‘ಹಸಿ ನೆಲದ ಹಾಡು’ ನಾಗೇಶ್ ಜೆ. ನಾಯಕ ಅವರ ಗಜಲ್ ವಿಮರ್ಶಾ ಸಂಕಲನವಾಗಿದೆ. ಇದಕ್ಕೆ ಅಲ್ಲಾಗಿರಿರಾಜ್ ಕನಕಗಿರಿ ಅವರ ಬೆನ್ನುಡಿ ಬರಹವಿದೆ; ನಾಗೇಶ್ ಜೆ. ನಾಯಕ ಅವರ 'ಹಸಿ ನೆಲದ ಹಾಡು' ಈ ಕೃತಿ ಕನ್ನಡ ಸಾಹಿತ್ಯ ಪರಂಪರೆಯಲ್ಲಿ ಒಂದು ವಿಶೇಷವಾದ ಗಜಲ್ ವಿಮರ್ಶಾ ಸಂಕಲನ ಎಂದು ಹೇಳಲು ದಿಲ್‌ ಖುಷ್ ಆಗುತ್ತೆ. ಏಕೆಂದರೆ ಕನ್ನಡ ಗಜಲ್ ಸಾಹಿತ್ಯ ವಿಚಾರವಾಗಿ ಗಮನಿಸಿದರೆ ಇಲ್ಲಿಯ ತನಕ ಮೂವತ್ತಕ್ಕೂ ಹೆಚ್ಚು ಗಜಲ್ ಸಂಕಲನಗಳನ್ನು ಪರಿಚಯಿಸಿರುವ ಏಕೈಕ ಲೇಖಕ, ವಿಮರ್ಶಕ ಎಂದರೆ ಅದು ನಾಗೇಶ್ ಜೆ. ನಾಯಕ. ಇಂತಹ ವಿಶೇಷ ಬರಹಗಾರ, ಅಂಕಣಕಾರ, ಕವಿ ಹಾಗೆಯೇ ಶಿಕ್ಷಕರೂ ಆಗಿರುವ ನಾಯಕ ಅವರ ಸಾಕಷ್ಟು ಕೃತಿಗಳಲ್ಲಿ, ಐತಿಹಾಸಿಕವಾಗಿ ಜನರ ನಡುವೆ ಚರ್ಚೆಗೊಂಡು ಎಲ್ಲರ ಮನಸಿನಾಳದಲ್ಲಿ ಅಚ್ಚಳಿಯದೆ ಉಳಿದ 'ಗರೀಬನ ಜೋಳಿಗೆ' ಗಜಲ್ ಸಂಕಲನ ಅವರಲ್ಲಿರುವ ಗಜಲ್ ಪ್ರೀತಿಯ ಸಂಕೇತ ಕೂಡ ಹೌದು. ಈಗ ಕನ್ನಡ ಸಾಹಿತ್ಯ ಲೋಕದಲ್ಲಿ ಮತ್ತೊಂದು ಹೊಸ ದಾಖಲೆಗೆ ಸಾಕ್ಷಿಯಾಗಿರುವ ನಾಯಕ ಅವರ 'ಹಸಿ ನೆಲದ ಹಾಡು' ಗಜಲ್ ಸಾಹಿತ್ಯದ ಜಾಡಿನಲ್ಲಿ ಮತ್ತೊಂದು ಹೊಸ ಸಂಚಲನ ಉಂಟು ಮಾಡಲಿ.
ನಾಗೇಶ್ ಜೆ. ನಾಯಕ ವೃತ್ತಿಯಲ್ಲಿ ಶಿಕ್ಷಕರು. 1975 ಫೆಬ್ರವರಿ 23 ರಂದು ಸವದತ್ತಿಯಲ್ಲಿ ಜನಿಸಿದರು. ಕನ್ನಡ ದಿನಪತ್ರಿಕೆಗಳಲ್ಲಿ ಇವರ ಲೇಖನಗಳು ಪ್ರಕಟವಾಗಿವೆ. ‘ನೀನೊಂದು ಮುಗಿಯದ ಸಂಭ್ರಮ, ಪ್ರೀತಿಯಿಂದ ಪ್ರೀತಿಗೆ, ಭರವಸೆಗಳ ಬೆನ್ನೇರಿ, ಪುಟ್ಟ ಪದ್ಯಗಳು, ಕವಿ ಸಮಯ ಮಠದೊಳಗಣ ಬೆಕ್ಕು’ ಮುಂತಾದ ಕೃತಿಗಳು ಪ್ರಕಟಣೆಗೊಂಡಿವೆ. ಬಯಲ ಕನ್ನಡಿ-ವಿಮರ್ಶಾ ಸಂಕಲನ, ಒಡಲ ದನಿ-ಅಂಕಣ ಬರಹಗಳು, ಘನದ ಕುರುಹು-ವ್ಯಕ್ತಿ ಚಿತ್ರಣ, ಚಿನ್ನದ ಚೂರಿ-ಕಥಾ ಸಂಕಲನ ಅವರ ಇತ್ತಿಚಿನ ಕೃತಿಗಳಾಗಿವೆ. ಇವರ ಸಾಹಿತ್ಯ ರಚನೆಗಾಗಿ ಸಂಕ್ರಮಣ ಸಾಹಿತ್ಯ ಪ್ರಶಸ್ತಿ, ಸಂಚಯ ಕಾವ್ಯ ಪುರಸ್ಕಾರ, ಆಜೂರು ಪುಸ್ತಕ ಪ್ರಶಸ್ತಿ, ಕನ್ನಡ ಸಾಹಿತ್ಯ ಪರಿಷತ್ತಿನ ದತ್ತಿ ...
READ MORE
Concept & Creation 
©2025 Book Brahma Private Limited.
