ಶ್ರೀದೇವಿ ಕೆರೆಮನೆ ಮತ್ತು ಗಿರೀಶ ಜಕಾಪುರೆ ಅವರ ಜುಗಲ್ ಬಂದಿ ’ನನ್ನ ದನಿಗೆ ನಿನ್ನ ದನಿಯು’. ಇಲ್ಲಿಯ ಗಜಲ್‌ಗಳು ದಟ್ಟತೆ ಮತ್ತು ರಚನಾ ವಿಧಾನದ ತಾದಾತ್ಯತೆಯಿಂದ ಕೂಡಿವೆ. ಗಾಢವಾಗಿ ಚಿತ್ರಿತವಾದ ಈ ಸಂಕಲನ ಬಹು ಅನನ್ಯತೆಯನ್ನು ಪಡೆದಿದೆ. ಹೆಣ್ಣು ಗಂಡಿನ ನಡುವೆ ಪ್ರೀತಿ ಪ್ರೇಮ, ಸಾಮರಸ್ಯ, ವಿರಹ, ಅನ್ನೋನ್ಯತೆ, ಗುಮಾನಿ, ಸಂಕಟ, ವ್ಯಥೆ ಇತ್ಯಾದಿ ಭಾವನಾತ್ಮಕ ಸಂಬಂಧಗಳ ನಡುವೆ; ಬಂಧನ ಮತ್ತು ಬಿಡುಗಡೆಯು ಆವರಿಸಿಕೊಂಡಿರುವ ಗಜಲ್‌ಗಳ ಒಟ್ಟು ಸ್ಥಾಯಿಭಾವ. ’ನಿನ್ನ ಇರುವಿಕೆ ಜಡದಲ್ಲಿಯೂ ಚೈತನ್ಯ ತುಂಬುತಿದೆ ಕಲ್ಲುಮುಳ್ಳು ಹೂವಾಗಿ ಅರಳಬಹುದು ನೀನು ಜೊತೆಗಿದ್ದರೆ’ ಎಂದು ಜಕಾಪುರೆ ಅವರು ಧ್ವನಿ ಎತ್ತಿದರೆ, ಶ್ರೀದೇವಿ ’ಬಿಟ್ಟು ಬಿಡು, ಮದಿರೆ ನಶೆ ಏರಿಸದಿದ್ದರೆ ಮತ್ತೆಂದೂ ಕುಡಿಯಬೇಡ ಬೆವರಿದ ಮೈ ಘಮದಲ್ಲೇ ನಶೆ ಏರಿಸಬಹುದು ನೀನು ಜೊತೆಗಿದ್ದರೆ’ ಎನ್ನುತ್ತಾರೆ.
ಈ ಕೃತಿಗೆ ಕ.ಸಾ.ಪ ಕೊಡಮಾಡುವ 2019ನೇ ಸಾಲಿನ ಶ್ರೀಮತಿ ಸುಮನ್ ಸೋಮಶೇಖರ್ ಸೋಮವಾರಪೇಟೆ ದತ್ತಿ ಪ್ರಶಸ್ತಿ ದೊರೆತಿದೆ.
ಉತ್ತರ ಕನ್ನಡ ಜಿಲ್ಲೆ ಹಿರೇಗುತ್ತಿ ಮೂಲದ ಶ್ರೀದೇವಿ ಕೆರೆಮನೆ ವೃತ್ತಿಯಿಂದ ಪ್ರೌಢಶಾಲಾ ಶಿಕ್ಷಕಿ. ಸಾಹಿತ್ಯ ರಚನೆ ಹವ್ಯಾಸ. ಮೊದಲ ಕವನ ಸಂಕಲನ ’ನಾನು ಗೆಲ್ಲುತ್ತೇನೆ’. ಬಳಿಕ ’ಗೆಜ್ಜೆ ಕಟ್ಟದ ಕಾಲಲ್ಲಿ’,’ಮೌನದ ಮಹಾ ಕೋಟೆಯೊಳಗೆ’, ’ಮೈ ಮುಚ್ಚಲೊಂದು ತುಮಡು ಬಟ್ಟೆ’, ಕೃತಿಗಳು ಬಂದವು. ಅಂಗೈಯೊಳಗಿನ ಬೆಳಕು(ವಿಮರ್ಶಾ ಸಂಕಲನ), ’ಅಲೆಯೊಳಗಿನ ಮೌನ’, ’ನನ್ನ ದನಿಗೆ ನಿನ್ನ ದನಿಯು’ ಗಜಲ್ ಕೃತಿ. ’ಬೈಟೂ’ ಚಹಾ ಕುರಿತ ಸಂಕಲನವಾದರೆ ಬಿಕ್ಕೆಹಣ್ಣು, ಚಿತ್ತ ಚಿತ್ತಾರ ಅವರ ಕತೆಗಳ ಗುಚ್ಛ. ಗೂಡು ಕಟ್ಟುವ ಸಂಭ್ರಮದಲ್ಲಿ (ಪ್ರಬಂಧ ಬರಹ ಸಂಕಲನ). ’ಪ್ರೀತಿ ಎಂದರೆ ಇದೇನಾ?, ಹೆಣ್ತನದ ಆಚೆ ...
READ MORE
Concept & Creation 
©2025 Book Brahma Private Limited.
