ಲೇಖಕ ಬೆ.ಗೋ. ರಮೇಶ್ ಅವರ ಕೃತಿ-ಮಕ್ಕಳಿಗಾಗಿ ಉಪನಿಷತ್ತಿನ ಕಥೆಗಳು. ಉಪನಿಷತ್ತುಗಳು ಭಾರತೀಯ ನೈಜ ಪರಂಪರೆಯ ಸಾಹಿತ್ಯ ಕೃತಿಗಳು. ಅವು ಮನುಷ್ಯನಿಗೆ ಜೀವನ ರೀತಿಯನ್ನು ತೋರುತ್ತವೆ. ನೀತಿಯನ್ನು ಬೋಧಿಸುತ್ತವೆ. ವಿಶ್ವದ ಅತ್ಯಂತ ಶ್ರೇಷ್ಠ ಸಾಹಿತ್ಯ ಇಲ್ಲವೇ ಪಠ್ಯ ಎಂದೇ ಇವುಗಳನ್ನು ಪರಿಗಣಿಸಲಾಗುತ್ತದೆ. ಉಪನಿಷತ್ತುಗಳ ನಮ್ಮ ದೇಶದ ಸಾಂಸ್ಕೃತಿಕ-ಸಾಹಿತ್ಯಕ ಸಂಪತ್ತು. ಮಕ್ಕಳ ಬೆಳವಣೀಗೆಯಲ್ಲಿ ಉಪನಿಷತ್ತುಗಳ ಕಥೆಗಳು ದಾರಿದೀಪವಾಗುತ್ತವೆ. ಉತ್ತಮ ಸತ್ ಚಾರಿತ್ಯ್ರದ ಸಂಸ್ಕೃತಿಯ ಸ್ಪರ್ಶ ನೀಡುತ್ತವೆ. ಉತ್ತಮ ಮನುಜರಾಗಿ ಸಮಾಜಕ್ಕೆ ಉತ್ತಮ ಕೊಡುಗೆಗಳಾಗಿ ಪರಿವರ್ತನೆಯಾಗಲು ಪ್ರೇರೇಪಿಸುತ್ತವೆ. ಮಕ್ಕಳಿಗಾಗಿ ಬರೆದಿರುವುದರಿಂದ ಭಾಷೆಯು ಸರಳವಾಗಿದೆ.
ಬೆ.ಗೋ. ರಮೇಶ್ ಮೈಸೂರು ಜಿಲ್ಲೆಯ ಕೆ.ಆರ್. ನಗರ ತಾಲ್ಲೂಕಿನ ದೊಡ್ಡ ಹನಸಗೆಯಲ್ಲಿ ಆಗಸ್ಟ್ 22 , 1945ರಲ್ಲಿ ಜನಿಸಿದರು. ತಂದೆ ಗೊವಿಂದರಾಜು, ತಾಯಿ ರಾಧಮ್ಮನವರು. ಅವರ ಪ್ರಾರಂಭಿಕ ಶಿಕ್ಷಣ ನಡೆದದ್ದು ಬೆಂಗಳೂರಿನ ಮಲ್ಲೇಶ್ವರಂ ಶಾಲೆಯಲ್ಲಿ. ಇಂಟರ್‌ಮೀಡಿಯೆಟ್ ಓದಿದ್ದು ಸರಕಾರಿ ಕಾಲೇಜಿನಲ್ಲಿ. ಮುಂದೆ ರಮೇಶರು ಹಾಸನದ ಮಲ್ನಾಡ್ ಎಂಜನಿಯರಿಂಗ್ ಕಾಲೇಜಿನಿಂದ ಬಿ.ಇ. ಪದವಿ ಪಡೆದರು. ಹೆಬ್ಬಾಳದ ಕೃಷಿ ವಿಶ್ವವಿದ್ಯಾಲಯದಲ್ಲಿ ಕೆಲಕಾಲ ಉದ್ಯೋಗ ನಿರ್ವಹಿಸಿದ ಬೆ. ಗೋ ರಮೇಶರು ಕರ್ನಾಟಕ ಪವರ್ ಕಾರ್ಪೋರೇಷನ್ನಿನಲ್ಲಿ ಸಹಾಯಕ ಎಂಜನಿಯರಾಗಿ, ಸಹಾಯಕ ಎಕ್ಸುಕ್ಯುಟಿವ್ ಎಂಜನಿಯರಾಗಿ, ಎಕ್ಸಿಕ್ಯುಟಿವ್ ಎಂಜನಿಯರಾಗಿ, ರಾಯಚೂರಿನ ಶಾಕೋತ್ಪನ್ನ ವಿದ್ಯುದಾಗಾರದಲ್ಲಿ ಸೇವೆ ಸಲ್ಲಿಸಿ ...
READ MORE
Concept & Creation 
©2024 Book Brahma Private Limited.
