಮ್ಮ ವಿನಮ್ರತೆ ತೋರಿದ್ದಾರೆ.
ಕವಿ, ಕಲಾವಿದ, ಬಾಗೂರು ಮಾರ್ಕಾಂಡೇಯ ಅವರು ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲೂಕಿನ (ಜನನ: 28-06-1966) ಬಾಗೂರು ಗ್ರಾಮದವರು. ಪರಿಸರ, ಮಕ್ಕಳ ಸಾಹಿತ್ಯ, ಚಿತ್ರಕಲೆ ಸೇರಿದಂತೆ ಸುಮಾರು 54ಕ್ಕೂ ಅಧಿಕ ಕೃತಿಗಳನ್ನು ರಚಿಸಿದ್ದಾರೆ. ಏಕ ವ್ಯಕ್ತಿ ಚಿತ್ರಕಲಾ ಪ್ರದರ್ಶನ, ಬೇರುಗಳು ಚಿತ್ರ ಸರಣಿ ಮೂಲಕ ಪರಿಸರ ಜಾಗೃತಿಗೆ ಶ್ರಮಿಸಿದವರು, ‘ರೇಖೆಗಳಲ್ಲಿ ಭಾವಗೀತೆಗಳು’ ಮೂಲಕ ನೂತನ ಪ್ರಯೋಗಶೀಲತೆ ರೂಢಿಸಿಕೊಂಡವರು. ಕನ್ನಡದ ಸುಲಭ ಕಲಿಕೆಗೆ “ಕನ್ನಡ ಸೌರಭ” ತಂತ್ರಾಂಶ ತಯಾರಿಸಿದ್ದಾರೆ. “ಬಾಗೂರು ಕಲಾ ವೇದಿಕೆ ಟ್ರಸ್ಟ್” ರಚಿಸಿಕೊಂಡು ‘ಕಲಾ ಭೂಷಣ’ ಪ್ರಶಸ್ತಿ ನೀಡುತ್ತಾ ಬಂದಿದ್ದಾರೆ ಕವನ ಸಂಕಲನಗಳು: ರೇಖಾಂತರಂಗದ ಭಾವಗುಸುಮ, ಭಾವಶಿಲ್ಪ, ಭಾವೋನ್ಮಾದಿನಿ, ಭಾವಸಮ್ಮಿಲನ, ಕೊಳಲದನಿ, ಕಾವ್ಯಕನ್ನಿಕೆ, ಚೈತ್ರ ಚೆಲುವು, ಸುವರ್ಣಪುತ್ಥಳಿ, ಸ್ವರಸಿರಿಯ ಸ್ನೇಹಲತೆ, ರಾಧಾ ಮಾಧವರ ಒಲುಮೆ ...
READ MORE
Concept & Creation 
©2024 Book Brahma Private Limited.
