ಮಂಕುತಿಮ್ಮನ ಕಗ್ಗ ಖ್ಯಾತಿಯ ಡಿ.ವಿ. ಗುಂಡಪ್ಪ (ಡಿವಿಜಿ) ಅವರ ಕೃತಿ-ರಾಜ್ಯ ಕುಟುಂಬ. ರಾಜ್ಯಶಾಸ್ತ್ರ ಕುರಿತು ಈಗಾಗಲೇ ಕೃತಿ ಬರೆದ ಲೇಖಕರು ಅದರ ಮುಂದಿನ ಭಾಗವಾಗಿ ಈ ಕೃತಿಯನ್ನು ರಚಿಸಿದ್ದು, ಈ ಕೃತಿಯಲ್ಲಿ, ಪರಿಶೋಧನ, ಪರಿಷ್ಕರಣ ಹಾಗೂ ಸಂವಿಧಾನಗಳು ಎಂಬ ಮೂರು ವಿಭಾಗಗಳಡಿ ವಿಷಯವನ್ನು ವಿವರಿಸಿ, ಚರ್ಚಿಸಿದ್ದಾರೆ. ಕುಟುಂಬದಂತೆ ರಾಜ್ಯದ ಆಡಳಿತದ ಮಾದರಿಯನ್ವುನು ಒಳಗೊಂಡಿರುತ್ತದೆ ಎಂಬುದು ಇಲ್ಲಿಯ ಸಮರ್ಥನೆ. ರಾಜ್ಯ-ಕುಟುಂಬದ ರಚನೆಗಳು ವಿಭಿನ್ನವಾಗಿದ್ದರೂ ಸಾಗುವ ದಾರಿಗಳಲ್ಲಿ ಅಷ್ಟೊಂದು ವಿಭಿನ್ನತೆ ಇಲ್ಲ.ವಿಸ್ತಾರವಾದ ರಾಜ್ಯಾಡಳಿತಕ್ಕೂ ಸಮಾಜದ ಅತಿ ಸಣ್ಣ ಘಟಕವಾದ ಕುಟುಂಬಕ್ಕೂ ಅದೇ ನಿಯಮಗಳು ಅನ್ವಯಿಸುತ್ತವೆ. ತಪ್ಪಿದರೆ, ರಾಜ್ಯ ಅತಂತ್ರವನ್ನು ಅನುಭವಿಸುವಂತೆ ಕುಟುಂಬದ ಅನುಭವವೂ ಆಗುತ್ತದೆ ಎಂಬ ಸಾಮ್ಯತೆಯನ್ನು ತೋರಿದ ಕೃತಿ ಇದು.
ಮಂಕುತಿಮ್ಮನ ಕಗ್ಗ ಕಾವ್ಯದಿಂದ ಲೋಕವಿಖ್ಯಾತರಾದ ಡಿವಿಜಿ ಅವರು (ದೇವನಹಳ್ಳಿ ವೆಂಕಟರಮಣಯ್ಯ ಗುಂಡಪ್ಪ) ಲೇಖಕ- ಪತ್ರಕರ್ತ. ಕೋಲಾರ ಜಿಲ್ಲೆಯ ಮುಳಬಾಗಿಲಿನಲ್ಲಿ 1887ರ ಮಾರ್ಚ್ 17ರಂದು ಜನಿಸಿದ ಗುಂಡಪ್ಪ ಅವರು ಪ್ರೌಢಾಶಾಲಾ ಶಿಕ್ಷಣವನ್ನು ಮೈಸೂರು ಮಹಾರಾಜ ಪ್ರೌಢಶಾಲೆಯಲ್ಲಿ ಪಡೆದರು. ಮೆಟ್ರಿಕ್ ಪರೀಕ್ಷೆಯಲ್ಲಿ ಉತ್ತೀರ್ಣರಾಗದಿದ್ದರೂ ಸ್ವಂತ ಅಧ್ಯಯನದಿಂದ ಕನ್ನಡ, ಸಂಸ್ಕೃತ, ಇಂಗ್ಲಿಷ್ ಭಾಷೆಗಳಲ್ಲಿ ಪರಿಣತರಾಗಿದ್ದರು. ಮುಳುಬಾಗಿಲಿನ ಒಂದು ಶಾಲೆಯಲ್ಲಿ ಕೆಲವು ಕಾಲ ಬದಲಿ ಅಧ್ಯಾಪಕರಾಗಿ ಕಾರ್ಯ ನಿರ್ವಹಿಸಿದರು. ಅನಂತರ ಕೋಲಾರದ ಸೋಡಾ ಫ್ಯಾಕ್ಟರಿಯೊಂದರಲ್ಲಿ ಕೆಲಸ ಮಾಡಿ ಬೇಸತ್ತು ಬೆಂಗಳೂರಿನಲ್ಲಿ ಜಟಕಾಬಂಡಿಗೆ ಬಣ್ಣ ಬಳಿಯುವ ಕಾರ್ಖಾನೆಯಲ್ಲಿ ಕೆಲಕಾಲ ಕೆಲಸ ಮಾಡಿದರು. ಅನಂತರ ಪತ್ರಿಕಾರಂಗ ...
READ MORE
Concept & Creation 
©2024 Book Brahma Private Limited.
