ಲೇಖಕ ಡಾ. ನಾಗೇಂದ್ರ ಮಸೂತಿ ಅವರ ಸಂಪಾದನಾ ಗ್ರಂಥ--ಸಾರ್ಥಕ. ಪ್ರೊ. ಎಸ್.ಎಲ್. ಪಾಟೀಲರ ಷಷ್ಠಬ್ದಿ ಅಭಿನಂದನ ಗ್ರಂಥವಿದು. ಒಟ್ಟು ನಾಲ್ಕು ಭಾಗಗಳಿದ್ದು, ಒಂದನೇ ಭಾಗದಲ್ಲಿ, ಕರ್ನಾಟಕದ ಹಿರಿಯ ತಲೆಮಾರಿನ ಸಾಹಿತಿಗಳು, ವಿದ್ವಾಂಸರು,ಸಮಾಜ ಚಿಂತಕರು, ಪಾಟೀಲರ ಬದುಕಿನ ವಿವಿಧ ಮಜಲುಗಳ ಪರಿಚಯ, ಎರಡನೇ ಭಾಗದಲ್ಲಿ, ಪಾಟೀಲರ ಸಮ ವಯಸ್ಸಿನ ಸ್ನೇಹಿತರು, ಆತ್ಮೀಯರ ಒಡನಾಟದ ಸವಿನೆನಪುಗಳ ಚಿತ್ರಣ, ಮೂರನೇ ಭಾಗದಲ್ಲಿ, ಶಿಷ್ಯರ ಹಾಗೂ ಕಿರಿಯ ತಲೆಮಾರಿನವರ ಲೇಖನಗಳಿವೆ. ನಾಲ್ಕನೆಯ ಭಾಗದಲ್ಲಿ, ಸಮಾಜ ವಿಜ್ಞಾನ, ಮನೋವಿಜ್ಞಾನ, ಶಿಕ್ಷಣ,ಆಧುನಿಕತೆ, ವಿಜ್ಞಾನ, ತಂತ್ರಜ್ಞಾನದ ಕುರಿತ ಲೇಖನಗಳನ್ನು ಸಂಗ್ರಹಿಸಲಾಗಿದೆ. ಪಾಟೀಲರ ಬದುಕಿನ ವಿವಿಧ ಮಜಲುಗಳನ್ನು ಪರಿಚಯಿಸುವ ಒಟ್ಟು 48 ಪುಟಗಳ ಚಿತ್ರಸಂಪುಟವಿದೆ.
ಕಲಬುರಗಿ ನಿವಾಸಿಯಾಗಿರುವ ಡಾ. ನಾಗೇಂದ್ರ ಎಸ್. ಮಸೂತಿ ಅವರು ಹೈದ್ರಾಬಾದ್ ಕರ್ನಾಟಕ ಶಿಕ್ಷಣ ಸಂಸ್ಥೆಯ ವಿವಿಧ ಕಾಲೇಜುಗಳಲ್ಲಿ ಕನ್ನಡ ಅಧ್ಯಾಪಕರಾಗಿ, ಸಹಾಯಕ ಪ್ರಾಧ್ಯಾಪಕರಾಗಿ ಕಾರ್ಯ ನಿರ್ವಹಿಸಿದ್ದಾರೆ. ಕಲಬುರಗಿಯ ವಿ.ಜಿ. ಮಹಿಳಾ ಪದವಿ ಕಾಲೇಜಿನಲ್ಲಿ ಸಹಪ್ರಾಧ್ಯಾಪಕರಾಗಿದ್ದಾರೆ. ಕಲಬುರ್ಗಿ ಕನ್ನಡ; ವರ್ಣನಾತ್ಮಕ ವ್ಯಾಕರಣ ವಿಷಯವಾಗಿ ಸಲ್ಲಿಸಿದ ಮಹಾಪ್ರಬಂಧಕ್ಕೆ ಗುಲಬರ್ಗಾ ವಿ.ವಿ. ಪಿಎಚ್.ಡಿ. ನೀಡಿದೆ. ’ಗುರುಸಿದ್ಧ’ ಅಂಕಿತದಲ್ಲಿ ಇವರು ವಚನಗಳನ್ನು ಬರೆಯುತ್ತಾರೆ. ಕಲ್ಯಾಣರಾವ ಪಾಟೀಲ್‌ ಮತ್ತು ಶಿವಶರಣಪ್ಪ ಮೋತಕಪಲ್ಲಿ ಅವರು ಮಸೂತಿ ಅವರ ಜೀವನ- ಸಾಹಿತ್ಯ ಕುರಿತ ’ನುಡಿತೋರಣ’ ಪುಸ್ತಕವನ್ನು ಸಂಪಾದಿಸಿದ್ದಾರೆ. ...
READ MORE
Concept & Creation 
©2024 Book Brahma Private Limited.
.jpg)
.jpg)
